Навивачите на Барселона тешко дека го преболеле заминувањето на Лионел Меси, а за целата ситуација беше обвинето претходното раководство на чело со Бартомеу кое клубот го остави во лоша ситуација.

Лапорта за викендот се сретна со таткото на Меси, а тоа привлече големо внимание. Сега Барселона изгледа многу поставилна, но во овој момент Меси е играч на ПСЖ и клубот од Париз многу се прашува за неговата иднина.

Кога во прашање е Лапорта тој би сакал да го види Меси повторно во Барселона.

„Дали би сакал да се врати Меси во Барселона? Да, секако“, кратко одговорил Лапорта.

Претходно и таткото на Меси имаше изјава дека би сакал еден ден неговиот син да го види повторно во Барселона.

Килијан Мбапе е прогласен за најдобар играч во сезоната во француската Лига 1.

Напаѓачот ја доби наградата од Унијата на фудбалери на Франција (УНФП), победувајќи го во изборот Висам Бен Једер од Монако, Дмитри Паје (Олимпик Марсеј), Лукас Пакета (Лион) и Мартин Териер (Рен).

За најдобар тренер во тековната сезона беше прогласен Бруно Женесио, кој е на чело на Рен.

Голманот на ПСЖ, Џанлуиџи Донарума е прогласен за најдобар голман во сезоната на Лига 1.

Во периодот пред борбата за титулата европски првак, Реал Мадрид ги претстави новите домашни дресови за следната сезона.

Традиционално доминира белата боја со црн принт, но и јака која потсетува на ретро варијанти на дресовите на „кралскиот клуб“.

Трите линии на Адидас се обоени во виолетова, што претставува врска со кралското семејство, додека шорцевите ќе бидат бели.

После пет години Ерик Тен Хаг си заминува од Ајакс и се сели во Премиер лигата во редовите на Манчестер Јунајтед.

Јунајтед никако не успева да се стабилизира после заминувањето на легендарниот Сер Алекс Фергусон. Холанѓанецот е свесен што го чека во Јунајтед и дека работата да го врати тимот на славните патеки нема да биде лесна.

„Има многу работи што треба да се поправат во Манчестер Јунајтед, секаде има работа, но во Јунајтед во овој момент има многу. Треба да се организираат повеќе работи. Кога во прашање е тимот од понеделник интезивно ќе се фокусирам“, изјави Тен Хаг кој со Ајакс освои три лигашки и два Куп трофеи.

Антонио Рудигер потврди дека си заминува од Челзи и од следната сезона ќе го носи дресот на Реал Мадрид, но притоа откри и за што најмногу жали пред заминувањето од Лондон.

Рудигер потврди дека ќе се пресели во „кралскиот клуб“ по завршување на соработката со Челзи, а притоа кажа дека е нервозен затоа што си заминува од Челси без трофеј на крајот на сезоната.

Германецот ја освои Лигата на шампиони, Лига Европа, Светско клупско првенство и други трофеи, но сакаше да го земе и ФА-купот оваа година, но сепак Челси загуби од Ливерпул на пенали.

„Ова беа пет години со падови и успеси, но има многу позитивни работи. Жал ми е што крајот не е поразличен“, кажа Рудигер.

Роберт Левандовски не сака да потпише нов договор со Баерн и тоа полскиот голгетер веќе јавно го соопшти.

Левандовски има договор со Баерн до летото 2023 година и прашање е дали до тогаш ќе остане во Минхен или клубот ќе го продаде во летниот преоден рок кој следи. Обично во клубовите не сакаат да ги задржуваат незадоволните играчи, но Оливер Кан со малку „остар“ тон го изнесе своето мислење на оваа тема.

„Му понудивме нов договор на Левандовски, а тој го одби. Факт е дека има важечки договор со нас кој мора да го почитува и тоа е тоа“, порача Кан.

Атлетико Мадрид оваа сезона не успеа да освои ниту еден трофеј, но навивачите не се претерано разочарани поради тоа.

Обезбеден е пласманот во Лигата на шампионите за следната сезона, а оваа сезоноа стигнаа до четвртфиналето каде беа елиминирани од Манчестер Сити.

По дуелот со Севиља, Аргентинецот изјави дека и следната сезона дефинитивно ќе остане тренер на Атлетико Мадрид и со тоа е отстранета секоја дилема околу неговата иднина во клубот.

„Нема што да се каже, продолжувам со работата во Атлетико. Без грижи, опуштено“, изјави Симеоне.

Популарниот „Чоло“ е во Мадрид од 2011 година и има освоени четири европски и четири домашни трофеи.

Спортскиот директор на Барселона, Матеу Алемани и неговиот колега од Атлетико Мадрид, Хил Марин вчера имале средба.

Шпанските медиуми пренесуваат дека главна тема била иднината на напаѓачите Антоан Гризман и Алваро Мората.

Гризман во моментов е на позајмива во Атлетико и до овој момент запиша 37 меча на кои постигна 8 гола. Тој има плата од 22 милиони евра во Барселона, па Каталонците не сакаат да го вратат за да не ја нарушат структурата на плати.

Поради тоа од Барселона сакаат да го остават Французинот на „Ванда Метрополитано“ и да го земат Алваро Мората, кој моментално игра на позајмица во Јувентус.

„Старата дама“ нема да го откупи Шпанецот на крајот на сезоната, па би можело двата клуба да договорат трампа.

Француската фудбалска суперѕвезда, Килијан Мбапе, сеуште нема донесено дефинитивна одлука каде ќе ја продолжи својата кариера. Играчот од нападот на ПСЖ се почесто се поврзува со премин во Реал Мадрид. 

Според последните објави на познатиот новинар Фабрицио Романо, 23-годишниот фудбалер е многу блиску до одлуката околу продложувањето на кариерата.

„Не можам дефинитивно да зборувам за мојата иднина, но ќе знаете за брзо време. Скоро се е одлучено“, изјави Мбапе за француските медиуми.

Новинарот Романо потенцира дека во таборот на Реал се многу оптимистични и самоуверени дека Французинот својата кариера ќе ја продолжи на „Сантијаго Бернабеу“.

Оваа сезона во дресот на ПСЖ,Мбапе има постигнато 25 гола на 34 натпревари.

Борусија Менхенгладбај го отпушти австрискиот тренер Адолф Хитер после завршувањето на сезоната во Бундеслигата.

Тимот на Хитер во вчерашното последно коло од германскиот шампионат убедливо со 5-1 го совлада Хофенхајм, но тоа не го спречи германскиот бундеслигаш да му даде отказ.

Причината за разделбата со Хитер се лошите резултати во оваа сезона. Од екипата се очекуваше многу повеќе пред почетокот на сезоната, тимот констатно беше во долниот дел од табелата во Бундеслигата и далеку од местата кои водат во Европа што беше примарната цел.

Сега клубот ќе биде во потрага по нов стратег, а засега не се познати потенцијалните кандидати за наследник на Хитер.