Фудбалерите на Ливерпул се освојувачи на ФА купот после победата над Челзи издвојувана со изведување на пенали 6:5. Тренерот на црвените, Јирген Клоп сега е рамо до рамо со  Сер Алекс Фергусон.

Германскиот стручњак за прв пат во својата кариера го подигна трофејот во ФА купот, и стана втор тренер после легендарниот Фергусон, кој со еден англиски тим успеал да слави во Лигата на шампионите, ФА купот, Лига купот и Премиер лигата.

80-годишниот Сер Алекс, го тренираше Манчестер од 1986 година до 2013 година и во тој период успеа да освои 38 трофеи.

Јирген Клоп го презеде тимот на Ливерпул во 2015 година и оттогаш има освоено 6 пехари со клубот од Енфилд.

Еден Азар никако да ги исполни очекувањата во изминатите три сезони во дресот на Реал Мадрид, Белгиецот постојано се повредува и не успева да влезе во натпреварувачки ритам.

Меѓутоа сезонава и кога беше фит не добиваше многу прилика од Карло Анчелоти затоа што Винисиус Жуниор игра во фантастична форма. Азар во Реал Мадрид е три сезони и во тој период одигра само 47 натпревари и во нив најчесто влегуваше од клупата за резерви.

И покрај таквата ситуација италијанскиот стратег најави дека Азар и наредната сезона ќе биде играч на Реал Мадрид.

„Еден Азар ќе остане во Реал Мадрид и следната сезона. Имаме план и верувам дека ќе го покаже својот квалитет“, изјави Анчелоти.

Пеп Гвардиола зборуваше за неговиот нов договор со клубот.

„Ако го обновам договорот, тоа ќе се случи на крајот на следната сезона. Тоа дефинитивно нема да се случи пред тоа. Поминаа многу години, ќе треба да одлучиме како ќе се чувствуваме заедно со тимот. Би останал уште 10 години, но ќе треба време за да се разбере каква ќе биде ситуацијата. Да, разочарани сме, сакавме да играме финале, но елиминацијата од Лигата на шампионите нема да влијае на мојата иднина. Она за што дојдовме во Сити веќе е направено“, изјави Гвардиола за Sky Sports.

Актуелниот договор на 51-годишниот менаџер со Сити е до 2023 година. Тој е во тимот од 2016 година.

За тоа време англискиот клуб три пати ја освои Премиер лигата, два пати Суперкупот и еднаш ФА Купот.

Сити стигна и до финалето на Лигата на шампионите, каде загуби од Челзи (0-1).

Пари Сен Жермен ќе мора да му плати на тренерот Маурисио Почетино 15 милиони евра отштета доколку сака да го раскине договорот на крајот на оваа сезона, објави „Екип“.

Според изворот, аргентинскиот стручњак нема да поднесе оставка. Неговиот договор со тимот, потпишан во јануари 2021 година, истекува на крајот на следната сезона. Под водство на Почетино, ПСЖ ја освои Лига 1, Купот и Суперкупот на Франција, но беше елиминиран рано во Лигата на шампионите.

На 82 натпревари по негово водство, ПСЖ победи на 54, на 13 ремизираше и 15 загуби.

Тој беше кандидат за тренерското место во Манчестер Јунајтед, но тимот се одлучи за кандидатурата на Ерик тен Хаг.

Избран е најдобриот тим во Бундеслигата во сезона во која Баерн уште еднаш стигна до шампионската титула.

Нападот очекувано го предводат првите ѕвезди на Баерн Минхен и Борусија Дортмунд, Роберт Левандовски и Ерлинг Халанд.

Тим на сезоната: Нојер (Баерн) – Алфонсо Дејвис (Баерн Минхен), Еван Ндика (Ајнтрахт Франкфурт), Нико Шлотенбек (Фрајбург), Дејвид Раум (Хофенхајм) – Џуд Белингем (Борусија Дортмунд), Џошуа Кимих (Баерн Минхен), Флоријан Вирц (Баер Леверкузен) – Ерлинг Халанд (Борусија Дортмунд), Роберт Левандовски (Баерн Минхен), Кристофер Нкунку (Лајпциг).

Ќе потсетиме, Халанд наредната сезона ќе го носи дресот на Манчестер Сити, овој трансфер е веќе потврден, додека ситуацијата со Левандовски се уште не разјаснета но најверојатно тој заминува од Михен.

Првата ѕвезда во тимот на Манчестер Јунајтед, Кристијано Роналдо, во изјава за клупскиот сајт вели дека сите на Олд Трафорд се возбудени поради доаѓањето на Ерик тен Хаг на тренерското место.

Холандскиот тренер освои уште една титула првак на Холандија со Ајакс, и се очекува да го наследи Ралф Рангник во Манчестер Јунајтед после последниот натпревар на екипата со Кристал Палас на 22.мај.

„Тоа што го знам за него е дека направи фантастична работа со Ајакс, и дека е искусен тренер. Но мора да му дадеме време. Работите мора да се променат како што посакува новиот тренер.Се надевам дека ќе имаме успех и дека следната година ќе освојуваме трофеи“, изјави Роналдо.

Победничкиот волеј на Зинедин Зидан во Лигата на Шампионите.
Неговиот прекрасен волеј против Баер Леверкузен во финалето во 2002 година беше совршен во секој поглед. Од рамнотежата, техниката, финишот….

Четири руски фудбалски клубови објавија дека поднеле жалба до Судот за спортска арбитража (CAS) поради нивното исфрлање од европските натпреварувања за следната сезона.

„Нашиот клуб, заедно со уште три руски прволигаши – Зенит од Санкт Петербург, Динамо од Москва и Сочи, поднесоа жалба до CAS против одлуката на Европската фудбалска унија (УЕФА), која беше донесена на 2 мај за забрана на рускиот јазик. клубови кои играат во Европа“, се наведува во соопштението на московска ЦСКА.

Сите клубови побараа од судот во Лозана да ги разгледа жалбите по итна постапка.

УЕФА на почетокот на мај објави дека ниту еден руски клуб нема да учествува во европските натпреварувања во сезоната 2022/23, по воената интервенција на Русија во Украина.

Меѓународната фудбалска федерација (ФИФА) на крајот на февруари ја исклучи Русија од квалификациите за Светското првенство во Катар.

Челниците на Реал Мадрид и претставниците на суперталентиранот Винисиус Жуниор, ги продолжуваат преговорите околу продолжување на неговиот договор. Шпанскиот весник „Марка“ наведува дека Реал е спремен да му понуди нов договор со важност до 2028 година и плата од 10 милиони евра годишно.

Доколку договорот се постигне, тогаш обештетувањето за Бразилецот ќе порасне од 350 милиони евра на точно една милијарда.

Жуниор пристигна во Реал од Фламенго во 2018 година, а неговиот актуелен договор со Кралскиот клуб е со важност до 2024 година.

Оваа сезона тој одигра 50 натпревари, постигна 21 гол и 20 асистенции.

Пари Сент Жермен е во напредни преговори си Ајакс за бразилскиот крилен напаѓач, Ентони, пренесуваат француските медиуми.

22-годишниот Ентони блеска оваа сезона во дресот на Ајакс и се промовираше во еден од најголемите таленти во светот.

Бразилецот игра како крилен напаѓач и оваа сезона до сега има постигнато 12 гола и 10 асистенции, па го привлече вниманието на многу европски гиганти.

ПСЖ сака да ја победи конкуренцијата бидејќи во него гледа идеална замена за Ди Марија. Преговорите се во напредна фаза, а трансферот би требало да изнесува 40 милиони евра.