Од година во година во медиумите се зборува за потенцијалното
формирање на регионална фудбалска лига на територијата на
поранешна Југославија, натпреварување кое би било слично на
кошаркарската АБА лига.
Но, колку и да сакаат голем број љубители на фудбалот во овие
простори да се случи ова, на крајот секогаш се доаѓа до заклучок
дека „сеуште не е време“ за тоа, пред се поради многу
поголемите безбедносни ризици шѓо би настанале со
формирањето на таква фудбалска лига.
По неколкумесечен молк на оваа тема, својот став по ова
прашање го искажа и претседателот на УЕФА Александар
Чеферин.
„Не ја исклучувам можноста за формирање регионална лига.
Сепак, во моментов е многу ризично да се организира таква лига
во нашиот регион или поранешната држава“, изјави Чеферин за
српските медиуми во Белград.

Фудбалерот на Барнли, Вут Вегхорст, до крајот на сезоната ќе настапува на позајмица во Манчестер Јунајтед, откако и официјално стави потпис на договорот со клубот од „Олд Трафорд“.

Холандскиот напаѓач, претходно го раскина договорот за позајмица со турскиот клуб Бешикташ, каде настапуваше од јули минатата година.

„Се чувствувам привилегирано што ќе играм за голем клуб како Манчестер Јунајтед, и се надевам дека ќе дадам свој придонес за поголеми успеси на екипата“, изјави 30- годишниот фудбалер.

Вегхорст пред да игра во Барнли, настапуваше за германскиот Волфсбург. Оваа сезона во Бешикташ тој постигна девет гола на 18 натпревари.

Жоао Феликс скапо ќе го чини Челзи. Само што заигра за „сините“ како позајмен од Атлетико, Португалецот синоќа на дебито кај Фулам доби директен црвен картон и беше исклучен во поразот од 2-1.

Според правилата на Премиер лигата, ова исклучување на Феликс му носи автоматска суспензија од три натпревари. Челзи го позајми Феликс од Атлетико до крајот на сезоната со обештетување од 11 милиони евра и ја презеде неговата плата од 250 илјади евра неделно, но по овој црвен картон скоро еден од овие 6 месеци од позајмицата Феликс ќе биде надовор од терените.

Португалецот поради црвен картон ќе ги пропушти натпреварите против Кристал Палас, Ливерпул и Фулам.

Тоа практично значи дека тој ќе пропушти една петтина од позајмицата во Челзи.

Реал Мадрид на лето е спремен да направи „бум“ на трансфер пазарот и ќе има голем буџет за трансфери.

Примарна цел на „кралевите“ ќе биде доведување на нова ѕвезда во нападот, кој ќе биде наследник на Бензема. Шпанските медиуми пренесуваат дека првото име на списокот е ѕвездата на Тотенхем, Хари Кејн.

Кејн и претходно се поврзуваше со заминување од Тотенхем, но „спарси“ бараа 150 милиони евра за неговата слобода, па до трансфер не дојде.

Кејн се уште не ставил потпис на нов договор, сака нов предизвик, па би можел да ја промени средината на лето.

Вулверхемптон ќе треба да му исплати 50 милиони евра на Атлетико Мадрид за услугите на Матеуш Куња.

Кон крајот на 2022 година Куња пристигна во Вулверхемптон на позајмица, но многу брзо се активираше по малку бизарната клазула во неговиот договор.

Имено, во договорот помеѓу двата клуба се додала клазула според која Вулверхемптон треба да му плати 50 милиони евра после три настапи на Куња. За трите настапи на Куња во Вулвс потребни беа само две недели. Тој настапи против Астон Вила, Ливерпул и Нотингем, па сега „волците“ ќе треба да платат 50 милиони евра.

Јусуфа Моукоко кој е на мета на европските гиганти немал 18
години туку четири повеќе, се сомневаат германските медиуми.
Моукоко се пресели во Германија во 2014 година, а е роден во
Камерун. Минатата недела во текот на припремите на
камерунската репрезентација до 17 години откриено е дека дури
21 од 30 пријавени фудбалери немаат право за настап за тој тим
затоа што се постари.
Селекторот Жан Пјер Фиала брзо реагираше и го промени
составот. Но, проблемите не застанаа тука затоа што и помеѓу
новите повикани фудбалери имаше уште 11 кои се престари за тој
тим.

Напаѓачот на Милан, Оливие Жиру сака да го продолжи договорот со италијанскиот клуб до 2025 година. Според италијанскиот новинар Николо Шира, раководството на Милан ќе се сретне со агентот на Жиру во следните неколку недели за да разговараат за продолжување на договорот.

Двете страни се заинтересирани за продолжување на соработката. Платата на Французинот според новиот договор би можела да биде 4 милиони евра, а самиот француски напаѓач сакаше да потпише договор до 2025 година.

Жиру (36) е во Милан од 2021 година и веќе постигна 23 гола и запиша девет асистенции на 60 натпревари за „росонерите“.

Сопственикот на премиерлигашот Евертон, Фархад Мошири, ги повика навивачите на клубот да му
дадат поддршка на тренерот Френк Лампард.
„Понекогаш само треба да бидеме стрпливи. Ги отпуштивме Мартинез, Силва, Куман. Секој од нив
беше добар тренер. Мислам дека треба да му се даде поголемо време на тренерите. Лампард е
вреден и добар тренер, и ние мора да го поддржиме“, изјави Мошири.
Екипата на Евертон во моментот се наоѓа на 18.место на табелата во Премиер лигата со освоени
15 бода, и клубот нема победа на последните осум меча во сите натпреварувања.

ФИФА ги објави номинациите во повеќе категории за најдобри во
2022 година. На церемонијата оваа година ќе бидат прогласени
најдобрите за сезоната 2021/2022, но и посебно најдобрите на
Светското првенство во Катар.
Во битката за најдобар фудбалер конкурираат: Нејмар, Халанд,
Алварез, Белингам, Бензема, Де Брујне, Хакими, Винициус,
Левандовски, Мане, Модриќ, Салах.
За признанието најдобар тренер во игра се: Гвардиола, Анчелоти,
Реграуги, Скалони, Дешамп. Гласањето ќе биде отворено на 3
февруари и ќе трае до 27 февруари.

Француските медиуми пренесуваат дека поранешниот прв човек на УЕФА, Мишел Платини, се
наоѓа меѓу кандидатите за претседател на Фудбалската Федерација на Франција.
Досегашниот претседател на ФФФ, Ноел ла Гре, си поднесе оставка на позицијата после
состанокот со Извршниот одбор на федерацијата.
Во информациите на медиумите се истакнува и дека претседателот на Франција, Емануел Макрон,
лично го прашал Платини дали е заинтересиран за лидерското место во францускиот фудбал.
67-годишниот Платини беше претседател на УЕФА од 2007.година, до 2015.година. Тој пред
половина година беше ослободен од судот во швајцарија, од обвиненијата за злоупотреба на
должноста и корупција.