Менаџментот на Ливерпул е заинтересиран за екстра талентот на Барселона, Пабло Гави. 

Клубот од „Енфилд“ е спремен да ја активира откупната клаузула која стои во неговиот договор, а изнесува 50 милиони евра. 17-годишниот Гави веќе има одиграно 20 натпревари во дресот на Барса и на него се гледа како иднина на тимот од „Камп Ноу“.

Ливерпул сеуште е во потрага на играч од средината на теренот кој би го заменил Џини Вајналдум кој го напушти клубот минатото лето. Барселона од друга страна нема така лесно да се откаже од својот играч, меѓутоа клаузулата во неговиот договор може да направи проблеми поради спремноста на други клубови да ја платат бараната сума.

Тренерот на Реал Мадрид, Карло Анчелоти не го криеше своето задоволство од победата со 2:0 во дерби натпреварот против градскиот ривал Атлетико Мадрид.

„Во голема мера ја подобривме нашата игра во одбраната. Реал Мадрид е силен како тим, а не збир од квалитетни играчи. Тоа е разликата оваа сезона. Дали сме фаворити за титулата? да, мислам дека во моментов сме фаворити, но сепак мора да останеме фокусирани на следните натпревари, бидејќи ароганцијата не е добра работа“, изјави Италијанскиот стручњак.

Со оваа победа, екипата на Реал Мадрид останува на водечката позиција во Ла Лига со освоени 42 бода.

Искусниот фудбалер на Барселона, Жерард Пике, изрази незадоволство после нерешениот резултат од 2:2 на гостински терен со Осасуна.

Барса на два пати имаше водство на натпреварот, меѓутоа домаќинот Осасуна во самиот финиш успеа да постигне гол за израмнување и каталонците мораше да се задоволат само со еден бод.

По завршувањето на средбата свое видување за истата даде Пике.

„Потребна ни е итна победа бидејќи свесни сме дека тимот се наоѓа во критична ситуација. Одигравме добар натпревар, но конечниот резултат не ни оди во прилог. Мислам дека нашите млади играчи ќе се докажат и ќе започнат да носат успеси на клубот. Сега треба само да почнеме да победуваме. Постои голема желба и секој поединец се труди да го даде својот максимум на теренот. Убеден сум дека резултатите ќе дојдат наскоро“, изјави дефанзивецот на Барса.

 Поради акумулирани жолти картони,  Жерард Пике ќе го пропушти натпреварот против Елче на „Ноу Камп“. 

Екипата на Барселона се наоѓа  на 8-то место во Ла Лига со освоени 24 бодови.

Екипата на Бодо/Глимт во последното коло од првенството, забележа победа од 3:0 над Мондален со што стана шампион на Норвешка.

Бодо сезоната ја заврши со предност од три бода пред второпласираниот Молде и ја одбрани титулата од минатата година.

Ова со сигурност е најуспешната фудбалска година на Бодо /Глимт, кој освен шампионската титула во домашното првенство, успеа да се пласира и во елиминационата фаза од Лигата на конференциите.

Грег Попович е минато за селекцијата во кошарка на САД.

Стратегот на Голден Стејт, Стив Кер и официјално е новиот селектор на американскиот „дрим-тим“ кој на секое натпреварување е со највисоки амбиции. Попович неодамна го освои златото на Летните олимписки игри во Токио.

Според актуелниот договор Кер ќе ги води Американците на Мундобаскетот во 2023 и следните Олимписки игри во Париз 2024 година.

Во кариерата Стив Кер е осумкратен освојувач на шампионскиот НБА прстен, петпати како играч и трипати како тренер.

Екипата на Њујорк сити ја освои шампионската титулата во американската фудбалска МЛС лига, откако во синоќешното финале по подобро изведување пенали го совладаа домаќинот Портланд (1-1, 5-3).

Гостите од Њујорк поведоа во 41 минута преку Аргентинецот Кастељанос, а обидите на домаќините да го израмнат резултатот вродија со плод во судиското продолжение, кога Мора со гол во 94. минута го однесе финалето на пенали.

Голманот Шон Џонсон ги одбраните првите два удари од белата точка на Портланд и на крајот беше најзаслужен за премиерната МЛС титулата во клупската историја на Њујорк.

Портланд остана на една титула (2015), а за нив ова беше пораз во финалните дуели.

Тренерот на фудбалерите на Јувентус, Масимилијано Алегри, признава дека неговиот тим не заслужил победа на гостувањето кај Венеција и дека домаќинот сосема реално освои еден бод. „Старата дама“ иако имаше предност од 1-0, на крајот мечот заврши 1-1.

„Ние ризикувавме со Дибала и тоа се покажа лошо. Тој беше заменет во средата поради проблем со мускулот и се надевавме дека ќе биде подобар, но, тоа не беше така. Имавме добро прво полувреме а потоа паднавме во  тие 10-15 минути пред да примиме гол. Загубивме два бода против добриот тим на Венеција“, потенцираше Алегри по натпреварот.

Екипата на Лион е се поблиску до доведување во своите редови на Сердар Азмун од Зенит.

Иранскиот напаѓач веќе ги договорил приватните услови со тимот од Франција и се очекува во јануари тој да пристигне во Лион за 3 милиони евра и да потпише договор на 4 години.

Азмун е во последната година од договорот со Зенит и доколку не замине оваа зима, Русите нема да заработат ниту евро бидејќи на лето може да замине како слободен играч.

Од стартот на сезоната во руската лига, Сердар Азмун постигна 7 гола на 15 натпревари.

Лоренцо Инсиње се споменува како ново засилување на екипата на Торонто од МЛС лигата.

Иако и понатаму го носи дресот на Наполи и има 30 години, лесно би можел да ја премина дестинацијата и да се пресели во МЛС лигата која за европските фудбалери во главно е резервирана за крај на кариерата.

Неговиот договор со клубот за констапуваше најголем дел од кариерата истекува на крајот од сезоната и до овој момент нема добиено конкретна понуда за продолжување на соработката. Торонто ја следи ситуацијата и спремни се да испратат понуда за италијанскиот рпрезентативец.

Taка Инсиње би можел да тргне по стапките на Себастијан Џовинко кој стана легенда на МЛС лигата и Торонто. Џовцинко е најдобар стрелец во историјата на Торонто, а во овој клуб настапуваше од 2015 до 2019 година. 

Турските медиуми објавија дека Миралем Пјаниќ не е пожелен ниту во Бешикташ, турскиот клуб нема намера да го откупи неговиот договор.

Во редовите на турскиот шампион Пјаниќ пристигна почетокот на септември на позајмица од Барселона, но со своите настапи очигледно не го задоволи раководството на клубот. Се повеќе се зборува за негово заминување. Се споменува враќање во Барселона, меѓутоа се шпекулира и дека Чави не е заинтересиран за него.

Сега турскиот „Фанатик“ објави интересна опција за босанскиот фудбалер. Наводно Јувентус покажал интерес да го врати 31-годишниот Пјаниќ во своите редови и ќе се обиде да договори позајмица од Барселона.