Еден од најискусните играчи на Баерн Минхен, Томас Милер, продолжува да импресионира за тимот од Баварија. 

Иако не е во центарот на вниманието сепак е важно да се напомене дека Милер го изедначи рекордот за најуспешни играчи во историјата на Бундеслигата по бројот на победи со еден тим.

Томас Милер овој успех го дели со Манфред Калц кој е поранешен играч на Хамбургер. Двајцата имаат по 291 победа со својот тим но веќе е извесно дека Милер наскоро ќе стане единствен рекордер бидејќи е активен играч.

До крајот на годината, Баерн Минхен го очекуваат натпревари со Штутгарт и Волфсбург.

Ромелу Лукаку после тешкиот период во Манчестер Јунајтед се пресели во Интер каде што играше фантастичен фудбал, сепак после две години се врати во Премиер лигата и тоа во Челзи.

Сезоната Лукаку во Челзи не е на нивото на кое беше во Чезли, меѓтоа до крајот има уште многу време да ја крене формата. Агентот на Лукаку истакна дека неговиот клиент еден ден повторно ќе игра во Италија

„Еден ден Лукаку повторно ќе игра во Серија А. Италија е земјка која ја сака, сепак сега е во Челзи и ќе се обиде да го даде најдоброто од себе за овој клуб“, изјави Пасторело.

Екипата на Реал Мадрид има намера да го доведе во своите редови играчот на Лестер, Вилфред Ндиди.

Шпанските медиуми информираат дека од „кралскиот клуб“ веќе подолг период ја следат ситуацијата околу 24-годишниот Нигериец кој игра на позицијата дефанзивен играч за врска и е еден од подобрите во англиската Премиер лига.

Реал Мадрид во Ндиди гледа долгорочна замена за Бразилецот Каземиро, меѓутоа сеуште нема информации дали Лестер е подготвен да започне преговори за него. Тој има договор со клубот до 2024 година а неговата проценета вредност е 60 милиони евра.

Според „Тутоспорт“, Јувентус е во потрага по засилување за нападот на тимот во зимскиот период, и се заинтересирани за ангажман на искусниот Едисон Кавани.

Уругваецот има договор со Манчестер Јунајтед  до јуни 2022, но тој од 1 јануари има право да преговара со било која екипа која би пројавила интерес за него. Тој оваа сезона во дресот на Манчестер има настапено само на 8 натпревари во сите такмичења, а постигна смо еден гол.

Самиот Кавани е подготвен да ги напушти „црвените ѓаволи“ и да се врати во Италија каде претходно настапуваше за Палермо и Наполи.

Јувентус од стартот на сезоната има голем проблем со реализација во нападот постигнувајќи само 22 гола на 16 натпревари во Серија А.

Сериозен интерес за 34-годишниот покажува и екипата на Барселона.

Aурелио Де Лаурентис е презадоволен од начинот на кој Спалети го води тимот и остварените резултати во изминатиот период. Наполи е третопласиран во Серија А и е во игра за скудетото, освен тоа Наполитанците продолжија и во нокаут фазата од Лигата на Европа.

„Спалети покажа дека е човек со неверојатни вештини во споредба со другите тренери кои ги имав во мојот мандат. Експериментираше од почетокот и состави тим така што им даде шанса на сите да играат. Дефинитивно тој е најдобриот тренер кој сум го имал, тој може да ни ги оствари соништата“, изјави Де Лаурентис.

Ќе потсетиме Наполи во последното коло од групната фаза го победи Лестер со 3-2 и во тој триумф еден од најзаслужните за победата беше македонскиот репрезентативец Елиф Елмас кој постигна два гола.

Тренерот на Арсенал, Микел Артета, неочекувано го отстрани од тимот капитенот на екипата, Пјер-Емерик Обамејанг.

Како наводна причина за тоа, Артета ја наведува несериозноста и недисциплината од страна на Обамејанг во изминативе денови.

„Некои правила во клубот се многу јасни и за нив не треба да има дискусија. Затоа одлучив тој да биде надвор од тимот“, изјави Артета.

Репрезентативецот на Габон, последниве неколку кола игра во очајна форма и има постигнато само еден гол и промашени безброј шанси. Неговото место во тимот го зазеде Французинот Лаказет кој играше на натпреварот со Саутемптон и постигна гол во победата од 3:0.

Тренерот на Баерн Минхен, Јулијан Нагелсман стана најмладиот тренер со 100 победи во германската Бундеслига.

Нагелсман овој успех го постигна со победата на неговиот Баерн против Мајнц со 2:1 на домашен терен. Со оваа победа екипата на Баерн Минхен го задржа првото место на табелата со предност од 6 бода пред Борусија Дортмунд.

Јулијан Нагелсман има само 34 години и 141 ден, а неговата прва победа во Бундеслига исто така ја забележа против екипата на Мајнц, во периодот кога беше тренер на Хофенхајм. 

Натпреварот меѓу Тотенхем и Рен во Конференциската лига, кој оваа недела беше откажан поради бројни случаи на коронавирус во редовите на англискиот тим, воопшто нема да се одигра, соопшти УЕФА.

Од УЕФА објаснија дека се обиделе да најдат нов датум за дуелот во Лондон за комплетирање на групната фаза, но таков нема.

„За жал, без разлика на трудот, не успеавме да најдеме решение кое би им одговарало на двата клуба. Следствено, натпреварот нема да се одигра и случајот ќе биде префрлен на комисијата за етика и дисциплинска комисија која ќе донесе одлука согласно прописите на натпреварувањето“, велат од УЕФА.

Славниот Камерунец Самуел Ето стана прв човек на Фудбалскиот сојуз на Камерун.

Ето бепе избран за нов претседател откако на Генералното собрание собрал 43 гласа и го победил противкандидат Саиду Мбомбо Ноја кој освоил 31.

„Сакам да се заблагодарам за довербата и ветувам напорна работа со цел на просперитет на камерунскиот фудбал. Пред нас е многу работа, има многу нешта кои сакаме да ги промениме“, изјави Ето.

Екипата на Манчестер Јунајтед е еден од четирите премиерлигашки клубови заинтересирани за услугите на Жоао Феликс. Португалскиот напаѓач пристигна на „Ванда Метрополитано“ за сума од 126 милиони евра од Бенфика во 2019 година. Сепак, оттогаш тој се мачи да ги покаже своите вистински квалитети.

Атлетико е подготвен да се откаже од 22-годишниот фудбалер, бидејќи тој не се вклопува добро во системот на Диего Симеоне. „Кадена Сер“ објави дека Манчестер Јунајтед е еден од четирите тимови заинтересирани за него. Ралф Рангник наводно фасциниран од потенцијалот на Феликс, чии настапи во Бенфика му ја донесоа престижната европска награда „Златно момче“ во 2019 година.