Бундеслигашот РБ Лајпциг му врачи отказ на тренерот Марш, после разочарувачките резултати и поразот од Унион Берлин со 2:1.

„РБ Лајпциг и главниот тренер на екипата, Џеси Марш спогодбено одлучија тој да ја напушти функцијата. Одлуката е резултат на длабока анализа и интензивна дискусија после натпреварот во Бундеслигата со Унион Берлин. Заминувањето на Марш стапува на сила веднаш а неговата замена на тренерската клупа ќе биде Ахим Баерлорсер кој ќе го води клубот против Манчестер Сити во Лигата на шампионите“, стои во официјалното соопштение од клубот.

После 14 лигашки натпревари, Лајпциг освои само 18 бодови и сега заостанува зад лидерот Баерн за цели 16 бода.

Реал Мадрид наводно донел одлука да го продаде Марко Асенсио кој не добива премногу шанса во екипата, а како негова можна следна дестинација се споменува Јувентус.

Асенсио не добива шанса кај тренерот Карло Анчелоти и верува дека останатите фудбалери треба да добијат шанса пред него.

Ова ја отвора шансата за Јувентус да го купи уште во јануари, доколку не постои финансиска криза во тимот, зашто во моментов се води истрага против поранешниот шампион.

После освојувањето на наградата „Златна топка“ по рекорден седми пат, суперѕвездата на Аргентина и ПСЖ, Лионел Меси, даде кратко интервју за магазинот „Франс фудбал“ во кое дава осврт на кариерата и борбата за успех.

„Отсекогаш сум имал намера да се надминам себеси и да не гледам што прават другите. Кристијано и јас водевме фудбалска битка во Ла Лига долг период. Тоа и на двајцата ни помогна да растеме во нашите кариери. Сакав да бидам најдобриот можен фудбалер“.

„Никогаш не сум тврдел дека сум најдобар во историјата. Доволно ми е што другите ме сметаат за еден од најдобрите. Никогаш не замислував дека ќе стигнам до тука. Не ми е гајле дали ме сметаат за најдобар,добар или не. Јас не сакам да бидам модел за помладите и никогаш не сум сакал да давам совети. Се борев за да ги остварам моите соништа.На почетокот сакав само да бидам професионален фудбалер, а потоа се борев да станам подобар и да постигнувам нови цели секоја година.Има доза на среќа во овие моменти. Верувам дека Господ го избра се што ми е дадено“, изјави Меси.

Екипата на Евертон е заинтересирана за ангажирање на легендарниот Жозе Мурињо доколку клубот одлучи да му врачи отказ на Рафаел Бените, пренесува англискиот весник „Мирор“.

Бенитез пристигна на клупата на Евертон минатото лето но во моментот се соочува со огромен притисок поради серијата од лоши резултати.

Ако управата на „сините“ од Ливерпул, донесе одлука да го отпушти шпанскиот стратег, тие ќе се насочат кон привлекување на Мурињо кој би бил отворен за враќање во Премиер лигата иако е во првата година од договорот со италијанската Рома.

Скаутите на Париз Сен Жермен му дале препорака на тренерот Маурисио Почетино да го доведе дефанзивецот од Вулверхемтон, Рајан Аит-Нури.

20-годишниот лев бек пристигна во редовите на англискиот премиерлигаш ова лето од екипата на Анжер за нешто повеќе од 11 милиони евра. 

Екипата на ПСЖ во Нури гледа долгорочно решение за позицијата лев бек и би можеле да испратат официјална понуда за него во јануари. Фактот што тој има право за настап во Лигата на шампионите оваа сезона е уште една предност за францускиот тим кој е подготвен да плати околу 35 милиони евра за неговите услуги.

Барселона дефинитивно сака да доведе напаѓачот на Манчестер Ј. Едисон Кавани уште во јануари.

Кавани сигурно ќе си замине од Јунајтед на крајот на сезоната, па Барселона сака да го искористи тоа за во јануари да го засили нападот. Според весникот „Сан“ Барселона ќе му предложи на Манчестер Јунајтед да направат размена на фудбалери, па за Кавани би го испратила Кутињо на „Олд Трафорд“.

Рома, Лацио и Интер се заинтересирани за голманот на Барселона, Нето и ќе се обидат да го добијат следното лето. Според медиумите во Шпанија, бразилскиот чувар на мрежата на Каталонците сака да го напушти „Камп Ноу“ по завршувањето на сезоната.

Нето се пресели во Барселона во јуни 2019 година, но никогаш не успеа да освои стартно место во тимот на „каталонците“ и беше користен главно како резерва на Марк-Андре Тер Штеген.

Напаѓачот на Атлетико Мадрид, Луис Суарез даде интересна изјава во која вели дека Лионел Меси се соочува со проблеми во ПСЖ поради студот во Париз.

Суарез откри дека тој и Лео Меси се во секојдневен контакт откако го напуштија Камп Ноу. 

„Разговараме секој ден. Се трудиме да не обрнуваме внимание на очекувањата и критиките, бидејќи сме фудбалери и знаеме како да постапуваме во такви моменти. Зборуваме за натпреварите но и за семејни работи. Тој ми кажа дека му било тешко да игра на студ и снег. Треба време да се навикнеш на студот таму“, изјави Суарез.

Спрема пишувањата на шпански „АС“, во Реал Мадрид се повеќе од сигурни дека Килијан Мбапе ќе биде нивни играч следната сезона.

Причината за ваквото верување лежи во фактот дека Мбапе веќе му дал ветување на претседателот Перез дека Мадрид е негова следна дестинација.

„Кралскиот клуб“ се обиде да го доведе Мбапе уште во текот на изминатото лето, но нивната понуда тешка 180 милиони евра беше одбиена од челниците на Париз Сен Жермен.

Килијан Мбапе за помалку од еден месец ќе има право за преговори со заинтересираните клубови и да потпише пред договор со некој од нив.

Тој повеќе пати има истакнато дека Реал Мадрид е негова следна цел и дека таму ќе може да го покаже својот целосен играчки капацитет.

Манчестер Сити е последниот клуб кој се вклучи во битката за потписот на Душан Влаховиќ, пренесуваат англиските медиуми.

Влаховиќ има договор со Фиорентина до 2023 година, но откако одби да го продолжи договорот, јасно е дека ќе биде продаден. 21-годишниот напаѓач моментално е прв стрелец во Серија А и е на мета на многу европски гиганти, а сега во трката за неговиот потпис се вклучи и Манчестер Сити.

Гвардиола е во потрага по квалитетен напаѓач, а со оглед на фактот дека тешко ќе може да дојде до потписот на Кејн, сега се насочува кон Влаховиќ.