Барселона и Манчестер Јунајтед ја сакаат ѕвездата на Јувентус и француската репрезентација, Адриен Рабио, пренесуваат италијанските медиуми.

Рабио влезе во последната година од договорот и нема најави за продолжување на соработката, па на лето ќе замине како слободен агент. Барселона е во потрага по квалитетен играч за врска и гледа шанса да донесе големо засилување без обештетување.

Поради тоа Каталонците наскоро ќе стапат во контакт со агентот на Рабио, бидејќи сакаат да ја победат конкуренцијата.

Манчестер Јунајтед уште минатото лето го сакаше Французинот и не се откажува од негов ангажман.

Фудбалерот на Манчестер Јунајтед, Ентони Марсијал на лето готово сигурно ќе си замине од „Олд Трафорд“.

Договорот на 28-годишниот Марсијал со „црвените ѓаволи“ истекува на 30 јуни 2024 година, па Интер гледа шанса да го доведе без обештетување.

Марота веќе работи на трансферот и имал неколку средби со агентот на Марсијал, кој е отворен за преселба во Милано.

Менаџерот на Манчестер Сити, Пеп Гвардиола ја коментираше повредата на клупскиот играч за врска Џек Грилиш.

„Имаме натпревар сега и потоа две недели во кои тој ќе работи колку што е можно напорно и паметно за да биде подготвен да се врати. Ова не е повреда на мускулот, туку повреда на тетивата. Лекарот рече дека нема многу оштетување, па закрепнувањето е побрзо. Последните два-три дена тренираше многу добро. Тој се чувствува добро и има позитивен став. Можеби ќе ни треба денес, а особено во овие две недели – треба добро да работи и да се врати. Тогаш можеме да го добиеме Џек, кој, за жал го имавме многу малку од оваа сезона“, изјави Гвардиола за „Манчестер Ивнинг Њуз“.

Да потсетиме, Џек Грилиш се повреди на натпреварот помеѓу Манчестер Сити и Лутон, кој се одигра во осминафиналето на ФА Купот. Средбата заврши со победа на „граѓаните“ со резултат 6-2. Оваа сезона англискиот играч за врска одигра 27 натпревари во сите натпреварувања, постигна три гола и забележа две асистенции.

Поранешниот дефанзивец на Барселона и Бразил, Дани Алвеш би можел да добие привремено ослободување од затвор, каде што е притворен откако беше прогласен за виновен за силување девојка кон крајот на 2022 година, ова го пренесува „Мундо Депортиво“.

Се известува дека на 19 март, ќе се одржи сослушување за да се разгледа барањето на Алвеш за негово привремено ослободување. 

Доколку ова барање биде прифатено, бразилскиот фудбалер ќе остане на слобода до правосилноста на пресудата.

Да потсетиме, Алвеш е осуден на затворска казна во времетраење од 4,5 години. Претходно, адвокатот на Бразилецот поднесе жалба за ублажување на оваа казна.

Хрватскиот репрезентативец и напаѓач на Динамо Загреб, Бруно Петковиќ е на мета на Манчестер Јунајтед. Искусниот 29-годишен голгетер игра фантастична сезона во која со седум постигнати голови е најдобар стрелец на Конференциската лига.

Скаутите на Манчестер Јунајтед го следат веќе подолго време и на лето сакаат да го доведат на „Олд Трафорд“.

Динамо Загреб се соочува со финансиски проблеми па е спремен да го пушти за 10 милиони евра.

Весникот„Билд“, тврди, дека луѓето од Арсенал се заинтерсирани за
19-годишниот играч од средниот ред на Ајнтрахт Франфурт, Хуго
Ларсон.
Германскиот состав ќе мора да се раздели со неколку играчи во текот
на летото доколку не успее да се пласира на европските турнири.
Тоа сакаат да го искористат „топчиите“ и да го привлечат
Швеѓанецот на стадионот – „Емирати“. Ларсон има договор до 2028
година.

Напаѓачот на Пари Сен Жермен, Килијан Мбапе може да ги пропушти
Олимписките игри во Париз годинава, пишува весникот „Екип“.
Според изворот, Французинот има напорен распоред, што претставува пречка.

Од 14 јуни до 14 јули напаѓачот ќе игра за француската
репрезентација на Европското првенство во Германија. Олимписките
игри ќе започнат на 26 јули и ќе траат до 11 август.
Во исто време, според „ЕСПН“, еден од условите за трансфер на
играчот во Реал Мадрид на лето е отсуството на забрана за учество на
Олимписките игри.

25-годишниот Мбапе одигра 36 натпревари оваа сезона,
постигнувајќи 35 гола и 7 асистенции.
Ѕвездата на францускиот фудбал му соопштил на раководството на
ПСЖ дека ќе си замине на крајот од сезоната 2023/24. Неговиот
договор со клубот истекува на лето.

Многу одлични дефанзивци поминаа низ Премиер лигата и тешко е да се каже кој е најдобар на сите времиња. Ако се погледне статистиката, тие велат дека капитенот на Ливерпул, Вирџил Ван Дајк е најдобриот дефанзивец во историјата на Премиер лигата.

Беа споредени статистичките податоци на петте дефанзивци кои
важат за најдобри, односно оние за кои можеше да се извлечат
прецизни податоци, бидејќи деталната статистика во Премиер лигата
почна да се следи дури во 2004 година.

Тие пет дефанзивци се Англичаните Џон Тери (Челси, Астон Вила) и
Рио Фердинанд (Вест Хем, Лидс Јунајтед, Манчестер Јунајтед),
Немања Видиќ (Манчестер Јунајтед), Винсент Компани (Манчестер
Сити) и Вирџил Ван Дајк (Саутемптон, Ливерпул).

Според тие параметри – воздушни дуели, дуели на земја и прецизни
додавања – капитенот на Ливерпул е најдобар од сите споменати
дефанзивци.
Исто така, тој е единствениот играч кој се уште е активен.

Раководството на Челзи има намера да ги продаде напаѓачот Ромелу
Лукаку и голманот Кепа Аризабала, пренесува TalkSport.
Лондончани сакаат да ги продадат 30-годишниот Белгиец и 29-
годишниот Шпанец на клубови во Саудиска Арабија во обид да
соберат 117 милиони евра.
Лукаку оваа сезона одигра 36 натпревари за Рома, постигнувајќи 18
голови и 4 асистенции.
Кепа има одиграно 18 натпревари за Реал, примено 18 гола и 7
нечисти голови.

Драган Стојковиќ Пикси ќе ги предводи „орлите“ на Европското првенство во Германија, но според најавите големи се шансите Пикси и по турнирот дс остане на клупата.

Информeр од свои извори тврди дека Стојковиќ ќе потпише нов договор со Фудбалскиот сојуз на Србија кој ќе трае до крајот на квалификациите за СП 2026 година.

Истиот извор наведува дека е постигнат договор меѓу Стојковиќ и ФСС, а договорот ќе биде потпишан пред пријателскиот натпревар со Русија закажан за 21 март.

„Приказната за договорот на Пикси трае долго време. Онаа што ја има во моментов важи до крајот на Европското првенство, поточно до моментот кога на истото е Србија. Пикси сакаше да го реши својот статус како во најбрз можен рок и го актуелизираше прашањето за нов договор.Тој праша да знае сега дали се разделуваат на лето или ќе ја води селекцијата уште еден циклус?Договорот е тој да биде таму во следните две години. Сè е договорено, тој ќе потпише нов договор, а ќе го потпише деновиве, најдоцна до пријателскиот натпревар со Русија“, ги пренесува „Информер“ зборовите на изворот.