Миралем Пјаниќ, чии права и припаѓаат на Барселона може да стане играч на Интер.

По завршувањето на позајмицата во турски Бешикташ, Пјаниќ ќе се врати во каталонскиот клуб. Сепак, од Барселона планираат да го продадат играчот. Договорот на Пјаниќ со Барселона е со важност до 2024 година и 32-годишниот босански играч од средниот ред, според изворот, не е вклучен во плановите на тренерот на Барселона, Чави.

Еден од главните претенденти за Пјаниќ е Интер. Извршниот директор на Милане Џузепе Марота ја пофали играта на Пјаниќ, а тие веќе соработуваа во Јувентус. Доколку се реализира овој трансфер Пјаниќ би можел да биде замена за Артуро Видал.

Екипата на Барселона е подготвена да се раздели со Френки де Јонг на крајот од сезоната, бидејќи новиот тренер на Манчестер Јунајтед, Ерик тен Хаг планира доведување на играчот од средниот ред. 

Според информациите, холандскиот стручњак е заинтересиран за својот 24-годишен сонародник, кој одигра 136 натпревари за Барселона откако се пресели од Ајакс во 2019 година.

Според информациите од Шпанија, Барселона веќе ја одредила цената за Де Јонг, и таа ќе изнесува околу 58 милиони фунти.

Белгискиот напаѓач на Наполи, Дрис Мертенс ќе потпише нов договор со клубот.

Мертенс постигна договор со претседателот на клубот Аурелио Де Лаурентис, кој вчера присуствуваше на тренингот на тимот, а потоа ги покани тренерот Лучијано Спалети и играчите на вечера. Тој се обидува да го обедини тимот пред решавачките натпревари за пласман во Лигата на шампионите.

34-годишниот Мертенс за Наполи игра од 2013 година, а актуелниот договор со клубот му истекува ова лето, но ќе биде продолжен за уште една година.

„Газета дело спорт“ објавува дека членот на италијанската Серија А, екипата на Венеција, му врачи отказ на тренерот Паоло Занети.

Раководството на Венеција оваа одлука ја донесе по осум последователни порази кои тимот ги забележа во првенството.

Тимот под водство на Занети освои промоција во Серија А минатата година, но во моментов Венеција е на последното место од табелата.

Следен натпревар на Венеција во Серија А е против Јувентус.

Тренерот на Астон Вила, Стивен Џерард изјави дека сака да го задржи во тимот дефанзивецот Ешли Јанг.

„Му реков на Ешли дека сакам тој да остане во тимот. За ова прашање веќе се разговара. Главната работа во такви случаи е секогаш самиот играч. Мора да биде задоволен, мора да сака да остане, да преговара. Имаме уште многу да разговараме, но веќе му кажав на Јанг дека сме среќни со него“, изјави Џерард за „Скај Спортс“.

36-годишниот дефанзивец оваа сезона има 23 настапи во сите натпреварувања за Астон Вила и имаше две асистенции.

Да потсетиме, Ешли Јанг се пресели во Астон Вила од Интер во јули 2021 година. Договорот со играчот е до крајот на оваа сезона.

Жоржињо ќе остане во Челзи и наредната сезона, потврди неговиот менаџер Жоао Сантос.

Откако беше потврдено дека Антонио Рудигер ќе го напушти Челзи, навивачите на „сините“ стравуваа дека и одличниот играч за врска би можел да го напушти Лондон. Меѓутоа, за нивна среќа тоа нема да се случи.

Постоеа гласини дека италијанскиот репрезентативец може да пронајде нова средина поради „комплицираната“ ситуација во Челзи која настана поради санкциите кон Роман Абрамович. Јувентус покажа најголем интерес за 30-годишникот, но управата на клубот од Торино била известена дека Жоржињо ќе остане на Островот.

Тренерот на Виљареал, Унаи Емери, изјави дека изненадувачките победи над Јувентус и Баерн Минхен ќе бидат неважни пред гостувањето во Ливерпул на првиот полуфинален натпревар од Лигата на шампионите.

Во претходните две елиминациски кола „жолтата подморница“ успеа да елиминира два европски фудбалски гиганти. но според Емери, елементот на изненадување на неговиот тим не може да постои и на „Енфилд. 

„Во Ливерпул се свесни дека сме во одлична форма во Европа бидејќи елиминиравме две големи екипи. Знаат дека нема да им биде лесно, но ќе бидат фаворити и тоа е нормално. Сепак, очекувам да ни пристапат со должна почит“, изјави Емери.

„Гледам како се развива Ливерпул. Овој Ливерпул со кој се среќаваме е најдобар досега. Вистина е дека се соочуваат со потешкотии против тимови кои сакаат да се бранат, но тие се подготвени за ваков стил на игра. Знам колку е тешко да се игра на Енфилд бидејќи бев тренер на Арсенал. Тоа е поради тимскиот идентитет што Јирген Клоп успеа да го изгради“, додава Емери.

Фудбалерите на Ливерпул го играат првиот меч од полуфиналето на Лигата на шампионите против екипата на Виљареал. Менаџерот Јирген Клоп вели дека неговиот тим нема да ги потцени шпанскиот тим, особено не по нивните настапи на дуелите со Јувентус и на Баерн Минхен.

„Можеби имаше мала предност за Виљареал кога Јуве и Баерн ги потценија, но тоа нема да се случи со нас. И тие сакаат финале, но тоа е важно и за нас. Тие се седми во Ла лига, а по победата над Баерн, играа со Билбао и Унаи направи 11 замени, така што е јасно дека Ла лига е конкурентна. Унаи покажа дека има план за секој резултат и добро ги анализиравме. Импресивни се. Унаи е менаџер кој внимава на секој детаљ, што знае да реагира“, вели Клоп.

Столе Димитриевски бранеше одлично во натпреварот против Барселона во шпанската Ла Лига, настапот на Димитриевски не помина незабележано и од светските медиуми.

Имено, „365 scores“ го смести Димитриевски во тимот на колото составен од играчи од најдобрите пет првенства во Европа. Покрај Димитриевски место во тимот доби и неговиот соиграч Катена, а во тимот има имиња како Жесус од Сити, Робертсон од Ливерпул, Чалханоглу од Интер.

Димитриевски ќе потсетиме беше одличен против Барселона и во првата пресметка на овие два тима, Рајо и тогаш победи, Димитриевски се истакна со одбранет пенал на Мемфис Депај.

Легендата на Милан и сегашен спортски директор, Паоло Малдини изјави дека отсекогаш верувал во амбициите на клубот за освојување на шампионската титула. „Тоа би бил неверојатен резултат“, изјави Малдини по победата од 2-1 над Лацио во Серија А.

Тимот на Милан е лидер во првенството со 74 бода, два повеќе од вториот Интер, кој има и натпревар помалку.

„Многу сум горд на тимот, стручниот штаб и сите останати. Нашата цел е да се претставуваме добро што е можно подолго. Навистина целиме високо. На почетокот на сезоната никој не очекуваше дека ќе одиме толку далеку, но тоа мора да го користиме како мотивација во иднина“, изјави Малдини за клубскиот ТВ канал.

 Милан веќе обезбеди пласман во Лигата на шампионите следната сезона.