Џанлука Скамака минатото лето се пресели во Вест Хем, но може експресно да се врати во Серија А.

Скамака со настапите во Сасуоло се етаблираше во еден од најголемите таленти на Апенините, но во Премиер лигата се уште не може да се адаптира. Скамака едноставно се вклопи во сивилото на Вест Хем, кој игра слаба сезона и се бори за опстанок.

Скамака до сега постигна 7 гола во сите натпреварувања, но главно е на клупата за резерви и сака да ја промени средината.

Ситуацијата будно ја следи Милан, кој покажува сериозен интерес и сака на лето да го донесе на „Сан Сиро“.

Во последно време се почесто познати фудбалски имиња се дел од истраги на обвинителствата, а последен на списокот кој ќе треба да одговара за своја постапка е Квинси Промес.

Повремениот холандски репрезентативец е обвинет за напад со нож на роднина за време на семејна прослава во 2020 година.

Промес се обидел да прободе со нож свој братучед, а обвинителството официјално бара двегодишна затворска казна.

Обвинението е градено не само на изјавите на сведоците, туку и на преслушување разговори во кои самиот фудбалер раскажувал дека свесно го извршил нападот. За да биде поинтересно, неговите разговори биле прислушувани поради вмешаност во друга истрага за продажба на наркотици.

Промес во моментов е член на Спартак Москва.

Лука Јовиќ вчера постигна важен гол за победа на Фиорентина над Милан, а зборувал и пред медиумите за својата кариера и неуспешниот престој во Реал Мадрид.

Српскиот напаѓач не успеа да се наметне во „кралскиот клуб“, беше вратен во претходниот клуб Ајнтрахт, а потоа пристигна во Фиренца, каде ќе се обиде да потсети на најдобрите денови од својата кариера.

„Очигледно прерано го напуштив Ајнтрахт. Се тргна наопаку уште од почетокот на мојот престој во Реал, сите погледи беа вперени во мене. Беше тешко да се адаптирам во најголемиот светски клуб, тука беше повредата, ситуацијата со ковид, како и неправедниот притисок кој ми беше наметнат. Сега очекувам да напредувам и да и помогнам на Фиорентина“, изјавил Јовиќ.

Ерик Тен Хаг пред натпреварот со Ливерпул зборуваше за различни теми, меѓу кои и Кристијано Роналдо.

Новинарите ги интересираше зошто Тен Хаг се откажал од Роналдо, кој остана без договор пред крајот на 2022 година и се пресели во Ал Наср од Саудиска Арабија.

„Имав свои причини поради кои се откажав од Роналдо. Тие беа премногу очигледни, а свесен бев дека ќе има негативни последици за мене.

Сепак, не се грижев и спиев мирно. Јас треба да носам одлуки во интерес на клубот. Размислувавме на долг план и имавме доволно време за да донесеме конечна одлука“, кажа Тен Хаг.

Резултатите на Торино одат во позитивна насока откако на клупата седна Иван Јуриќ, но тој има одредени несогласувања со раководството на клубот.

Преговорите за продолжување на договорот до 2026 година запнале поради одредени услови, па Јуриќ добил ултиматум за во одреден период да се изјасни дали ќе ја прифати понудата.

Главните недоразбирања се поврзани и со проектот на клубот, односно желбата на Јуриќ да се зголемат амбициите и да бидат доведени нови квалитетни засилувања.

Доколку исходот на преговорите е негативен, хрватскиот стручњак ќе го напушти Торино по крајот на сезоната, а раководството на „биковите“ веќе има фаворит за негов наследник.

Се работи за Алесио Дионизи кој во моментов е тренер на Сасуоло и чиј стил на работа очигледно оди во прилог на приоритетите на Торино.

Бојан Миовски игра одлично за Абердин, па поради тоа се повеќе клубови покажуваат интерес за неговите услуги.

Од турските медиуми се појави информација дека од Трабзонспор каде што во овој момент е Енис Барди стапиле во контакт со шкотскиот клуб. Во само неколку дена ова е трет клуб кој се поврзува со македонскиот напаѓач. Шкотските медиуми објавија дека Саутемптон од Премиер лигата го гледа Миовски како идеално засилување, а пред два дена се пишуваше и за интерес на ривалот на Трабзонспор, Бешикташ.

Миовски игра одлична сеозна во Шкотска каде што е трет стрелец во првенството со 18 постигнати голови.

Во досегашната кариера македонскиот голгетер настапуваше за Брегалница, Работнички, Ренова и МТК од каде што за 600.000 евра дојде во Абердин минатото лето.

Легендарниот капитен на Манчестер Јунајтед, Рој Кин, даде коментар за најтешкиот пораз на клубот во својата историја.

Популарните „црвени ѓаволи“ доживеаја дебакл во дербито со Ливерпул на „Енфилд“, каде беа поразени со резултат 7:0. Ова е највисок пораз на Јунајтед дури од 1931.година.

„Шокиран сум. Натпреварот беше загубен уште на стартот од второто полувреме. Поискусните играчи на тимот не покажаа никакви лидерски спсобности. Тежок ден за Јунајтед, за среќа во мојата кариера никогаш не сум доживеал толку висок пораз играјќи за овај клуб. Да ме победат со 6 или 7:0 би заминал дома со криење, и би исчезнал неколку месеци“, порача Кин.

Англиските медиуми пренесуваат дека претседателот на Тотенхем, Даниел Леви, одредил обешететување од 110 милиони евра за капитенот на тимот и репрезентативец на Англија, Хари Кејн.

Кејн има договор со со Тотенхем до 30.јуни 2024.година. Според некои информации капитенот на тимот минатата година имал понуда за трансфер во Манчестер Сити, но на крајот англискиот шампион се одлучи за купување на Норвежанецот Ерлинг Халанд од Борусија Дортмунд.

Најголема заинтересираност за ангажман на 29-годишниот Кејн во моментов покажува Манчестер Јунајтед. Тренерот на клубот од Олд Трафорд, Ерик тен Хаг, во повеќе наврати напоменува дека приритет за екипата е доведување на врвен голгетер кој ќе го надополни тоа место после заминувањето на Кристијано Роналдо во Саудиска Арабија.

Хари Кејн е член на Тотенхем од 2004.година. За клубот има постигнато 268 гола на 422 натпревари.

Килијан Мбапе стана најдобар стрелец во историјата на ПСЖ откако
вечерва погоди против Нант и стигна до погодокот број 201 во дресот
на „светците“.
Падна рекордот на Единсон Кавани, Килијан Мбапе вечерва испиша
нова историја, Французинот со само 24 години стана најдобриот
стрелец на ПСЖ.
Во самиот финиш од натпреварот против Нант, Килијан Мбапе доби
топка на пет метри, се сврте и биеше прецизно за 4-2.
Со овој погодок, Килијан Мбапе стигна до бројката од 201 во дресот
на „светците“ и стана прв стрелец во историјата на клубот од „Паркот
на принцовите“.

Бернардо Силва не е задоволен на „Етихад“ и сака на лето да ја
промени средината. Португалскиот фудбалер летово беше блиску до
преселба во Барселона, но каталонскиот клуб се откажа од
трансферот поради преголемата сума на пари што Сити ја бараше за
обештетување.
Сега и Манчестер Сити е расположен да го продаде Силва за сума од
околу 65 милиони евра, а Барселона не се откажува од Португалецот.
Проблем е финансиската ситуација на Каталонците, кои ќе мора да
продаваат фудбалери за околу 200 милиони евра за да можат да прават
трансфери.
Наводно за да ја собере таа сума Барселона е спремна на трансфер
листа да ги стави Френки де Јонг, Ансу Фати и Рафиња, а прва желба
е токму Бернардо Силва.