Фудбалерот на Црвена звезда, Насер Џига, до крајот на денот ќе се пресели во Премиер лигата.

Дефанзивецот ќе му се приклучи на Вулверхемптон, а според српските медиуми, англискиот премиерлигаш ќе плати 11 милиони евра и 2 милиони преку можни бонуси. Црвена звезда ќе го задржи правото и на пет или десет проценти од следниот трансфер.

Џига имаше излезна клаузула од 8.500.000, но добрите игри во Лигата на шампионите и фактот што неколку клубови беа заинтересирани ги натера челниците на Вулверхемптон да понудат поголема сума како обештетување.

Џига (22) е репрезентативец на Буркина Фасо, во Црвена звезда пристигна од Базел во септември 2023 година на позајмица, а клубот потоа за три милиони евра го откупи неговиот договор.

Актуелниот италијански шампион Интер го официјализираше и најновото засилување, Никола Залевски, кој доаѓа од Рома.

Младиот 23-годишен полски репрезентативец ќе биде опција на повеќе позиции во одбраната и во средниот ред, договорен како јануарско засилување до крајот на сезоната, но со можност договорот да биде и целосно откупен од јуни.

тер За почетниот заем, Интер ќе исплати околу 600 илјади евра, а налето има опција да го купи Залевски за сума од 6 милиони евра.

Астон Вила и официјално го ангажираше напаѓачот на Манчестер Јунајтед, Маркус Рашфорд и тоа на позајмица до крајот на сезоната, со опција за целосен трансфер.

Ова значи дека по една деценија, 26-годишниот англиски репрезентативец првпат ќе игра за клуб што не е Манчестер Јунајтед.

„Астон Вила со задоволство ја соопштува позајмицата на Маркус Рашфорд од Манчестер Јунајтед“, стои во официјалното соопштение на клубот од Бирмингем.

Рашфорд изрази задоволство од договорот и објасни зошто се одлучил токму за Астон Вила.

„Би сакал да им се заблагодарам на Манчестер Јунајтед и Астон Вила што овозможија оваа позајмица. Имав неколку опции, но Астон Вила беше лесен избор. Навистина го ценам начинот на кој играат оваа сезона и амбициите на тренерот. Сакам само да играм фудбал и возбуден сум да почнам. На сите во Манчестер Јунајтед им посакувам сè најдобро во остатокот од сезоната“, изјави Рашфорд.

Станува збор за англиски репрезентативец, кој се најде во немилост на новиот тренер на „ѓаволите“, Рубен Аморим, кој незадоволен од неговото однесување на тренинзите целосно се откажа од неговите услуги и направи се тој да си замине од „Олд Трафорд“.

Тренерот на Интер, Симоне Инзаги им оддаде признание на неговите фудбалери кои синоќа одиграа 1:1 со Милан во градското дерби.

„Момците беа одлични, се справија со сè освен со лоша среќа. Надминавме многу пехови на овој натпревар. Имавме три стативи, три поништени гола, недосуден пенал за прекршок над Маркус Турам. Но и противникот одигра одлично и треба да му се честита. Ние го одигравме нашиот 17-ти натпревар за два месеци и им честитав на момците. Секогаш сакаме да победуваме и не дозволивме да се обесхрабриме од лошата среќа на овој натпревар“, изјави тренерот на Интер.

Голот за Интер го постигна Стефан Де Врај во третата од петте судиски дополнителни минути.

Интер со 51 бод е втор на табелата во Серија А, додека Милан собра 35 бода и се наоѓа на 8. позиција.

Поранешниот фудбалер на Реал Мадрид се приклучува на мексиканскиот клуб Монтереј како слободен агент.

Серхио Рамос ќе заработи 4 милиони евра плус бонуси за тековната сезона, објави новинарот Николо Шира.

Исто така и инсајдерот Фабрицио Романо, лиферува информација дека поранешниот дефанзивец на Реал ден претходно потпишал преддоговор со мексиканскиот клуб на една година.

Последен клуб на 38-годишниот Шпанец беше Севилја, која ја напушти минатото лето. По Реал, Рамос настапуваше и во Пари Сен-Жермен.

Дефанзивецот на Реал Мадрид, Антонио Рудигер ќе отсуствува неколку недели поради повреда. Дефанзивецот почувствува непријатност и побара замена во 15. минута од натпреварот со Еспањол.

Антонио Рудигер го држеше задниот дел од десниот бутен мускул. Тој по оваа повреда на мускулот ќе биде надвор од терените околу 20 дена.

Сезонава дефанзивецот има 22 натпревари во Ла Лига. Неговиот тим загуби на синоќешното гостување кај Еспањол со 0:1 во натпревар од Ла Лига.

Фудбалерот Осман Дембеле го запиша своето име во историјата на Пари Сен Жермен постигнувајќи три гола против Брест, што беше негов втор хет-трик оваа недела.

Извонредната серија на Дембеле започна со неверојатен хет-трик против Штутгарт во Лигата на шампионите во средата. Потоа постигна уште три гола во Лига 1, поставувајќи личен рекорд.

Иако клубот може да се пофали со легендарни напаѓачи како Килијан Мбапе, Единсон Кавани и Златан Ибрахимовиќ, досега никој не успеа да постигне два последователни хет-трика со тимот на ПСЖ.

„Треба да му честитате на тимот и особено на моите соиграчи за асистенциите. Затоа што за првиот гол се што требаше да направам е да ја сместам тпопката во голот. А за третиот додавањето беше исклучително“, изјави Дембеле.

Турскиот фудбалски шампион Галатасарај и официјално го објави потписот на Алваро Мората кој доаѓа на позајмица од Милан.

Напаѓачот од авионот објави видео порака до приврзаниците на гигантот од Истанбул.

Шпанецот требаше да биде во Турција во саботата навечер, но околу 19 часот во Милано временските услови го спречија авионот да полета.

Се очекува Мората да потпише 18-месечна позајмица со опција за откуп. Клаузулата ќе стане задолжителна по исполнување на одредени услови.

Дуелот меѓу Рома и Наполи заврши без победник, 1-1.

Според досега прикажаното најсериозните кандидати за титулата во Серија, Наполи и Интер, гостуваа во 23.коло. Интер одигра 1-1 со градскиот ривал Милан. Бод за Интер спаси Де Фрај во 93. минута.

Наполи во целост го контролираше натпреварот на „Олимпико“. Наполитанците максимално ја искристија чудната постава во која насташи Рома. Клаудио Раниери на клупата ги остави Салемакерс, Паредес, Довбик, Дибала.

Поранешниот играч на Рома, Спинацола, во 29.минута, во стил на напаѓач го лобуваше Свилар и му донесе предност на Наполи.

Во останатиот дел од мечот имаше многу борба, главно на средината на теренот, но без многу шанси.

Најдобрата шанса за израмнување ја имаше Рома во 75. минута, Паредес од слободен удар од речиси 30 метри, ја погоди стативата. Но гостите немаа одговор во 92.минута. Стрелец беше левиот бек на Рома, Анхелињо, кој фати волеј по центаршутот на Салемакерс.

Интересен факт: последен пат Наполи ги добил двата натпревари во Серија А против Рома во сезоната 1920/21 година.

Бизарни триесет секунди го обележаа натпреварот меѓу Херенвен и Фортуна Ситард (2-2) во холандската Ередивизија.

Херенвен имаше водство од 2-1 од 82. минута, кога се случи неверојатна ситуација, Фортуна на теренот имаше голман и 11 играчи, поточно 12 играчи, а никој не забележа.

Тренерот на гостинската екипа направи две замени во 88. минута, а еден од играчите кој беше заменет остана на теренот.

Од игра требаше да излезат Рајан Фосо и Хаспер Далхаус. Циркусот настана кога Едуард Михут се приближи до клупата на гостинскиот тим.

Сите мислеа дека е тој ја напушта играта, но тој се врати на теренот, а играта продолжи без Далхаус да го напушти теренот.

Фортуна играше со играч повеќе и така успеа да постигне гол и да дојде до бод.

„Мислам дека тоа што се случи е многу посебно. Фортуна имаше 12 играчи на теренот. Се чини дека тоа е дозволено и возможно. Никогаш не разговарам со судиите и ги оставам да си ја завршат работата, но тие не можат да играат со 12 играчи. Тоа е незамисливо. Го прашав четвртиот судија дали треба да направи нешто. Не можете да играте со 12 фудбалери. Навистина не можам да го разберам тоа. Мислам дека ова е навистина скандалозно”, изјави по натпреварот тренерот на Херенвен, Робин ван Перси.