Дефанзивецот на Олимпик Марсеј, Дуе Чалета Цар е меѓу трансфер целите на Њукасл за јануарскиот период.

„Црно-белите“ имаат потреба за засилување на одбраната, а 25-годишниот централен деганзивец од Олимпик Марсеј е издвоен како еден од  кандидате.

Њукасл ја има најлошата одбрана од почетокот на сезоната во англиското првенство, бидејќи тимот има примено 41 гол и се наоѓа на претпоследното место од табелата.

Токму поради оваа причина менаџерот Еди Хау инсистира на засилување на одбраната, а покрај Чалета-Цар посакувани трансфер цели се и Киран Трипие од Атлетико Мадрид, Џејмс Тарковски од Барнли и други.

Шпанските новинари тврдат дека капитенот на Челзи, Сезар Аспиликуета по завршувањето на сезонава ќе го напушти Лондон и ќе се пресели во екипата на Барселона.

Барселона и Аспиликуета веќе се согласиле на потпишување двегодишен договор и се очекува тој да биде еден од искусните столбови во екипата од „Камп Ноу“.

Аспиликуета оваа сезона има се помалку настапи во тимот со кој менаџира Томас Тухел и се очекува тој да ја прифати евентуалната понуда од Барселона.

Сезар Аспиликуета е член на Челзи од 2012 година, каде пристигна од Олимпик Марсеј. 

Милан е во потрага по замена за дефанзивецот Симон Кјаер, кој ќе го пропушти остатокот од сезоната поради повреда на коленото. Според новинарот Џанлука Ди Марцио, италијанскиот клуб ја разгледува можноста да го доведе дефанзивецот на ПСЖ, Абду Диало.

25-годишниот фудбалер е високо на листата на приоритети на „росонерите“ ценета, но многу работи ќе зависат од тоа дали ПСЖ е подготвен да се раздели со него за сума прифатлива за Италијанците.

Диало оваа сезона одигра 9 натпревари во француската Лига 1 и имаше една асистенција.

Челниците на Реал Мадрид ги прекинаа преговорите со менаџерот Мино Раиола за доведување на Пол Погба од Манчестер Јунајтед.

Реал Мадрид досега важеше за фаворит за потписот на 28-годишниот Французин, но сепак, клубот одлучи да се откаже од Погба.

Тренерот Карло Анчелоти не инсистира на овој трансфер. Тој верува дека Едуардо Камавинга и Федерико Валверде  се иднината на клубот и можат одлично да ја покријат позицијата на која настапува Пол Погба.

Како што е познато, актуелниот договор на Погба со „црвените ѓаволи“ истекува на крајот од сезоната и тој засега не дава никакви изјави дека сака да остане во Манчестер. За само неколку дена, играчот од средниот ред ќе има право да потпише пред договор со друг клуб, кој ќе стапи на сила ова лето.

Официјално е одложен уште еден натпревар од Премиер лигата. Станува збор за дуелот помеѓу екипите на Евертон и Њукасл кој требаше да се одигра на 30.декември.

Од Премиер лигата известуваат дека одлуката е донесена на барање на Њукасл бидејќи поради големиот број на ковид зарази и повреди тие неможат да го соберат потребниот број на играчи за настап, односно немаат 13 играчи плус голман.

Ова е 16-ти натпревар од Премиер лигата кој е одложен во месец декември.

Играчот од средниот ред на Рома и еврменски репрезентативец, Хенрих Мхитарјан по завршувањето на фудбалската кариера ќе стане спортски директор на рускиот клуб Краснодар. Според информациите во ерменските медиуми, Мхитарјан веќе постигнал устен договор за соработка со сопственикот на Краснодар, Сергеј Галицки.

По завршувањето на професионалната кариера како играч, Мхитарјан ќе ја преземе позицијата во структурата на „биковите“.

Емил Форсберг е именуван за најдобар играч шведски играч за 2021 година.

За Форсберг ова е првпат да го добие ова признание симнувајќи го од тронот Златан Ибрахимовиќ кој минатата година беше избран за најдобар по рекорден 12. пат.

„Ова признание ми значи многу. Најмногу што можам да добијам од својот народ. Показател дека зад мене е фантастична година во која бев навистина добар. Наградата ме прави горд“, истакна 30-годишникот.

Форсберг беше одличен на Европското првенство минатото лето каде што постигна четири гола. За државниот дрес до сега има 68 натпревари и 15 голови.

Шпанскиот прволигаш Депортиво Алавес му врачи отказ на тренерот Хавиер Каљеха. Како што потврдија од клубот, мадридскиот стратег си заминува од Алавес откако не успеа да го извлече тимот од црвената зона на табелата во првиот дел од сезоната.

Хавиер Каљеха пристигна на клупата на Алавес на 5 април 2021 година и ја постигна целта да остане во елитата, но годинава неговиот тим не успеа да се извлече од дното и моментално е на 18-то место во Ла Лига, во зоната за испаѓање. На последните пет натпревари Алавес не освои ниту еден бод.

Дејвид Бекам кој е претседател на фудбалскиот клуб Интер од Мајами, пројавува интерес за доведување на Луис Суарез од Атлетико Мадрид.

Бекам и челниците во клубот не се задоволни од тоа како се развива тимот и од фактот што не успеа да се пласира во плејофот на МЛС лигата. Екипата веќе доведе звучни имиња како што се Игуаин и Матуиди но двајцата не ги оправдаа големите очекувања и можно е нивно заминување од Мајами.

Дејвид Бекам планира да го доведе 34-годишниот Суарез кој ја игра последната година од договорот со Атлетико Мадрид, нудејќи му 2 годишен договор кој финансиски би бил исплатлив за искусниот Уругваец.

Според податоците на порталот Трансфермаркт, Челзи е фудбалскиот клуб кој потрошил најмногу пари за трансфери во 21.век.

Лондонскиот клуб, кој од 2003 година е во сопственост на рускиот олигарх Роман Абрамович, од сезоната 2000/2001, на трансфери на играчи потрошил вкупно 2,4 милијарди евра.

На второ место е уште еден клуб од Англија-Манчестер Сити, со 2,3 милијарди евра, а третото и четвртото место го делат шпанските гиганти Реал Мадрид и Барселона, кои за овој период потрошиле 2.2 милијарди евра. 

На петтото место е италијанскиот Јувентус со 2,1 милијарди евра, а по него следува Манчестер Јунајтед со 2 милијарди евра.

Седми е италијанскиот Интер со 1,7 милијарди евра, колку што потрошил и Париз Сен Жермен кој е осми. На деветтото место е Ливерпул со 1,6 милијарди евра, а десетти е италијанскиот Милан со потрошени 1,5 милијарди евра.

Од сезоната 2000/2001 до денес, Челзи пет пати беше шампион на Англија, 5 пати го освои ФА Купот, 3 пати го освои Лига Купот и Суперкупот на земјата, по два пати Лигата на шампиони и Лига Европа, а во 2021 година беше освојувач на Суперкупот на УЕФА.