Македонската фудбалска репрезентација вчера го одржа првиот тренинг по враќањето од Палермо, а во пресрет на решавачкиот меч со Португалија за пласман на СП во Катар.

По извонредниот настап на средбата во Италија, Висар Муслиу, пред дуелот со Португалците вели:

„Секако е дека емоциите за Италија се завршени. Сега цел поглед ни е кон Португалија. Мора да се потрудиме многу, знаеме дека ова е можеби шанса која ќе ја имаме еднаш во животот. Мора да дадеме максимум и да се потрудиме да победиме, па така ќе испишеме нова историја за нашиот фудбал. Секој нов меч е различен од претходниот, но знаеме дека чека еден многу тежок меч, со многу притисок и на наша и на нивна страна. Тоа мора да го отстраниме со нашата професионалност. Португалија е фаворит на хартија, сите го велат тоа. Но, ние не мислиме така. Знаеме за каков квалитет се говори. Италија исто имаше квалитет како европски првак, па така сметам дека и ние не сме без никакви шанси во финалето“.

Mакедонските репрезентативци Енис Барди и Александар Трајковски, како и селекторот на фудбалската репрезентација Благоја Милевски, ќе добијат дипломатски пасоши од Министерството за надворешни работи, соопшти министерот за надворешни работи Бујар Османи.

„Во Министерството за надворешни работи на Трајковски, Барди и селекторот Милевски ќе им бидат врачени дипломатски пасоши. Тие сега се наши најважни амбасадори и заслужуваат дипломатски пасош. Се надевам ќе продолжат да нè радуваат и во натпреварот со Португалија“, изјави министерот Бујар Османи.

Двајцата фудбалери и селекторот своите дипломатски пасоши ќе ги добијат по брза постапка и веќе од денес ќе ги имаат во своите раце.

Македонија одигра херојски натпревар против Италија во Палермо и со голот токму на Трајковски се избори за финален дуел за пласман на Светското првенство против Португалија, кое ќе го игра во Порто на стадионот „Драгао“ во вторник на 29.март со почеток во 20.45 часот.

Францускиот вицепрвак Париз Сен Жермен во текот на летниот преоден рок размислува да го доведе напаѓачот на Челзи Ромелу Лукаку. 

Според медиумските информации, ПСЖ очекува да се раздели со напаѓачот Килијан Мбапе бидејќи неговиот договор истекува на лето и поради оваа причина Парижаните ќе бараат нов голгетер.

 Белгиецот оваа сезона постигна 12 гола и забележа две асистенции на 34 натпревари во сите натпреварувања. Неговиот договор со Челзи истекува во 2026 година, но на почетокот на сезоната тој јавно објави дека не е среќен во тимот и не е исклучена можноста тој да побара заминување од Лондон.

Холивудската ѕвезда Џорџ Клуни е заинтересиран да го купи англискиот клуб Дерби Каунти. Тимот кој настапува во Чемпионшип е во големи проблеми од самиот старт на првенството кога поради финансиски проблеми им беа одземени 21 бода.

Сепак, екипата предводена од тренерот Вејн Руни е на осум бода од зоната за спас, а до крајот на сезоната остануваат уште седум кола. 

Клуни пред неколку години започна преговори за купување на шпанскиот клуб Малага, но тогаш договорот пропадна.

„Дерби е голем фудбалски клуб кој има фантастична историја и сигурен сум дека ќе има голема иднина. Знам дека во последно време има проблеми, но во овие околности е очигледно дека и играчите на теренот и навивачите ја играат одлично својата улога. Мојот интерес за фудбалот секако порасна во последните години. Пред некое време ме прашаа дали сакам да се приклучам на група која сака да ја купи Малага. Тоа беше возбудлива перспектива, но на крајот пропадна. Можеби поседувањето фудбалски клуб е возбудлива работа и не ја отфрлам можноста да бидам дел од некој клуб во иднина“, изјави Клуни.

Ѕвездата на аргентинскиот и светскиот фудбал, Лионел Меси, најави крај на својата репрезентативна кариера.

Тој во изјава после победата од 3:0 над Венецуела кажа дека многу работи ќе се променат за него после Светското првенство во Катар.

„Не знам што ќе правам по Светското првенство. Размислувам за она што претстои. По Катар ќе треба да проценам многу работи“, изјави Меси.

Запрашан дали ќе продолжи да го носи дресот на својата репрезентација и следната година, Меси рече: „Не знам, вистината е дека не знам. Размислувам за тоа што доаѓа наскоро, натпреварот со Еквадор во вторник и контролите во јуни и септември. Се надевам дека ќе поминат на најдобар начин. Едно е сигурно, по завршувањето на Светското првенство многу работи ќе се променат“, потенцира Меси.

Турскиот фудбалски гигант Бешикташ, го именува Валеријан Исмаел за нов тренер на тимот. Исмаел е трето тренерско име во клубот од Истанбул оваа сезона.

Тој на клупата ќе го замени Ондер Каравелија кој по само два месеци доби отказ од клубот. Причината се поразите во последните четири натпревари на екипата.

Договорот на Исмаел со Бешикташ е со важност до јуни 2023 година.

Тренерот на Атлетико Мадрид, Диего Симеоне, побарал од  раководството на клубот да направи обид и да го ангажира напаѓачот на Интер, Лаутаро Мартинез.

Како можна препрека за реализација на овов трансфер е високата цена од 60 милиони евра, која Атлетико би требал да ја плати за 24-годишниот Аргентинец. Самиот Мартинез, кој неодамна го обнови договорот со Интер до 2026 година, е подготвен да го напушти клубот бидејќи не се чувствува доволно вклучен во проектот на тренерот Инзаги.

Интер не ја исклучува неговата продажба, бидејќи планира да го ангажира Пауло Дибала од Јувентус како слободен играч, како и доведување на двоецот од Сасуоло, Фратези и Скамака.

Напаѓачот на Франција, Оливие Жиру стигна на четири гола од рекордот на француската легенда Тиери Анри, по бројот на постигнати голови во дресот на репрезентацијата.

Жиру беше стрелец при победата на Франција од 2:1 над Брегот на Слоновата Коска, во пријателски натпревар кој се одигра во Марсеј.

Во моментов напаѓачот на Милан во дресот на Франција има постигнато вкупно 47 гола, додека Анри останува на врвот со дадени 51 гол.

Жиру стана и вториот француски репрезентативец кој постигнал гол во националниот дрес на возраст од над 35 години. 

Тренерот на фудбалерите на Рома, Жозе Мурињо, сака да го ангажира 

играчот од средниот ред на Пари Сен Жермен, Леандро Паредес.

Аргентинецот не стартер кај францускиот состав и може да се врати во “римскиот клуб за кој играше  од 2014 до 2017 година.

Договорот на Паредес со Пари Сен Жермен истекува во 2023 година. Единствен проблем во целата ситуација може да биде високата годишна плата на Паредес од 8,5 милиони евра.

Тренерот на Ајакс, Ерик тен Хаг, има намера да  донесе на Олд Трафорд како помошник една од иконите на „црвените ѓаволи“.

Тоа ќе се случи доколку во текот на летото го преземе Манчестер Јунајтед како што се шпекулира последниве денови. Имињата кои се поврзуваат со него се Робин ван Перси, Руд ван Нистелрој и Јан Стам. Нистелрој е помошник тренер во ПСВ Ајндховен а Робин ван Перси во Феенорд.

Стам има најдолг стаж како тренер, па дури има искуство и во Англија кога го водеше Ридинг во периодот од 2016 до 2018 година. Тој е моментално без работа.