Алваро Мората заработи повреда поради која мораше да го напушти теренот.

На гостувањето кај Атлетико во Кадиз, Мората мораше да го напушти теренот по само 10 минути игра. Првите прогнози не се познати, но Луис Енрике секако е загрижен, бидејќи Мората е прв напаѓач на неговата репрезентација, а Светското првенство започнува за три недели.

Се чекаат лекарски прегледи и повеќе детали. Шпанија е во групата Е каде се и Костарика и Јапонија. Шпанците го отвораат турнирот против Костарика на 23 ноември.

Барселона ќе постави реклама за дигиталната компанија за трговија и кредити со криптовалути Нексо (Nexo) на ракав од дресоот.     Деталите од договорот не се откриени, но во план е да бидат обелоденети пред почетокот на Светското првенство во 2022 година. 

Вреди да се напомене дека зделката е слична на онаа со Беко – ова партнерство на Барселона и донесе 19 милиони евра по сезона. Раководството на каталонскиот фудбалски гигант бара начин да се консолидира по запаѓањето во финансиска криза во последниве две-три години.

Поранешниот напаѓач на Спартак Москва, Тотенхем и руската фудбалска репрезентација, Роман Павличенко ја заврши кариерата на 41-годишна возраст, објавија руските и британските медиуми.

Павличенко настапуваше за рускиот третолигаш Знамја од Ногинск, а поради тоа што доби осум натпревари суспензија поради напад на противник и употреба на навредлив јазик, реши да престане да игра фудбал.

Русинот во кариерата играше и за Динамо Ставрополј, Ротор од Волгоград, Спартак Москва, Тотенхем, Локомотив Москва… За репрезентацијата на Русија, Павличенко забележа 51 настап на кој постигна 21 гол.

Тренерот на Баерн Минхен, Јулијан Нагелсман, во изјава за новинарите вели дека голманот Мануел Нојер и понатаму не е достапен поради повреда на рамото и дека не знае кога тој ќе се врати на теренот.

36-годишниот Нојер, последен пат за Баерн настапи на 8.октомври во ремито со Борусија Дортмунд.

„Мислам дека дека Нојер ќе може да настапи на Светското првенство, но не сум видовит и да го тврдам тоа со сигурност. Би сакале тој да може да заигра за екипата најбрзо што може, и нашите лекарски екипи работат на тоа Мануел да се врати на теренот следниот викенд, но познато е дека повредата на рамото е комплицирана работа за лечење“, изјави тренерот на Баерн.

Давид де Геа нема да биде дел од репрезентацијата на Шпанија за Светското првенство во Катар, пренсува „АС“.

Селекторот Луис Енрике испрати покана до пет голмани кои ќе бидат дел од широкит список од 55 фудбалери, но Де Геа нема да биде вклучен дури ни во поширокиот список.

Весникот „АС“ открива дека во тој список ќе бидат Унаи Симон од Атлетик Билбао, Роберт Сачез од Брајтон, Давид Реја од Брентфорд, Давид Сорија од Гетафе и Кепа Аризабалага од Челзи.

Тренерот на Наполи, Лучијано Спалети е задоволен од изданието на својот тим кој во средата го победи Ренџерс со 3-0. Наполи е во серија од 12 победи. 

„Следниот меч е ветувачки бидејќи да се победи Ливерпул на негов терен е многу тешко. Треба да напаѓаме и да ја контролираме топката. Ако им дадеме време да размислат и да одлучат каде да не пробијат, тогаш ќе им создадеме удобни услови, а тоа не би сакале да го дозволиме. Ќе биде одлично да се оди таму, откако веќе обезбедивме пласман во плејофот. Шоуто е гарантиран“, изјави Спалети. 

Во А-групата, Наполи е лидер со 15 бодови, Ливерпул има 12, Ајакс 3, Ренџерс е последен без освоен бод.

Шпанското обвинителство реши да ги повлече сите обвиненија за корупција и измама против Бразилецот Нејмар, на судењето кое се води во Барселона поради наводни незаконски постапки при трансферот на фудбалерот од Сантос во Барселона во 2013.година.

Обвинителството првично бараше казна затвор од две години и парична казна од 10 милиони евра за напаѓачот на Париз Сен Жермен.

Во случајот беа обвинети и родителите на Нејмар, двајцата поранешни претседатели на Барселона Сандро Росел и Жозеп Бартомеу, како и претседателот на бразилскиот клуб Сантос.

Поранешниот играч на Барселона, Андрес Иниеста изјави дека би сакал да се врати во каталонскиот клуб како спортски директор или тренер.     

Во моментов 38-годишниот играч од средниот ред настапува за јапонскиот клуб Висел Кобе. 

„Мојата фаза како играч на Барселона е веќе завршена. Ќе биде невозможно да се натпреварувам со играчите таму, тие се млади и физички силни. Сакам да се вратам во Барселона како тренер или спортски директор, но прво треба да учам во различни области, а потоа ќе видиме, изјави Иниеста за „Барса Универзал“. 

Иниеста играше за Барселона од 2002 до 2018 година. Како дел од тимот го освои шпанското првенство девет пати, Купот на Шпанија шест пати и Лигата на шампионите четири пати.

Челзи планира во следниот период да го ангажира Едсон Алварез од Ајакс, кој треба да го замени Жоржињо бидејќи италијанскиот репрезентативец следното лето ќе си замине од тимот.

Алварез е на листата со желби на Челзи, чиј газда Тод Боели наскоро ќе направи конечна одлука за тоа кој е идеално решение за средината на премиерлигашот.

Челси се соочува со сериозни проблеми сезонава во средниот ред затоа што Жоржињо не игра во добар ритам, а исто така тренерот Грам Потер не може да смета на Н’Голо Канте кој е повреден.

Фудбалерот на Челзи, Матеo Ковачиќ, ведна по Мундијалот во Катар ќе добие понуда да ја продолжи соработката со „сините“.

Неговиот договор истекува за нешто повеќе од 18 месеци а линдончани планираат да го задржат за подолг период. На „Стемфорд Бриџ“ го гледаат Ковачиќ како играч кој е клучен за иднината на клубот.

Тој беше купен од  Реал Мадрид во 2018 година за 45 милиони евра. За Челзи има одиграно 197 мечеви со ефект од 5 голови и 14 асистенции.