На Месут Озил не му оди како што очекуваше во редовите на Фенербахче, а медиумите шпекулираат дека би можел да се врати во Премиер лигата.

Озил е далеку од нивото на кое играше во минатото, но и понатаму привлекува интерес. Според новинарот Екрем Конур Озил е желба на новите газди на Њукасл

Според неговите информации, Озил не е единствениот играч на Фенербахче кој е нивна мета, тука е и голманот Алтај Бајиндир. Меѓутоа сигурно дека многу работи ќе зависат и од тоа кој ќе биде новиот тренер на Њукасл, утрово Стив Брус и официјално си замина од клубот.

Тренерот на Манчестер Јунајтед, Оле Гунар Солскјер не ги штедеше пофалбите  за своите играчи по синоќешниот пресврт против Аталанта во Лигата на шампионите, кога неговите избраници успеаја да победат со резултат 3:2, иако на полувреме губеа со 0:2.

„Мислам дека и во првото полувреме одигравме добро, но Аталанта постигна два гола од две створени шанси. Тоа мораше да го прекинеме за да имаме шанси за победа. Како клуб имаме традиција да правиме резултатски пресврти. Во соблекувалната, им реков на момците дека ако следниот гол на натпреварот го постигнеме ние, на крајот ќе победиме. Бев сигурен дека ќе успееме, само требаше да ги искористиме нашите шанси“, изјави Норвежанецот.

„Навивачите се многу важен дел од нашиот клуб. Нивната поддршка ни даде крилја за победа на натпреварот. Играчите треба да бидат многу среќни бидејќи играат за клуб каков што е Манчестер Јунајтед.“, вели Солскјер.

Напаѓачот Пауло Дибала се согласи да стави потпис на нов договор со Јувентус. Како пренесува Тутоспорт, Аргентинецот ќе остане во Торино до 2026 година. 

Менаџерот на фудбалерот отпатува за Италија за да ги дефинира и последните детали од договорот, според кој Дибала ќе заработува 8,5 милиони евра годишно плус 1,5 милиони евра во бонуси.

Пауло Дибала е во Јувентус од 2015. од почетокот на сезоната во Серија А, на 5 натпревари има постигнато 2 гола и 2 асистенции.

Дани Олмо во јануари ќе го напушти Лајпциг.

„Барселона не планира да се откаже од Олмо и во зимскиот преоден рок ќе се обиде да го доведе. Планот на Барселона е да го позајми Олмо за вториот дел од сезоната, а потоа да го откупи неговиот договор во летото 2022 за 60 милиони евра“, пишува „Билд“.

Се наведува дека Барселона е прв избор за Олмо, но ако не успеат да пронајдат пари да го ангажираат тогаш шпанскиот репрезентативец би можел да се пресели во Англија. Целата ситуација околу Олмо ја следат Манчестер Сити и Манчестер Јунајтед, тврди Фалк.

Треба да се спомене дека пари од трансферот на Олмо ќе добие и Динамо Загреб кој се договори за одреден процент при неговата продажба во германскиот клуб.

Фабио Паратичи сака да му ја замрси работата на својот бивши клуб Јувентус.

Имено, Паратичи сака уште во зимскиот преоден рок да договори две големи трансфер желби на „старата дама“. Се тврди дека Паратичи веќе работи на трансферите на Душан Влаховиќ од Фиорентина и Орелиан Чуамени од Монако.

Двајцата фудбалери се најголеми желби на Јувентус и сака да ги донесе следното лето во Торино. Паратичи ќе направи се што е во негова моќ за да ги донесе двајцата фидбалери во Лондон, а наводно добил доволно буџет од претседателот Даниел Леви.

Тројца фудбалери на Барселона нема да му бидат на располагање на тренерот Роналд Куман за шпанското фудбалско дерби против Реал Мадрид в недела.

Играчот од средниот ред Педри, крилниот напаѓач Осман Дембеле и дефанзивецот Роналд Араухо се опоравуваат од повредите и нема да бидат подготвени за Ел Класико, пишуваат шпанските медиуми.

Натпреварот на „Камп Ноу“ е на 24 октомври и започнува во 16.15 часот. Во моментов, Реал Мадрид е втор на табелата во Примера со 17 бода, но со натпревар помалку.

Лидер е Реал Сосиедад со 20 бода. Барселона, пак, го зазема седмото место на табелата со 15 бодови, а исто така има еден натпревар помалку.

Mилан вчера беше поразен од Порто и така се стави во тешка ситуација за место во нокаут фазата во Лигата на шампионите.

„Росонерите“ имаат три порази во првите три натпревари. Вчера одиграа лош натпревар и можеа поубедливо да бидат поразени од тие 0-1. Златан Ибрахимовиќ после натпреварот беше реален и посочи дека неговиот тим не заслужил повеќе во овој натпревар.

„Ова беше најлошиот натпревар од досегашните три и не заслуживме бодови. Треба да имаме предвид дека за многу од нашите фудбалери ова е прв настап во Лигата на шампионите и тие треба да созреат и да стекнат искуство. Како што можете да видите со искуството во Серија А нашата игра веќе се подобрува, така сметам дека со секој натпревар и во ЛШ треба да имаме напредок“, смета Ибрахимовиќ.

Њукасл оваа недела ќе започне разговори со Пауло Фонсека за нов менаџер на тимо.. Португалецот е еден од неколкуте кандидати за функцијата која е испразнета пред само неколку часа од Стив Брус. Отказот на Англичанецот се очекуваше околу две недели, но на крајот доби можност да го предводи тимот за последен пат во текот на викендот против Тотенхем во натпревар што заврши 3:2 во корист на лондончани.

Фонсека беше последен пат на клупата на Рома, а летото преговараше со Тотенхем, но на крајот тие се одлучија за Нуно Еспирито Санто.  Фонсека е трикратен шампион на Украина и трикратен освојувач на Националниот куп на Украина со Шахтјор Доњецк, како и победник на Купот на Португалија со Брага.

По преземањето на Њукасл од саудиските сопственици, секој ден излегуваат информации за можни договори со  големи фудбалски имиња. Познати тренери и играчи постојано се поврзуваат со доаѓање на “Сејнт Џемс Парк“.

Најново име кое се поврзува со облекување на црно-белиот дрес на Њукасл е бившиот играч на Арсенал и германски репрезентативец, Месут Озил. 

Освен за Озил кој моментално настапува во турската лига за екипата на Фенербахче, од Њукасл се заинтересирани и за доведување на неговиот клупски соиграч, голманот Алтан Бајендир.

Со двата гола на синоќешниот меч со Атлетико Мадрид, голгетерот на Ливерпул, Мохамед Салах постави нов клупски рекорд.

Египќанецот постави нов клупски рекорд по бројот на постигнати голови во Лигата на шампионите – 31.

Тој од врвот на листата го симна легендарниот поранешен капитен на тимот, Стивен Џерард кој имаше 30 гола за Ливерпул во Лигата на шампионите.