Овој изведен пенал ни доаѓа од ниските лиги во Англија.
Погледнете го овој хит од Островот:

Напаѓачот на Манчестер Јунајтед, Кристијано Роналдо ги повика своите соиграчи во обид да ги мотивира и да покажат што знаат во дуелот од Лигата на шампионите против екипата Аталанта и со тоа да се вратат на победничкиот пат. 

„ Нашето време доаѓа. Мораме да покажеме од што сме создадени, а Лигата на шампионите е совршено место за докажување пред светот. Нема оправдувања! Ајде да го направиме тоа! “, Напиша Роналдо на својот Инстаграм профил.

Барселона во наредните денови ќе го официјализира новиот договор на Ансу Фати, тврдат каталонските медиуми.

Како што потврдија денес повеќе извори директорот на Барселона отпатувал во Португалија на завршни преговори со агентот Жорж Мендеш. Ансу Фати има договор до 2022 година и Барселона има опција за продолжување до 2024 година, но веќе подолго време беше во преговори за нов договор.

Според извештаите новата „десетка“ на Барселона ги одбил сите останати понуди и ќе стави потпис на нов договор до 2026 година.

Финансиските детали не се познати, но 18-годишниот талент ќе добие значително зголемување на платата.

Тренерот на Ливерпул, Јирген Клоп,  изрази задоволство од победата во Лигата на шампиони над Атлетико Мадрид со 3:2 и вели дека највредни се триумфите постигнати со не толку добра игра.

Ливерпул брзо поведе со 2:0, по што следеше израмнување од домашниот тим, но пред на крајот средбата Мохамед Салах донесе триумфот со гол од пенал. Драмата беше целосна бидејќи судијата досуди пенал за домаќините, но по интервенцијата на ВАР и прегледување на ситуацијата, ја укина неговата одлука. Антоан Гризман доби црвен картон опасна игра над Фирмино.

„Секако дека беше тежок натпревар. Сепак, воопшто не ми е грижа како победуваме. Највредни се тешките победи. Во ваков натпревар, освојувањето на трите бода беше од големо значење “, рече Германецот. 

Клоп, смирено го прифати фактот дека Диего Симеоне не го поздрави по натпреварот.

„Неговите постапки не беа правилни, но во исто време јас целосно го разбирам. Не сакав луто да реагирам кон него, но на крајот сакав да му ја подадам раката, а тој не го стори тоа. Неговата реакција не беше пријатна, но и мојата исто така, двајцата сме емотивни поединци“, изјави Клоп.

Напаѓачот на Ливерпул, Мохамед Салах продолжува да воодушевува со своите игри оваа сезона и собори уште еден рекорд во дресот на „црвените“.

Салах постигна два гола во успехот на Ливерпул против Атлетико Мадрид во Лигата на шампионите со 3: 2. Тој сега има постигнато 31 гол во 48 натпревари со што стана играч со најмногу постигнати голови за Ливерпул во Лигата на шампионите. Досега рекордот го држеше Стивен Жерард со 30 голови.

Поранешниот играч на ПСЖ, Роналдињо беше во Париз за да го проследи натпреварот од Лигата шампионите против екипата на Лајпциг кој заврши со победа на ПСЖ 3:2.

На загревањето пред почетокот на средбата, Роналдињо излезе на теренот за да се поздрави со својот бивш соиграч од Барселона, Лионел Меси. Двајцата се поздравија со емотивна прегратка што беше поздравено од публиката на “Паркот на принцовите“.

Борусија Дортмунд покажува интерес за голманот на Реал Мадрид, Андреј Лунин пренесуваат германските медиуми.„Милионерите“ имата за цел да купат млад и перспективен голман на кого ќе можат да ја градат иднината.

Во моментов Борусија ги има Бурки и Кобел кои конкурираат за прв голман во тимот. Меѓутоа „милионерите“ бараат нов голман, а примарна цел е Лунин.

22-годишниот Лунин има само еден меч за Реал Мадрид откако беше донесен во 2018 година. Украинецот има договор со „кралевите“ до 2024 година, но Куртоа е прв избор и самиот сака да ја промени средината.

Барселона и Милан се силно заинтересирани за офанзивниот фудбалер на Манчестер Јунајтед, Џеси Лингард.

Англиските медиуми пренесуваат дека Лингард одбил да стави потпис на нов договор со Манчестер Јунајтед.

Лингард последните шест месеци ги помина во Вест Хем каде блескаше во дресот на „чеканите“, но двата клуба не се договорија за трансфер. Манчестер Јунајтед му понуди нов договор, но играчот одбива да потпише, бидејќи не е задоволен со својот статус во тимот.

Договорот на Лингард истекува следното лето, па „црвените ѓаволи“ се спремни да го продадат во јануари за „само“ 15 милиони евра.

Таквата ситуација сакаат да ја искористат Барселона и Милан, па веќе стапиле во контакт со неговиот агент.

Томас Тухел , ќе може да рачуна на своите играчи од одбраната, Антонио Рудигер и Тиаго Силва за претстојниот натпревар од Лигата на шампионите против Малме.

Рудигер се опорави од повредата на грбот, додека Тиаго Силва се враќа во тимот после репрезентативниот настап со селекцијата на Бразил. Оваа вест го израдува тренерот Тухел бидејќи без овие двајца стандардни дефанзивци во тимот, Челзи се потпираше на младите Тревор Чалоба и Сар кои настапија на дуелот со Брентфорд во Премиер лигата.

Натпреварот со Малме се игра на “Стенфорд Бриџ“, среда во 21 часот.

Како што неодамна најави селекторот на фудбаската репрезентавија на Србија, Драган Стојковиќ-Пикси, денес официјално се обелодени веста дека во Србија ќе се гради ултра модерен стадион кој треба да биде готов до 2025 година.

Новиот национален стадион кој ќе се вика “Србија“ ќе чини 257 милиони евра и на него ќе играат само националните репрезентации на Република Србија. Стадионот ќе има капацитет од 52 илјади седишта и ќе никне на 15 километри од центарот на главниот град, Белград.