Европските гиганти покажуваат сериозен интерес за дефанзивецот на
Салцбург и српски репрезентативец, Страхиња Павловиќ. 21-
годишниот дефанзивец игра одличо во Салцбург, а на Мунијалот
покажа дека е еден од најдобрите млади дефанзивци.
Интерес за Павловиќ покажуваат Јувентус, Рома, Арсенал и Атлетико
Мадрид, кои се очекува да водат голема битка за неговиот потпис.
Павловиќ пристигна во Салцбург од Монако за 10 милиони евра, но
неговата цена драстично порасна со неговите одлични настапи.
Се очекува на лето сигурно да ја промени средината, а споменатите
клубови се спремни да понудат 30 милиони евра.

Роберто Мартинез повеќе не е селектор на Белгија. Искусниот стратег
на прес-конференцијата по ремито со Хрватска со кое Белгија го

заврши настапот на ова Светско првенство потврди дека си заминува
од селекторската позиција.
„Ова беше мојот последен натпревар на клупата на Белгија. Има
емоции, како што може да замислиете“, изјави Мартинез.
Договорот на Роберто Мартинез истекува и тој нема да биде
продолжен. Иако е јасно дека елиминацијата во групната фаза за
Белгија е големо разочарување, сепак ова беше одлука која е донесена
претходно.

Новата ѕвезда на Холандија, Коди Гакпо се очекува да биде најбараниот фудбалер на трансфер пазарот. Гакпо оваа сезона има 9 гола и 12 асистенции во холандската Прва лига и направи вистински бум на Светското првенство во Катар, постигнувајќи по еден гол на трите натпревари на Холандија во групната фаза против Сенегал, Еквадор и Катар.

Неговата форма веројатно нема да му помогне на неговиот клуб ПСВ Ајндховен да го задржи до крајот на сезоната. Медиумите од Холандија тврдат дека напаѓачот стана трансфер цел на Ливерпул. Екипата од Енфилд се подготвува да започне преговори со претставниците на 23-годишниот фудбалер за да го доведат во јануари. Се очекува неговиот актуелен клуб ПСВ за негова продажба да бара минимум 50 милиони евра.

Селекторот на Гана, Ото Адо, ја напушти функцијата по елиминацијата на репрезентацијата од Мундијалот. 

Екипата од Африка загуби со 2:0 од Уругвај и со тоа остана на последното место во групата Х со освоени 3 бода.

„Јасно беше дека ќе заминам по Светското првенство. Јас и моето семејство ја гледаме нашата иднина во Германија. Ми се допаѓа мојата улога во Дортмунд. Дури и да станевме светски шампиони, тоа ќе беше крајот. Тоа е одлука за моето семејство“, изјави 47-годишниот тренер, кој работи со младинските тимови на Борусија Дортмунд.

Адо им се придружи на Роберто Мартинез (Белгија), Карлос Кеирош (Иран) и Херардо Мартино (Мексико) како тренери кои си поднесоа оставки веднаш после испаѓањете од Светското првенство оваа недела.

Српскиот фудбалски репрезентативец, Александар Митровиќ, излезе со изјава дека играчите на Србија дале се од себе на натпреварот против Швајцарија во третото коло од групата Г на СП во Катар.

Србија не успеа да се пласира во осминафиналето од Мундијалот во Катар, откако беше поразена од Швајцарија со резултат 3:2, а во другиот натпревар од оваа група, Камерун успеа да го изненади Бразил и да го совлада со 1:0. Во нокаут фазата свое учество изборија Бразил и Швајцарија.

„Ова е тежок момент за сите нас. Незнам што би можел да кажам. Дадовме се од себе, својот максимум, но очигледно тоа не беше доволно. Швајцарија беше подобар тим во овој дуел и заслужено победи. Нема за што да жалиме, и сигурно дека оваа екипа нема да се откаже и ќе продолжи да гине за овај дрес. Ни треба време да се опоравиме и потоа одиме во нови победи“, изјави Митровиќ.

Реал Мадрид се вклучил во трката за ѕвездата на Милан, Рафаел Леао. Португалецот се етаблираше во еден од најдобрите млади фудбалери во Европа и беше избран за МВП на сезоната во Серија А.

Скаути на „кралевите“ долго време го следат Португалецот и веруваат дека тој ќе биде новата голема ѕвезда на европскиот фудбал.

Анчелоти верува дека Леао може да игра и како крилен, но и како централен напаѓач на местото на Бензема, па поради тоа сака да го доведе на „Сантиаго Бернабеу“.

Неговиот договор со Милан е до 2024 година во кој има откупна клаузула од 150 милиони евра. Доколку Португалецот не стави потпис на нов договор ќе биде продаден на крајот на сезоната.

Скаутите на Ливерпул внимателно ги следат натпреварите на Мундијалот, па медиумите тврдат дека пронашле зимско засилување за тимот. Имено, Клоп сака да го засили средниот ред во јануари, а му фрлил око на мароканецот Софијан Амрабат.

26-годишниот фудбалер на Фиорентина игра одлично на Мундијалот, а Клоп има потреба токму од таков профил на фудбалер.

Ливерпул нема многу алтернативи во средниот ред, па е во потрага по квалитетен играч за врска.

Амрабат има договор со Фиорентина до јуни 2024 година, а за неговата слобода клубот бара 20 милиони евра.

Италијанските медиуми пренесуваат дека Франк Кеси може да се врати во Серија А и тоа во големиот ривал на Милан. Кеси ова лето го напушти Милан како слободен агент, но не е задоволен од третманот што го има во Барселона каде добива мала минутажа и главно е на клупата за резерви.

Неговиот агент најпрво имал средба со Малдини, но Милан категорично ја затворил вратата за негово враќање на „Сан Сиро“.

„Калчомеркато“ пренесува дека Кеси потоа му се понудил на Интер, кој е заинтересиран да го донесе во своите редови.

Меѓутоа, под два важни услови. Кеси да пристигне на позајмица, а Барселона да плаќа дел од неговата плата која изнесува 6,5 милиони евра по сезона.

Градското обвинителство на Торино подготвило досие за судењето на поранешниот претседател на италијанскиот фудбалски клуб Јувентус Андреа Ањели, како и на други колеги од раководството, пренесува агенцијата АНСА. Вкупно, истрагата за финансиски неправилности и прекршоци во Јуве ќе опфати 11 лица.

Сите тие се под сомнение за прекршување на финансиското управување на најуспешниот италијански клуб. Поточно, истрагата е за фалсификувани документи за трансфери на пари, измама и зголемени суми за купување играчи, вклучувајќи го и потпишувањето на португалскиот напаѓач Кристијано Роналдо, кој играше за Јувентус од 2018 до 2021 година.

Но, тоа не е се, раководството на клубот може да биде обвинето за ширење лажни информации за финансиската состојба на гигантот од Торино, манипулирање на пазарот, давање лажни пријави за приходи за непостоечка активност, попречување на ревизорската контрола и ограничување на влезот на даночните службеници. Од клубот овие обвинувања ги дефинира како неосновани.