Федералниот апелационен суд го прифати барањето на Обвинителството на Италијанската фудбалска федерација за повторно отворање на случајот за капитални добивки во кој е вклучен Јувентус и изрече казна со одземање на 15 бода од контото на „Старата Дама“.

Сега, Јуве ќе може да поднесе жалба против оваа одлука до советот за спортови на Италијанскиот олимписки комитет.

Покрај казната со одземање на 15 бода, федералниот суд денеска изрече и казни за управниот одбор на торинскиот гигант кои беше вклучен во новиот голем скандал со фингирани капителни добивки.

Фабио Паратичи (сега вработен во Тотенхем) е суспендиран на 2,5 години. Довчерашниот прв човек на клубот, Андреа Ањели заедно со Маурицио Аривабене ќе бидат надвор од сите фудбалски активности две години, додека чешката фудбалска легенда Павел Недвед не може да се вклучи во каква било фудбалска активност во период од осум месеци.

Англиските медиуми пренесуваат дека фудбалерот од средниот ред на Манчестер Сити, Илкај Гундоган, одлучил да ја продолжи својата кариера во Барселона.

Германскиот репрезентативец има договор со Манчестер Сити до крајот на сезоната. Според медиумските објави, Гундоган веќе ги договорил личните услови со Барселона каде на лето би пристигнал како слободен играч без обештетување.

32-годишниот Гундоган е член на Манчестер Сити од 2016.година кога пристигна од редовите на Борусија Дортмунд. Тој за Манчестер Сити има одиграно 279 натпревари, и постигнал 51 гол.

Напаѓачот на Челзи, Каи Хаверц летово би можел да се врати во Бундеслигата. Според информациите на „Скај Германија“, Баерн Минхен е подготвен да го купи 23-годишниот фудбалер за 60 милиони евра.

Клубот веќе подолго време ги следи резултатите на поранешниот играч на Баер Леверкузен, од кои се задоволни.

Германскиот интернационалец е најдобар стрелец на лондончани во Премиер лигата со 5 гола. Баерн води во германската елита со 34 бодови, а Челзи е десетти во англиската лига со 28 бодови.

Фудбалерот на англискиот клуб Вулверхемптон, Гонзало Гуедеш, до крајот на сезоната ќе игра како позајмен играч во Бенфика.

Португалскиот напаѓач во Волвс, пристигна изминатото лето од Валенсија. Тој оваа сезона одигра 18 натпревари и постигна два гола.

За 26-годишниот фудбалер ова ќе биде повторно враќање во клубот каде ја започна својата кариера.

Тренерот на Манчестер Сити, Пеп Гвардиола, упати силни критики кон своите фудбалери после победата со 4:2 над Тотенхем, во рамките на Премиер лигата.

Сити својата победа ја стекна после целосен резултатски пресврт, откако гостите од Лондон имаа водство на полувремето од 2:0.

„Ни недостасува храброст, страст, и желба за победа од првата минута. Истата работа е и со нашите навивачи. Ги сакам своите навивачи назад. Во моментот сме далеку од натпреварување на највисоко ниво. Наш нареден противник е Арсенал, чии фудбалери играат со страст и голема желба за победа. Јас во моментов не можам да го препознаам својот тим“, изјавува Гвардиола.

Милан Шкрињар го известил раководството на Интер дека нема да ја прифати понудата на клубот за нов договор и ќе бара продолжение на кариерата во друг клуб.

Од Интер веќе неколку недели чекаат одговор од словачкиот репрезентативец на понудата во која имало годишна плата од 6 милиони евра плус одредени бонуси.

Одбивањето на дефанзивецот значи дека тој ќе замине како слободен играч на лето доколку не биде продаден до крајот на месецот. За него се заинтересирани Пари Сен Жермен, Тотенхем и Челзи, но конкретни преговори не се водат.

Интер пред почетокот на сезоната одби понуда од ПСЖ вредна 60 милиони евра и сега сигурно жалат газдите на италијанскиот гигант. Тогаш клубот беше убеден дека Шкрињар повторно ќе потпише, но двете страни не се договорија за финансиските услови.

Полицијата од Торино пред неколку месеци заплени важни документи од седиштетотo на Јувентус и отвори истрага за работењето на раководството кое поднесе оставка на крајот на месец ноември, а поради финансиските малверзации и прикривањето документи, клубот може да добие и казна во вид на одземање бодови.

Тоа денес официјално го побарал обвинител од страна на Италијанската фудаблска Федерација, односно спорстскиот обвинител Џузепе Чине.

Тој побарал на Јувентус да му бидат одземени девет бодови за скандалот кој изби непосредно пред стартот на Светското првенство, а кој направи да видиме промена на една цела гарнитура во раководните структури на клубот.

Полицијата и обвинителството се уште врши истрага за спорното финансиско работење на клубот во ерата на Андреа Ањели, за кого обвинителот Чине бара суспензија од 16 месеци.

Фудбалерот  од средниот ред на Манчестер Сити, Илкај Гундоган, на крајот на сезонава ќе го напушти англискиот состав и ќе се пресели во редовите на Барселона.

Репрезентативецот на Германија на 30 јуни ќе биде слободен играч и ќе замине на Пиринеите. Веста ја потврдија повеќе медиуми во Шпанија.  

32-годишниот играч  кој беше купен во 2016 година од Борусија Дортмунд,  досега одигра  278 меча за „граѓаните“.

Фудбалерот на Наполи, Квича Кварацкелија, може да го пропушти викенд натпреварот против Салернитана во ракмките на Серија А.

21-годишниот Грузиец е болен од грип и не се појави на денешниот тренинг на тимот. Доколку искусниот играч не се опорави, на неговото место ќе игра нашиот, Елиф Елмас.

Кварацелија покажува брилијантна форма со 9 голови и 12 додавања од почетокот на сезоната. Тој во вторникот ја пропушти средбата против Кремонезе во рамките на Купот.

Дани Алвес утрово бил yaпсен и ќе биде изнесен пред судија кој ќе одлучува дали Бразилецот ќе оди зад решетки или ќе се брани на слобода. Проблемите за Алвес започнаа минатата година откако една девојка го обвини за ceкcyален напад минатата година во ноќен клуб во Барселона.

Според исказот на девојката фудбалерот ја ставил раката во нејзината долна облека. Медиумите во Шпанија пренесуваат дека Алвес утрово дал своја изјава во полициската станица, а потоа бил yaпсен.

Засега не е се најавува каков би можел да биде исходот и одлуката на судијата.