После Палермо уште еден клуб од Сицилија прогласи банкрот. Палермо тоа го направи пред две години, а сега Катанија беше принудена поради лошата финансиска ситуација да прогласи банкрот.

Стариот Палермо престана да постои, сменето беше името, грбот и клубот доби нов регистарски број, па започна се одново од Серија Д.

До крајот на сезоната Катанија ќе ја водат тројца стечајни уиправници, а доколку во тој период се најде заинтересиран купувач Катанија ќе може да го задржи името и грбот. Во Серија А Катанија помина цели 2017 година, последен пат испадна во 2014 година.

Пред пандемијата клубот имаше долг околу четири милиони евра, за сега тој да достигне околу 15 милиони евра. Во минатото дресот на Катанија го носеа фудбалери како Макси Гомез, Папу Гомез, Никола Легротаље, Моримото…

Кингсли Коман наскоро може да го обнови договорот со клубот од Минхен, објавија медиумите во Германија.

Според истите, преговорите меѓу двете страни се во напредна фаза. Новиот договор се очекува да биде склучен во првите месеци од 2022 година. Актуелниот договор на Коман со Баерн Минхен е до летото 2023 година.

Да потсетиме дека Коман се пресели во Баерн Минхен од Јувентус во 2017 година за 17 милиони евра. Оваа сезона 25-годишниот француски фудбалер учествуваше на 10 натпревари во германското првенство и постигна 4 гола. Од 2015 година, Коман е дел од француската репрезентација. Баерн е лидер со 43 бода од 17 натпревари на табелата во Бундеслигата.

Миралем Пјаниќ во јануари ќе го напушти Бешикташ.

Во Бешикташ Чави е како позајмен фудбалер од Барселона, но не е јасно колку Барселона планира на босанскиот репрезентативец. Сега италијанските медиуми објавија информација дека Пјаниќ би можел се врати во Италија каде што го носеше дресот на Рома и Јувентус.

Наводно, Џенова која од клупата ја води Андреј Шевченко ја следи ситуацијата со Пјаниќ. Џенова ја чека борба за опстанок до крајот на сезоната, а Шевченко би сакал да го има Пјаниќ на располагање.

Така Пјаниќ и би му се придружил на Горан Пандев. Сезонава во редовите на Бешикташ, Пјаниќ одигра 13 натпревари и запиша четири асистенции.

Тренерот на Реал Мадрид, Карло Анчелоти упати пофални зборови до Карим Бензема по победата од 2:1 над Атлетико Билбао во 21. коло од Ла Лига.

Францускиот напаѓач одигра одлична партија и ги постигна двата гола за својот клуб.

Со овој успех, екипата на Реал Мадрид се наоѓа на врвот од првенствената табела со освоени 46 бода, 8 повеќе од второпласираната Севиља.

„Оваа победа многу ни значи. Кога водиш со само еден гол разлика, треба да си трпелив до последната минута. Бензема е одличен напаѓач, одличен капитен, одличен играч, одличен човек, тој е многу силен но и скромен. Ова беше многу важна победа над силен противник.Ги освоивме трите бода кои можат да бидат многу важни. Сега можеме да се одмориме и да ги чекаме играчите кои недостигаа денес“, изјави Анчелоти.

Фудбалерите на Атлетико Мадрид загубија од екипата на Гранада со резулат 2:1 во рамките на 9.коло од Ла Лига и најверојатно ги загубија сите надежи за одбрана на титулата.

Екипата која ја предводи Диего Симеоне запиша четврт последователен пораз и сега заостанува цели 14 бода од првопласираниот Реал Мадрид.

Популарните „Јорганџии“ следното коло го пречекуваат најголемото изненадување во досегашниот дел од првенството, Рајо Ваљекано.

Јирген Клоп изрази незадоволство од збиената програма на Премиер лигата и го повика раководството на шампионатот да интервенира.

„Црвените“ на 26 декември ќе му гостува на Лидс во натпревар од 19. коло а два дена потоа ќе одат кај Лестер на меч од 20. коло. Клоп вели дека е дојдено време да се преземат соодветни мерки.

„Верувам дека треба да бидеме внимателни со планирањето на средбите. Немаме време за опоравување и подготовка за играчите, тоа е клучно. Мислам дека не е правилно да се инсистира тимовите да играат на секои два дена во тековнава ситуација со ковид-19“,  нагласи Клоп.

Непосредно после дознавањето на полуфиналистите, одржана е ждрепката на која се извлечени ривалите кои ќе се борат за пласман во финалето на англискиот Лига куп.

Ждрепката одлучи во полуфиналето да се сретнат Арсенал со Ливерпул и Челзи против Тотенхем.

Првите натпревари ќе се играат на трети јануари, додека реваншите седум дена подоцна.

Арсенал до полуфиналето стигна со победа над Сандерленд со 5:1, Ливерпул беше подобар од Лестер после изведување на пенали 5:4, регуларниот дел заврши 3:3, Екипата на Челзи го совлада Брентфорд со 2:0, додека Тотенхем победи на Вест Хем со 2:1.

Играчот од средниот ред на Бешикташ, Миралем Пјаниќ се чини дека ќе остане во турскиот тим до завршетокот на сезоната.

Репрезентативецот на Босна и Херцеговина за Бешикташ настапува како позајмен играч на Барселона, и затоа се појавија информации дека е можно негово враќање на „Камп Н оу“ во јануари. Меѓутоа играчот е задоволен од условите во Бешикташ и планира таму да ја одигра целата сезона.

„Пред да дојдам овде слушнав многу за турските навивачи. Сум играл на многу големи стадиони и пред голем број на публика, но да се игра за Бешикташ е посебно. Јас сум тука за да успеам и се надевам дека ќе можеме да ја возвратиме љубовта на навивачите“, изјави Пјаниќ.

Оваа сезона Пјаниќ настапи на 10 натпревари за Бешикташ во турскиот шампионат.

Англиските медиуми пренесуваат дека Ливерпул будно ја следи ситуацијата со статусот на Филипе Кутињо во Барселона и дека веќе оствариле првични разговори околу негово враќање на „Енфилд“.

29-годишниот Бразилец, претходно мина скоро пет сезони во дресот на Ливерпул пред да замине во Барселона за рекорден трансфер од 142 милиони фунти. По неговото пристигнување во каталонскиот гигант, тој со своите игри не успеа да се наметне како вистински избор за првиот тим и не доби шанса за поправка на впечатокот.

Од Барселона имаа сериозни намери да се ослободат од Кутињо со што ќе ги намалат трошоците кои ги издвојуваат за неговата висока плата.

Освен од Ливерпул, интерес за играчот покажуваат и екипите на Њукасл и Тотенхем.

Њукасл не успеа да го убеди француски Лион да му го продаде 24-годишниот бразилски офанзивен играч за врска, Лукас Пакета. Според извори од клубот, Њукасл понудил 40 милиони евра за играчот, а самиот играч добил договор со плата од 10 милиони евра годишно, за разлика од неговата сегашната плата од 5 милиони евра. Сепак, оваа понуда не го заинтересирала Бразилецот.

Во исто време, Лион не ја крие желбата да добие повисока понуда и затоа ќе почека до летниот трансфер период која Пакета веројатно повторно ќе биде на мета на големите европски тимови.