Најдобриот аргентински фудбалер, Лионел Меси, ја одби понудата од саудискиот клуб Ал Хилал во износ од 300 милиони евра за трансфер во овај тим.

Раководството на Ал Хилал претходно потврди дека оствари контакт со Меси и дека му ја презентирале понудата и желбата за негов ангажман.

Меѓутоа според информациите од медиумите, за Меси бил поважен спортскиот предизвик и настапот во елитниот европски фудбал, отколку да стане најплатен фудбалер и спортист на сите времиња. 

Најверојатно Меси ќе го продолжи договорот со неговиот актуелен клуб Париз Сен Жермен на дополнителна сезона или две, и се очекува неговата годишна плата да се зголеми од 30 на 40 милиони евра.

Предводникот на Барселона, Чави, ја коментираше победата во финалето на шпанскиот Суперкуп над Реал Мадрид (3-1) со која дојде до својот прв трофеј на клупата на Каталонците.

„Мојот прв трофеј со Барселона? Среќен сум. Имам чувство на душевен мир. Морам да продолжам да му помагам на тимот да освојува трофеи, да ја водам Барселона до нив. Ако победивме во финалето против Реал Мадрид, можеме да го направиме тоа против секого. Задоволен сум. Се надевам дека овој трофеј нема да биде и последен“, вели Чави.

Барселона на Чави ги задржува шансите да освои уште три трофеи оваа сезона. Каталонците продолжуваат да се борат за Копа дел Реј и Лигата на Европа, а воедно претендираат и за титулата во Ла Лига.

Францускиот фудбалер Жоржињо Рутер е нов играч на англискиот клуб Лидс Јунајтед. Договорот меѓу Рутер и Лидс е потпишан на пет и пол години, и англиските медиуми пренесуваат дека трансферот изнесува 40 милиони фунти, износ кој е рекорден за овај премиерлигаш.

Рутер пристигна во Лидс од тимот на Хофенхајм, каде сезонава на 17 настапи постигна два гола и три асистенции.

Претходно Рутер има настапувано за Севиља, а својата кариера ја започна во францускиот клуб Рен. 

Челзи денес и официјално го потврди трансферот на Микаило Мудрик за кого „сините“ ќе платат 100 милиони евра.

Ова лето клубот од „Стенфорд Бриџ“ доби нов сопствник, Тод Боели, кој до сега потроши скоро половина милијарда евра.

Во летото пристигнаа Весли Фофана од Лестер за 80,4 милиони евра, Марко Кукурела од Брајтон за 65,3 милиони евра и Рахим Стерлинг од Манчестер Сити за 56,2 милиони евра. Потоа Кулибали за 38 милиони евра, 18 милиони евра биле исплатени на Карни Чуквуемека од Астон Вила, 12 милиони евра на Барселона за Пјер-Емерик Обамејанг, а Чикаго Фајр доби 9,09 милиони евра за голманот Габриел Слонина.

Во овој преоден рок на „Стенфорд Бриџ“ веќе пристигнаа Беноа Бадијашиле од Монако за 38 милиони евра, на Молде му беа платени 12 милиони евра за Давид Датро Фофана, а сега Мудрик пристигна во сензационален трансфер за 100 милиони евра.

Ливерпул беше комплетно без идеја на гостувањето кај Брајтон и
претрпе тежок пораз од 3:0, кој според Јирген Клоп е најлошиот
кој го претрпел откако е член на тимот од „Енфилд Роуд“.
Германскиот стручњак не можеше да издвои ниту една светла
точка во неговиот тим по уверливиот пораз и катастрофалното
издание, посочувајќи го овој меч како најлош во неговата кариера
во Ливерпул.
Клоп имаше доволно доблест да замине на гостинската трибина
по срамното издание и со јасни гестикулации им се извинуваше
на навивачите на Ливерпул, кои оваа сезона доживуваат доста
разочарувања од своите миленици.
„Екстремно сум фрустриран и разочаран. Честитки до Брајтон,
одиграа супер меч против навистина лош ривал. Бевме толку
многу лоши денеска, едноставно не ми текнува на ниту една
добра фаза и период во мечот. Пробав да им помогнам на
момците со менување на формацијата, но ништо не одеше како
што треба. Јас сум одговорен за ова, но целосно бевме на
погрешна нога. На моменти беше прелесно за Брајтон, ние бевме
комплетно надвор од позициите на кои треба да бидеме, бевме
комплетно неорганизирани. Нема да ни биде тешко да бидеме
полоши од ова. Не може да ми текне на полош натпревар од ова
откако сум во Ливерпул,“, изјави Клоп.

Петр Чех се раздели со Челси откако за нов газда на клубот беше
назначен Тод Боли, а сега како човек без работни обврски во
Премиер лигата, го привлече вниманието својот коментар за
денешното дерби.
Новото коло во Премиер лигата беше отворено со дербито во
Манчестер меѓу Јунајтед и Сити, на кое видовме и еден
контроверзен момент кој ги подели фудбалските фанови.
Иако Маркус Рашфорд беше во очигледен офсајд, судиите
проценија дека тој немал влијание во акцијата која заврши со гол
на Бруно, па додека играчите на Сити се жалеа, оние на Јунајтед
бурно го прославија израмнување.

До крајот, домашниот тим направи целосен пресврт и победи со
2:1, но повеќе од јасно е дека клучен момент беше признатиот гол
на Португалецот, за кој забелешки има Петр Чех.
„Првиот гол на Јунајтед само докажа дека луѓето кои ги прават
правилата не ја разбираат оваа игра“, порача Чех.

Аугсбург на интересен начин денес го претстави младиот
хрватски репрезентативец Дион Белјо.
Бејло направи трансфер од Осијек во Аугузбург, а германскиот
клуб сакаше да покаже дека знае нешто за овие простори па така
го пречека со балканска храна.
Во чест на неговото доаѓање беше објавено дека на менито има
ѓувеч со ориз, ражнички, ќебапчиња и кремпита.

Меѓународната фудбалска организација (ФИФА) отвори истрага
против Хрватскиот фудбалски сојуз за случувањата на
натпреварот за трето место на Светското првенство против
Мароко, пренесува Агенцијата Франс Прес (АФП).
АФП наведува дека ФИФА отворила постапка поради можно
кршење на членовите 13 и 16 поради дисциплинскиот кодекс, а
тие се однесуваат на дискриминација, односно ред и сигурност на
натпреварите.
ФИФА во своето официјално соопштение не наведува детали за
постапката, но се споменува видео снимка која се појавила на
дрштвените каде што хрватските фудбалери го слават третото
место со песни со националистичка содржина. Еден од играчите

кои се појавува на видео снимката е Дејан Ловрен кој за АФП
изјави дека станува збор за песни со кои искажуваат љубов кон
својата татковина и не навредуваат никого.

Maроканецот Азедин Унахи кој играше одлично на Светското
првенство во Катар до крајот на сезоната би можел да се пресели
во Англија во редовите на Лидс.
Италијанскиот експерт за трансфери, Фабрицио Романо објави
дека Лидс започнал преговори со Анже за ангажман на Унахи.
Според најавите Лидс во овој момент е фаворит за неговиот
потпис најмногу поради финансиската моќ кој ја имаат англиските
клубови. Унахи претходно се поврзуваше со Наполи, но понудата
на Италијанците од 15 милиони евра не беше доволно.
Исто така се шпекулираше и за ПСЖ, меѓутоа набрзо пристигна
потврда од Париз дека не се заинтересирани во овој момент да го
доведат.

Немања Видиќ ќе влезе во трката за претседател на Фудбалскиот
сојуз на Србија.
Поранешниот фудбалер на Манчестер Јунајтед изразил желба да
го преземе раководењето со срспкиот фудбал.
Еден од клучните моменти во одлуката на Видиќ била
вчерашната посета на претседателот на Александар Чеферин во
Белград.
Наводно, Чеферин имал позитивен став за најавеното
кандидирање на Видиќ за претседател на ФСС. Функцијата
претседател на српскиот фудбал во овој момент ја изавршува
Ненад Бејковиќ како привремено решение. Претходно како прв
кандидат медиумите во Србија го споменуваа Бранислав
Недимовиќ, меѓутоа сега веројатно Видиќ доаѓа во прв план.