Фудбалскиот клуб Барселона упати официјална понуда до екипата на Вулверхемптон за ангажман на Адама Траоре, и таа ќе биде прифатена.

Предлогот на Каталонците е шпанското репрезентативно крило, да пристигне на Камп Ноу како позајмен играч до крајот на сезоната, но со опција за целосен откуп ова лето за 35 милиони евра.

Иако понуда за Траоре испрати и лондонски Тотенхем, сепак играчот посакува да се врати во Барселона каде и започна со професионалното играње на фудбал преку академијата Ла Масиа.

Преселбата на 26-годишниот фудбалер во редовите на Барселона се очекува да се реализира но наредниве неколку дена.

Германскиот фудбалски сојуз (ДФБ) го суспендираше поранешниот тренер на Вердер, Маркус Анфанг на една година, откако беше откриено дека користел лажен сертификат за коронавирус.

Во ноември минатата година беше откриено дека Анфанг и неговиот помошник Флоријан Јунге користеле фалсификуван сертификат за вакцинација. Кога аферата избувна во јавноста, Анфанг и Јунге поднесоа оставки, а ДФБ започна истрага.

Дисциплинското тело на ДФБ го суспендираше Анфанг до 20 октомври годинава, а тој мора да плати казна од 20.000 евра, соопштија од фудбалскиот сојуз.

Казнет е и неговиот помошник. Тој е осуден на десетмесечна суспензија и парична казна од 3.000 евра.

Раководството на англиската Премиер лига одлучи дека во иднина ќе се одложуваат натпреварите само доколку има четири потврдени позитивни тестови за коронавирус, пренесува англискиот весник „Дејли мејл“.

Според изданието, новите правила ќе стапат на сила во февруари, а 18 од 20-те клубови ги поддржале промените. Според сегашните правила, одложувањето се заснова на бројот на играчи кои се достапни за игра.

Македонскиот фудбалски репрезентативец Ѓоко Зајков се сели во Украина. Украинскиот прволигаш Ворскла синоќа го објави потпишувањето на договор со дефанзивецот на нашата селекција.

Договорот кој Зајков го потпиша со Ворскла е во период од две и пол години.

Претходно Зајков го носеше дресот на Левски, со кој постигна спогодбен раскин на договорот.

Италијанскиот весник Газета дело Спорт пренесува дека Наполи е подготвен за продажба на напаѓачот Виктор Осимен и дека цената за негов ангажман би изнесувала 70 милиони евра.

22-годишниот Нигериец пристигна во италијанскиот клуб во 2020 година од францускиот Лил и стана најскапиот африкански фудбалер.

За напаѓот интерес покажуваат неколку европски клубови, но високата цена која ја одреди Наполи може да стане пречка за негов трансфер.

Осимен оваа сезона поради повреда беше приморан да пропушти голем број на натпревари, па така тој настапи на само 11 натпревари во Серија А и успеа да постигне 5 гола.

Екипата на Баерн Минхен е многу блиску до доведување на германскиот репрезентативец Матијас Гинтер.

28-годишниот дефанзивец се очекува да пристигне во Минхен ова лето како слободен играч. Гинтер во моментов настапува за тимот на Борусија Менхенгладбах но веќе најави дека нема намера да го продолжи договорот со овој клуб по завршувањето на сезоната.

Најтрофејниот германски клуб, на Матијас Гинтер му понуди договор со важност до 2026 година и плата од 10 милиони евра.

Се очекува Гинтер да го замени Никлас Зуле, кој на крајот од сезоната ќе го напушти Баерн.

Роналд Араухо има валиден договор со Барселона до летото следната година, а шпанските гиганти имаат намера да го задржат и да одолеат на интересот на клубовите кои би го земале кај себе. Затоа му било понудено продолжување на соработката, но 22-годишниот стопер ја одбил понудата.

Разговорите меѓу Барселона и агентот на уругвајскиот дефанзивец се одржаа минатата недела и завршија со понуда на клубот. Араухо категорично го отфрлил, наведува „Марка“, додавајќи дека преговорите се одвивале во пријателски тон и дека нема сомнеж дека тие ќе продолжат.

Сепак, потегот на Араухо ги алармираше Манчестер Јунајтед и Челси, кои би можеле да се обидат да го убедат да истрае во сегашната одлука да не потпише. Се додава дека Араухо нема намера да го напушти „Камп Ноу“, туку само да го добие договорот што мисли дека го заслужува.

Арон Рамзи ги одби понудите на Кристал Палас, Њукасл и Барнли. Велшкиот репрезентативец има договор со Јувентус до летото во 2023 година и нема намера да си замине од тимот.

Тоа ги налути шефовите на „старата дама“ кои најверојатно ќе го префрлат во младинската екипа.

Поранешниот играч на Арсенал во 2019 година се пресели во Торино и стана еден од најплатените. Тој има одиграно 70 мечеви и постигнато шест голови.

Напаѓачот Лука Јовиќ нема да може да го напушти Реал Мадрид оваа зима.

Мадриѓаните се во тешка ситуација поради тоа што се повредени напаѓачите Карим Бензема и Маријано Дијаз. Иако закрепнувањето на двајцата играчи нема да одземе многу време, натпреварите кои ќе се играат во овој сегмент можеби ќе бидат клучни за Реал, па во клубот стравуваат од дополнително слабеење на напаѓачката линија.

Интерес за Јовиќ покажа Арсенал, но официјална понуда за трансфер на Србинот не беше дадена, а Реал Мадрид сега не е заинтересиран за договор. Јовиќ оваа сезона одигра 11 натпревари во Ла Лига и постигна еден гол.

Според пишувањата на познатиот спортски новинар од Италија, Танкреди Палмери, раководството на Ливерпул стапило во контакт со играчот на Јувентус, Пауло Дибала.

Новинарот известува дека англискиот клуб одржал прелиминарни разговори со 28-годишниот Аргентинец, со цел да се запознаат со неговиот статус во Јувентус и плановите за неговата натамошна кариера.

Од Јувентус претходно му понудија нов договор на Дибала, но двете страни не постигнаа согласност околу висината на финансиските примања. Аргентинскиот напаѓач за шест месеци ќе биде слободен играч и може да се пресели во друг клуб без обештетување.

Дибала оваа сезона одигра 23 натпревари за Јувентус во сите натпреварувања, постигнувајќи 11 голови и 4 асистенции.