Италијанскиот тренер Стефано Пиоли го продолжи договорот со Милан до 2025.година.

Пиоли е тренер на Милан од 2019.година, и минатата сезона успеа да ја освои шампионската титула во серија А, што е прво Скудето за росонерите после 11 години.

Милан има изгледни шанси да се пласира во нокаут фазата од Лигата на шампиони, за прв пат од сезоната 2013/14. За ова на миланезите му е потребен само бод против екипата на Салцбург на натпреварот кој се игра во Милано.

Пол Погба сигурно нема да игра на Светското првенство во Катар. Погба започна да тренира со првиот тим на Јувентус, но веднаш повторно се повредил. Во прашање сега е повреда на бутниот мускул поради која ќе отсуствува десетина дена што значи дека ќе има само две недели да се спреми за Мундијалот и тешко е да се верува дека во таква ситуација ќе заигра за Франција.

Од претходно е познато дека повредата на метатаразлната коска Погба нема да игра до 2023 година за Јувентус, меѓутоа се надеваше дека ќе се опорави пред Светското првенство, меѓутоа како што стојат работите тоа нема да биде случај.

Италијанскиот клуб Интер денес соопшти дека напаѓачот Ромелу Лукаку повторно се повреди. Тој заработи нова повреда на мускулот поради што ќе треба да се направат дополнителни прегледи во текот на наредните неколку денови.

Репрезентативецот на Белгија штотуку се врати во тимот после два месеци отсуство, но сега повторно се соочува со нова пауза.

Екипата на Интер веќе обезбеди пласман во осминафиналето од Лигата на шампионите, а Лукаку нема да може да настапи на дуелот со Баерн во Минхен.

Фудбалерот на Реал Мадрид и репрезентативец на Бразил, Винициус Жуниор, изјавува дека селекцијата на Франција е прв фаворит за шампион на Мундијалот во Катар.

„Ова ќе биде посебно Светско Првенство за мене и за сите оние кои се надеваат Бразил да оствари добар резултат во Катар. После подолг период мислам дека имаме многу јак тим кој ќе се бори за насловот. Најдобра репрезентација и фаворит е секогаш онај тим кој го освоил последниот Мундијал. Мислам дека Франција во моментот е најдобра селекција, но се надевам и мислам дека Бразил ќе биде главниот конкурент на Франција за освојување на титулата“,порачува Винициус.

Њукасл Јунајтед наводно конечно е спремен да потроши голема сума за еден трансфер, а како што пишуваат италијанските медиуми, нивна цел во летото следната година е аргентинскиот напаѓач на Интер Лаутаро Мартинез.

Њукасл Јунајтед стана најбогатиот тим на светот откако минатата година беше преземен од конзорциум од Саудиска Арабија, а тимот полека се движи кон врвот на англискиот фудбал.

„Страчките“ веќе донесоа неколку познати имиња. Најмногу пари одвоија за шведскиот напаѓач Александар Исак, дури 70 милиони евра, а следниот трансфер може да ги сруши сите рекорди. Италијанските медиуми тврдат дека на мета на англискиот клуб е аргентинскиот напаѓач Лаутаро Мартинез и дека тимот од „Ст. Џејмс Парк“ прави се за да го доведе во своите редови.

Селекторот на Белгија, Роберто Мартинез, верува во квалитетите на Еден Азар и е убеден дека крилниот напаѓач може многу да им помогне на „црвените ѓаволи“ на претстојното Светско првенство во Катар.

„Последните две години беа предизвик за Азар. Тој имаше болки на ЕП, но во неколку наврати успеа да и помогне на тимот. Мислам на тие 60 минути против Португалија. Не треба да го потценуваме она што може да го направи кога е здрав и фит“, изјави Мартинез.

31-годишниот играч сè уште може да настапи на четири натпревари за „кралевите“ пред почетокот на Светското првенство и ќе се надева дека тоа ќе биде во добра форма за почетокот на големиот форум.

Атлетико Мадрид ова лето одбил понуда од Баерн Минхен тешка 100 милиони евра за Жоао Феликс.

Феликс пристигна во Атлетико во 2019 година за рекордни 120 милиони евра, но никогаш во целост не ги оправда очекувањата.

Ова лето Симеоне ја одбил богата понуда бидејќи верува во Португалецот и смета дека е еден од клучните фудбалери во тимот. Меѓутоа, оваа сезона не почна добро за Феликс, кој често е на клупата за резерви, па сака во јануари да ја промени средината.

Дефанзивецот на Специја, Јакуб Кифор игра одлично и го привлече вниманието на Милан и Јувентус.

22-годишниот Кифор минатата сезона се етаблираше во еден од најдобрите млади дефанзивци во Серија А и покажа дека е огромен потенцијал. Тој го привлече вниманието на многу европски клубови, а најсилен интерес за него покажуваат Милан и Јувентус.

Според медиумите „росонерите“ се во пол-позиција за полскиот дефанзивец, но Јувентус исто така работи на трансферот.

Специја за слободата на Кифор бара 30 милиони евра, па останува да видиме кој ќе ја добие битката за неговиот потпис.

Шпанските медиуми пренесуваат дека фудбалскиот клуб Барселона е заинтересиран за доведување на играчот на Њукасл и бразилски репрезентативец, Бруно Гимараеш.

Според плановите на каталонскиот клуб, Гимараеш би можел да биде замената за Серхио Бускетс кој на крајот од сезоната ќе го напушти тимот.

Бразилскиот фудбалер е член на Њукасл од јануари 2022 година кога за 40 милиони фунти пристигна од Лион. Гимараеш досега во црно-белиот дрес одигра 27 натпревари и постигна седум голови и три асистенции.

Тренерот на фудбалерите на Лацио, Маурицио Сари, не крие дека е крајно изнервиран поради жолтиот картон кој го доби Милинковиќ-Савиќ на вечрашниот меч со Салернитана. Србинот ќе мора да го прескокне големо градско дерби против Рома.

„Имавме контрола на мечот се до израмнувачкиот гол. Тогаш го загубивме целиот наш баланс. Тоа на Милинковиќ Савиќ не беше ниту фаул. Во 50 години фудбал никогаш не сум видел таков жолт картон да добие тимот кој напаѓа“, вели Сари.