До крајот на летниот трансфер период останаа уште неколку дена, а доколку истиот заврши уште денеска, сигурно ќе биде еден од најспектакуларните во историјата.

Лионел Меси и Кристијано Роналдо ги променија клубовите, а скоро сите големи европски клубови направија големи трансфери и доведоа ѕвезди. Апсолутен „победник“ на трансфер периодот е ПСЖ кој за 76 милиони евра доведе „половина“ екипа. Ашраф Хакими, Данило Переира, Џини Вајналдум, Серхио Рамос, Џанлуиџи Донарума и Лионел Меси се нови играчи на ПСЖ.

Манчестер Јунајтед потроши скоро 150 милиони евра и доведе играчи со кои ќе конкурира за високи цели. Џејдон Санчо, Рафаел Варан и Кристијано Роналдо сезонава го облекуваат дресот на „црвените ѓаволи“.

И додека конкурентите направија одлични трансфери летово, најмногу потроши Арсенал, иако неговите играчи не се ни блиску до квалитетите на оние кои ги доведоа останатите клубови. Микел Артета потроши 147,5 милиони евра, за дури 58,5 милиони го доведе дефанзивецот на Брајтон Бен Вајт. Мартин Одегард е доведен за 35 милиони евра, а за 28 милиони голманот на Шефилд, Арон Ремсдејл. Од Андерлехт пристигна Алберт Самби Локонга за 17,5 милиони, а Нуно Тавареш од Бенфика за 8 милиони евра.

Кристијано Роналдо е нов играч на Манчестер Јунајтед, Португалецот тајно преговарал со месеци со својот поранешен клуб, тврди таблоидот од Англија „Сан“.

Според „Сан“, Роналдо месеци наназад бил во интензивни преговори со својот поранешен клуб, процените на таблоидот се дека Португалецот со враќањето во Јунајтед и финансиски ќе пројде добро, ќе заработи околу 50 милиони фунти.

Роналдо во договорот на две години со Јунајтед има загарантирана заработувачка од 480.000 фунти неделно, тоа значи 25 милиони годишно или за две години вкупно 50 милиони фунти.

Се е подготвено за големото враќање на Кристијано Роналдо во Манчестер Јунајтед и сите неизвесности се минато, но не и онаа во врска со бројот на дресот.

Португалецот се прослави носејќи ја седумката на грбот, број кој некогаш беше во сопственост на легендарните Џорџ Бест, Ерик Кантона и Дејвид Бекам.

Сега е во рацете на Единсон Кавани, а доколку Уругваецот не попушти како Нејмар при доаѓањето на Меси во ПСЖ, Роналдо ќе мора да го промени бројот на дресот поради кој е препознатлив како КР7.

Друга солуција е да ја земе деветката која ја носеше во Реал Мадрид, но и таа е зафатена и ја носи Антони Марсија.

Доколку е утеха, бројот 28 кој го носеше во Спортинг е слободен, но јасно е дека Португалецот веќе одамна го има „надраснато“.

За потсетување, Меси претходно остана без „десетката“ во ПСЖ, од која не сакаше да се откаже Нејмар, па мораше да се задоволи со бројот 30.

Талентираниот фудбалер Илаиш Мориба е на пат да го засили Тотенхем, кој му подготви четиригодишен договор, пренесува каталонски „Спорт“.

Според истиот извор, овој фудбалер треба да го комплетира трансферот во Лондон од Барселона, вреден 15 милиони евра.

До последен час Тотенхем беше во трка со РБ Лајпциг за талентираниот играч од средината на теренот, кој не е во плановите на Роналд Куман сезонава.

Мориба е дете на Барселона, минатата сезона дебитираше за првиот тим собирајќи 18 настапи во сите натпреварувања.

Пред само осум дена на тема Мориба говореше Куман, кој не го криеше разочарувањето што овој фудбалер не ја прифати понудата на клубот, незадоволен од финансиските услови.

Според пишувањата на англиските медиуми, Челзи пронајде заеднички јазик со Андреас Кристенсен.

Дефанзивецот кој има 25 години и преговараше со Челзи во изминатите два месеци бидејќи влезе во последната година на договорот, сега конечно дојде до договор кој наскоро ќе биде официјализиран.

Со новиот договор, кој ќе важи во наредните четири години, Кристенсен во Челзи ќе помине вкупно двоцифрен број на години.

Данецот беше еден од клучните играчи на Челзи во борбата за Лигата на шампионите минатата сезона.

Еден од главните актери во летната трансфер сага е францускиот напаѓач Килијан Мбапе. Реал Мадрид е најголем и единствен конкурент на ПСЖ за младиот фудбалер, пред неколку дена испрати официјална понуда од 160 милиони евра, која беше одбиена. Спортскиот директор Леонардо упати прилично навредливи зборови на сметка на мадридскиот клуб, сметајќи ја нивната првична понуда за „навредлива“.

Следеше онаа од 170+10 милиони евра, а клубот од Париз се уште не се огласил во врска со истата.

На Флорентино Перез се чини дека му е доста од чекање, па одлучи да преземе иницијатива и да испрати ултиматум до францускиот клуб. Имено, како што јавуваат француските медиуми, Реал порача дека доколку не дојде до договор во текот на викендот, тие ќе се повлечат од преговорите.

Фудбалскиот состав, Манчестер Јунајтед, објави дека младиот играч за врска Скот МекТоминеј, имал операција на препоните.

„Откако не го решивме проблемот со алтернативни третмани, операцијата се покажа како задолжителна. Се надеваме дека ќе се врати брзо“, гласи објавата на Јунајтед.

МекТоминеј нема да игра на викенд-мечот со Вулверхемптон во Премиер лигата и нема да настапи за Шкотска во септемвриските квалификации.

Бразилецот Касемиро е последниот во низата фудбалери кои ја продолжија соработката со Реал Мадрид.

Пред Касемиро тоа го направија Куртоа, Вазкез, Бензема, Начо Фернандес, Карвахал, Модриќ и Валверде. Бразилецот со новиот договор се обврза на соработка до 2025 година, претходниот договор му истекуваше во 2023.

Ако го испочитува договорот до крај тој ќе остане во Реал до свои 35 години.

Во редовите на Реал Мадрид Касемиро дојде во 2013 година од Сао Паоло.

Спортскиот директор на ПСЖ, Леонардо, експресно најде замена за Килијан Мбапе кој е на излезната врата од – „Паркот на принцовите“.

Откако доцна синоќа – „Марка“ објави дека „светците“ ја прифатиле понудата на Реал Мадрид од 180 милиони евра и дека младиот голгетер ќе замине во Шпанија, медиумите денеска открија дека ПСЖ започнал преговори со играчот на Евертон, Ришарлисон.

Наводно, неговите менаџери пристигнале во Париз да ги договорат деталите иако последниот збор ќе го имаат популарните „карамели“. Бразилецот во текот на летово имаше одлични настапи на Копа Америка а веднаш потоа се израдува и на златниот медал на Игрите во Токио.

Екипата на Волфсбург службено е елиминирана од фудбалскиот Куп на Германија бидејќи направи шест замени или една повеќе од дозволеното на мечот со нисколигашот Минстер во првото елиминациско коло.

Популарните „волци“ победија со 3-1 во продолженијата, но, направиле грешка што не ја забележале ниту официјалните лица на мечот. Одлуката за дисквалификација доаѓа по жалбата на Минстер кој сега ќе има можност да се појави во второто елиминациско коло.

Интересно е што Волфсбург и во минатото ја доживела истата судбина откако пушти во игра фудбалер кој морал да паузира поради претходно заработен црвен картон.