Милан е силно заинтересиран за играчот на Атлетико Мадрид и аргентински репрезентативец, Рдриго де Пол.

„Росинерите“ на лето сакаат да го засилат средниот ред со врвен играч за врска, а Де Пол е на врвот на листата желби. Де Паул беше светски шампион со Аргентина, но не е среќен во Атлетико и е спремен да ја промени средината.

Атлетико исто така е спремен да слушне понуди, а Милан веќе почнал преговори со неговиот агент.

За него интерес покажуваат и клубовите од Саудиска Арабија, но Аргентицот сака да остане во Европа и е спремен да се врати во Серија А, каде ја доживеа својата афирмација.

Претседателот на Реал Мадрид, Флорентино Перез, побарал средба со крилниот напаѓач на Манчестер Јунајтед, Алехандро Гарначо и неговите претставници, пренесуваат медиумите на Островот.

 „Дејли Мејл“ пишува дека Перез е подготвен да ја искористи истата тактика која ја применил за ангажман на Кристијано Роналдо.

Гарначо оваа сезона има одлични настапи под водство на тренерот Ерик Тен Хаг и досега постигна седум голови и четири асистенции во 38 настапи сезонава.

Талентираниот Гарначо потпиша за „ѓаволите“ во 2020 година за 420.000 фунти од Атлетико Мадрид, а засега не е познато колку пари е подготвен да плати Реал Мадрид за неговиот потпис.

Обвинителството во Милано кое го истражува трансферот на акциите од старите на новите сопственици на Милан ги испрати документите до Италијанската федерација. Станува збор за дел од истражното досие, на приближно 12 страници, а сега може да започне истрагата за евентуалното прекршување на правилата за трансфер на сопственост што Милан ќе го стави во ситуација да плати или парична казна или да биде казнет со одземање бодови.

Обвинителството предвидува максимално време од шеесет дена за истраги, со можност за две продолжувања, што значи дека федералната истрага мора да биде затворена во рок од четири месеци.

Тотенхем е сериозно заинтересиран за потписот на дефанзивецот на Вест Хем, Бен Џонсон.

Како што објавија некои весници, Спарс бараат поголема длабочина во одбранбената линија, а Џонсон го привлече вниманието со одличните настапи и бројки оваа сезона. Тој може да одговори и како десен бек, лев бек како и централен дефанзивец.

Поранешниот дефанзивец Ледли Кинг наводно му препорачал на Тотенхем да го ангажира играчот и останува да се види дали Тотенхем може да обезбеди договор ова лето. Дефанзивецот е во последните неколку месеци од договорот со „чеканите“ и Вест Хем досега не успеа да обезбеди нов договор.

Доколку неговата ситуација не се промени во следните недели, тој ќе си замине како слободен играч во текот на летото.

Фудбалерот на Барселона, Андрес Кристенсен ќе ги пропушти претстојните натпревари на данската репрезентација.

Дефанзивецот на Барселона веќе го напушти таборот на својата репрезентација и нема да му биде на располагање на својот селектор за пријателските натпревари против Швајцарија и Фарски Острови. Фудбалската федерација на Данска потврди дека Кристенсен претрпел „благ удар“ и бил заменет во тимот со Јакоб Расмусен од Брондби.

Сепак, се очекува Кристенсен да биде подготвен за настап на следниот натпревар на Барселона на крајот на месецот.

Десниот бек на Барселона, Жоао Кансело, кој како позајмен од 

Манчестер Сити до крајот на сезоната настапува за шпанскиот клуб, следната сезона би можел да се пресели во Бенфика.

„Не е исклучено да се вратам во Португалија. Јас навистина сакам да играм за Бенфика, но сакам да поминам уште две или три години во Барселона“, изјави Кансело.

Претходно беше објавено дека агентот на Кансело има намера да преговара со раководството на Сити за продажба на дефанзивецот во каталонскиот клуб. Според Мундо Депортиво, претставникот на Португалецот ќе се обиде да преговара за сума од 20 милиони евра.

Премиерлигашите се силно заинтересирани за младиот дефанзивец на Аталанта, Џорџо Скалвини.

Скалвини иако има само 20 години веќе стора сезона е стандарден во дресот на Аталанта, а дебитираше и за италијанската репрезентација. Скалвини важи за еден од најголемите таленти на Апенините, а многумина го споредуваат со легендарниот Паоло Малдини.

Може да игра како централен дефанзивец и бек, а европските гиганти веќе подолго време ги следи неговите настапи.

Најсилен интерес покажува Манчестер Јунајтед кој сака на лето да го доведе на „Олд Трафорд“,  но ќе мора да ја победи конкуренцијата од Челзи и Манчестер Сити.

Германскиот тренер Кристијан Штрич одлучи да се пензионира на крајот од актуелната сезона. 58-годишниот стратег на Фрајбург сака клубот да се освежи и да преземе нови предизвици со нова енергија.

Она што е импресивно е што Штрих во Фрајбург дојде во 1995 година, кога почна да работи со помладите категории, каде беше до 2011 година. Потоа стана помошник на првиот тренер, а од 2012 година самостојно ја извршува работата како тренер на бундеслигашот.

„После 29 години, ова е вистинскиот момент да ја препуштам мојата работа на некој друг. Ни требаат нови луѓе, нова енергија, нови можности… Овој клуб е мојот живот и му благодарам за се“, изјави Штрих.

Под водство на Штрих, Фрајбург четири пати настапуваше во Европа, а во сезоната 2021/22 играа и во финалето на Купот на Германија каде беа поразени на пенали од Лајпциг.

Ливерпул е силно заинтересиран за ѕвездата на Борусија Дортмунд, Донал Мален на крајот на сезоната.

24-годишниот фудбалер игра одлична сезона во Дортмунд и го привлече вниманието на многу европски гиганти. Ливерпул подолго време го следи Мален, уште пред две години, но тогаш крилниот напаѓач реши да се пресели во Дортмунд.

Меѓутоа, сега Мален веќе се етаблираше како одличен фудбалер и е спремен да се пресели во Премиер лигата.

Холанѓанецот ќе биде примарна трансфер цел на „црвените“ кои веќе стапиле во контакт со неговиот агент.

Бразилскиот голман Едерсон пристигна во Манчестер Сити од Бенфика во 2017 година за сума од 35 милиони евра и од тој момент стана незамнелив дел од „машинеријата“ на Пеп Гвардиола.

Едерсон во овој момент важи за еден од најдобрите во светот, па затоа Манчестер Сити нема да ризвикува и наскоро би требало да започне преговори за нов договор и продолжување на соработката.

Актуелниот договор на Едерсон има важност уште две години, меѓутоа во клубот сакаат да му покажат дека го ценат и да го задржат подолго.

Во овој момент Бразилецот заработува 120.000 фунти неделно и најавите од Островот се дека со потписот на новата соработка ќе си обезбеди плата од 200.000 фунти неделно и така би станал еден од најплатеите во тимот.