Раководството на ПСЖ сака да го продолжи договорот со напаѓачот Лионел Меси, пренесува „Л’Екип“. Парижаните во блиска иднина ќе започнат преговори со 35-годишниот Аргентинец. Актуелниот договор му истекува во летото 2023. ПСЖ се уверени дека ќе биде потпишан нов договор за уште една сезона.
Меси би можел да се врати во Барселона во 2023 година, но во оваа фаза нема контакт меѓу претставниците на играчот и шпанскиот клуб.
Напаѓачот на ПСЖ, Лионел Меси, кој за првпат по 2005 година не се најде на списокот на кандидати за „Златната топка“, смета дека Карим Бензема од Реал Мадрид ја заслужил наградата.
„Мислам дека нема да има никаков сомнеж оваа година. Карим Бензема имаше одлична сезона“, изјави Меси за Football Espana.
Аргентинскиот репрезентативец седум пати ја освојуваше „Златната топка“ и моментално е најдобар играч во светот во изборот на „Франс Фудбал“.
Триесет и четиригодишниот Бензема минатата сезона навистина блесна во сите натпреварувања и со Кралскиот клуб го освои шампионатот и шпанскиот Суперкуп, Лигата на шампионите и Суперкупот на УЕФА.
Французинот во сезоната 2021/2022 на 46 натпревари постигна 44 гола и забележа 15 асистенции.
Новајлијата во англиската екипа, Нотингем Форест го договори своето 15-то засилување во овој преоден рок.
Клубот од Премиер лигата го купи играчот од средниот ред на Аталанта, Ремо Фројлер. Условите на договорот не се откриени.
Според инсајдерот Фабрицио Романо, за трансферот биле исплатени 9 милиони евра плус бонуси.
Екипата на Ливерпул одигра само нерешено 1:1 на домашен терен со екипата на Кристал Палас, во второто коло од Премиер лигата. Кристал Палас поведе на натпреварот со одличен контра напад преку Заха, а Ливерпул изедначи со голот на Луис Дијаз.
Новиот напаѓач на Ливерпул, Дарвин Нуњез заработи црвен картон на средбата, после непромислениот удар кон противничкиот фудбалер од обраната.
„Не можам да одрекнам дека тоа беше за чист црвен картон. Се разбира дека тоа не е однесување какво би требало да биде. Ќе го оставам Дарвин да ја преспие ноќта, а потоа ќе имам разговор со него“, истакнува Клоп, кој сепак на крајот е задоволен од резултатот со оглед на целокупните настани на средбата.
Според последните информации од медиумите блиски до Барселона, напаѓачот Пјер-Емерик Обамејанг кој е трансфер мета на лондонски Челзи, ја одбил варијантата да го напшти Камп Ноу и да замине на Стенфорд Бриџ.
Тренерот на Челзи, Тухел, последниве денови често изјавува дека би сакал да го види Обамејанг во својата екипа, бидејќи му се добро познати квалитетите на фудбалерот со кого соработуваше во Борусија Дортмунд.
Меѓутоа Обамејанг не планира скорешно заминување од Барселона и се надева дека ќе избори место како стандарден играч во екипата предводена од Чави.
Баерн Минхен е без конкуренцијата во Бундеслигата, а за Баварците нема зима и на финансиски план.
Баерн го продолжи договорот со својот главен спонзор до 2027 година и така ќе добијат нови 250 милиони евра, односно по 50 милиони годишно.
Германскиот „Телеком“ и Баерн имаат дводецениска соработка и се очекуваше дека нема да има проблеми за продолжување на договорот, посебно затоа што Баерн во изминатата деценија нема конкуренција во Германија, а освоија и две европски титули во 2013 и 2020 година.
Оваа сезона Баерн веќе освои еден трофеј, германскиот Суперкуп. Бундеслигата ја започна со две победи во првите два натпревари.
Нигерискиот напаѓач од екипата на Ватфорд, Емануел Денис, треба да ја продолжи кариерата во Премиер лигата, откако потпиша договор со Нотингем Форест.
24-годишниот фудбалер му се приклучи на Ватфорд од белгискиот Бриж во 2021 година и минатата сезона забележа вкупно 35 настапи во сите натпреварувања, постигнувајќи десет гола.
Тренерот на Манчестер Јунајтед Ерик тен Хаг реши да ги казни фудбалерите со вонреден тренинг после поразот во второто коло на Премиер лигата од Брентфорд со 4:0, пренесува Скај Спортс.
Тимот на Јунајтед на стартот од новата сезона во Премиер лигата претрпе два порази од Брајтон и Брентфорд. Според објавите во медиумите, Тен Хаг одлучил да го укине предвидениот слободен ден на фудбалерите, и ги казни играчите со тоа што ги натера да истрчаат 13,8 километри. Само за потсетување, фудбалерите на Брентфорд за 13,8 километри колективно повеќе претрчаа од играчите на Манчестер Јунајтед на нивниот меѓусебен дуел.
Нареден натпревар на Манчестер Јунајтед е големото дерби против Ливерпул на 22.август.
Тренерот на Реал Мадрид, Карло Анчелоти во интервју за италијански медиум изјави дека по завршетокот на соработката со „кралскиот клуб“ планира да стави крај на својата богата тренерска кариера.
„После Реал Мадрид заминувам во пензија. Со тоа ќе ја завршам мојата тренерска кариера. Реал Мадрид е клуб на највисоко можно ниво, така да има смисла својата кариера да ја завршам во овај клуб“, изјави Анчелоти.
Италијанскиот стручњак во своите два мандати на клупата на Реал освои две Лиги на шампиони, титула првак на Шпанија, Куп на Кралот, Суперкуп на Шпанија, два Суперкупа на Европа и СП за клубови.
Во кариерата Анчелоти се прослави и како тренер на на Милан, а има работено и во Реџана, Парма, Јувентус, Челзи, ПСЖ, Баерн, Наполи и Евертон.
Неговиот договор со Реал Мадрид истекува во јуни 2024 година.
Најтрофејниот македонски фудбалски клуб Вардар, денеска претстави уште четворица нови играчи за наредната сезона. „Црвено-црниот“ дрес ќе го облечат Јорго Папули, 21 годишен играч од одбраната кој што дојде од романска Стеауа, Боби Целески, 25 годишен голман кој што дојде од екипата на Скопје, како и Христијан Вецески, 23 годишен играч од одбраната и средниот ред кој што дојде од екипата на Пелистер и Матеј Николов, 21 годишен играч на позицијата лев бек кој доаѓа како слободен играч.
Сите играчи потпишаа едногодишен договор со Вардар и се очекува да бидат големи засилувања во новата сезона во која скопската гордост ќе се обиде да се врати во елитата.
