Европската фудбалска унија како против одговор на обидот за формирање на Суперлигата, реши да го промени форматот на кој во иднина ќе се одвива Лигата на шампиони.

Најавените промени ќе започнат од сезоната 2024/2025, и според новиот формат во ЛШ ќе настапуваат 36 екипи и истиот ќе наликува на кошаркарската Евролига.

Натпреварувањето ќе ја укине групната фаза, ќе се настапува по лигашки систем, а секој тим ќе одигра 10 натпревари против различни екипи, пет како домаќин и пет како гостин.

Со новиот систем на натпреварување од почетокот до самото финале ќе се одиграат неверојатни 225 натпревари, во истите термини како и досега.

Откако се појави веста дека Суперлигата денеска повторно ќе се актуелизира, Александар Чеферин најави нов жесток одговор од УЕФА.

„Кој сака да игра во Супер лигата нема да има право да игра во натпреварувањата на УЕФА. За основачите на оваа бесмислена идеја, навивачите се само облик на профит. За нас во УЕФА, навивачите отсекогаш биле навивачи, смислата на играта. Уморен сум од овој антифудбалски проект. Прво го започнаа среде пандемија, а сега сакаат да го оживеат додека трае војна. Андреа Ањели е обичен узурпатор, диктатор, тој е фудбалски Владимир Путин. Овој човек нема срам, не го ни допира војната. Изгледа дека живеат во паралелен универзум“, смета Чеферин.

Војната продолжува, а денеска чекаме и официјално соопштение на основачите на Суперлигата кои не се откажуваат од ова натпреварување.

Договорот на Килијан Мбапе со ПСЖ истекува на крајот на сезоната по што Французинот ќе биде слободен да го избере својот нов клуб. Во преден план се јавува Реал Мадрид, клубот кон кој младиот играч негува симпатии, но и „светците“ ќе дадат се од себе да го задржат еден од најдобрите фудбалери на денешницата на „Паркот на принцовите“ и во иднина.

Според шпанскиот весник „АС“, ПСЖ е подготвен покрај договор со кој 23-годишникот би заработувал околку 50 милиони годишно, да му даде и бонус од 100 милиони евра за самото потпишување за нова соработка, нешто за што Реал Мадрид не ни размислува.

Сепак истиот извор вели дека Мбапе ќе го следи својот сон, а не големата сума на пари па и покрај „мега понудата“ ќе замине на „Сантијаго Бернабеу“. Како потсетување, за услугите на младиот играч ПСЖ плати 145 милиони евра во 2018 година, а овој возврати со 156 гола и 78 асистенции на 205 одиграни средби.

Диего Коста е блиску до преминување во Коринтијанс, објави спортскиот новинар Николо Скира на својот Твитер профил. Според истиот, клубот му понудил на играчот договор до крајот на 2022 година со плата од 1,2 милиони евра.

Претходно беше објавено дека Диего Коста одбил понуди од Зенит и Краснодар. Тој исто така истакна дека за него приоритет е потпишувањето на договор со турскиот Фенербахче. Забележано е дека на Шпанецот му е потребна плата од 2 милиони евра годишно.

Последниот клуб на Коста беше Атлетико Минеиро, за кој играше од август 2021 до јануари 2022 година. За тоа време, Диего го освои купот и бразилското првенство со тимот. На 19 натпревари, фудбалерот постигна пет гола и една асистенција.

Интер ќе побара од аргентинскиот фудбалски сојуз Лаутаро Мартинез да не биде дел од репрезентацијата за светските квалификации против Венецуела и Еквадор на крајот на овој месец, пренесува „Газета дело спорт“.

Причината за барањето на италијанскиот шампион е тоа што „гаучосите“ веќе обезбедија учество на СП 2022 во Катар и претстојните натпревари немаат големо значење.

Од друга страна, Интер на 3 април го очекува важен дуел со Јувентус и тоа веднаш после репрезентативната пауза.

 Дербито со „старата дама“ се очекува да биде клучен натпревар за Интер во битката за освојување на Скудетото, па од клубот сакаат нивниот напаѓач да биде доволно свеж пред тој дуел.

Манчестер Јунајтед ја разгледува можноста тренерот на Реал Мадрид, Карло Анчелоти да биде нивен менаџер од следната сезона.

Според изворот, Анчелоти се смета за решение на клупата на Манчестер Јунајтед. Анчелоти е во добри односи со Алекс Фергусон и со извршниот директор на Манчестер Јунајтед, Ричард Арнолд. Воедно, се истакнува дека како долгорочна соработка Манчестер Јунајтед избира меѓу Маурисио Покетино, кој сега е на чело на Пари Сен Жермен и тренерот на Ајакс, Ерик тен Хаг.

Алекс Фергусон наводно е фан на Покетино, но му препорачал на клубот да го разгледа Анчелоти доколку Покетино одбие да го преземе клубот. Ралф Рангник моментално е привремен тренер на Манчестер Јунајтед, кој ќе го води клубот до крајот на тековната сезона.

Екипата на Барселона е уште еден клуб кој пројави интерес за играчот од средниот ред на Монако, Аурелиен Чуамени.

Чуамени кој веќе станува редовен репрезентативец на Франција, импресионира со своите игри за клубот во Лига 1.

Барса има намера да го подобри квалитетот на дефанзивата во средниот ред на тимот и поради тоа ќе се обиде да го доведе 22-годишниот фудбалер во летниот трансфер период.

Договорот на Чуамени со Монако истекува во 2024 година, и за него освен Барселона, заинтересирани се и гигантите Реал Мадрид, Челзи и Манчестер Јунајтед.

Откако стана јасно дека преговорите меѓу Осман Дембеле и раководството на Барселона за нов договор пропаднаа, многу европски гиганти сакаат да ја искористат ситуацијата.

Дембеле во јануари одби да ја напушти Барселона, но ги одби сите понуди за продолжување на соработката, па на лето ќе замина како слободен агент.

Иако неколку европски клубови се заинтересирани за Дембеле, сепак најконкретен е Пари Сент Жермен, кој започнал преговори со агентот на Французинот.

ПСЖ во Дембеле гледа идеална замена за Ди Марија, кој сигурно заминува на лето, а и иднината на Мбапе е неизвесна.

Наводно „светците“ се спремни да ги задоволат финансиските барања на Дембеле, односно 20 милиони евра нето по сезона и 20 милиони евра бонус при потпис на договорот.

Англискиот весник Дејли Мејл пренесува дека тренерот на Ајакс, Ерик тен Хаг, веќе зема часови по англиски јазик пред започнувањето на неговите преговори со Манчестер Јунајтед. 

Според информациите 52-годишниот Холанѓанец веќе донел одлука да го напушти Ајакс по завршетокот на сезоната и е подготвен да ја прифати евентуалната тренерска понуда од „Олд Трафорд“. 

Тен Хаг е еден од главните кандидати да го замени Ралф Рангник на клупата на „црвените ѓаволи“. Другиот сериозен кандидат е тренерот на Париз Сен Жермен, Маурицио Почетино. Најнова информација е дека и тренерот на Реал Мадрид, Карло Анчелоти би можел да биде еден од претендентите за клупата на Јунајтед.

Баерн Минхен покажал интерес за Џед Спенс. Германскиот шампион испратил скаути на последните натпревари на Нотингем Форест за да го следат дефанзивецот. Спенс во редовите на англиските тим настапува како позајмен фудбалер.

Покрај Баерн се потенцира дека Спенс го следат уште неколку германски клубови меѓу кои Борусија Дортмунд, Баер Леверкузен и Лајпциг, како и уште неколку англиски. Со Спенс во јануари се поврзуваа Тотенхем и Арсенал, но сепак до посериозни преговори не дојде.