ЕХФ веќе ги одреди и судиите за премиерата на нашата репрезентација на ЕП во Унгарија. Утрешниот прв меч на шампионатот ќе го судар Австријците Радојко Бркиќ и Андреј Јусуфхоџиќ.

Вториот меч од групата меѓу Данска и Црна Црна ќе го суди судиска двојка од Романија, Бодан Старк и Ромео Стефан.

Македонските ракометари вчера пристигнаа во Дебрецин, каде веќе утре на премиерата на новото Европско првенство против Словенија ќе го одиграат и првиот меч на шампионатот.

Веќе денеска на брифингот со новинарите селекторот Лазаров и дел од ракометарите зборуваа за очекувањата од првиот меч со Словенија.

„Словенците се одлични, имаат неверојатни ракометари кои играат во големи екипи. Тоа е колектив предводен од добар селектор, со изградени играчи и Врањеш има задача да поработи само на ситни детали. Ние сме Македонија, знаеме како сме поставени и како функционираме. Нема да излеземе со бело знаме, иако имаме респект кон Словенија која е фаворит. Тие се екстра-квалитетна репрезентација. Словенците се играчи кои ако имаат свој ден, што и да направиме можат да не победат. Јасна е ситуацијата, имаме желба да одиме во вториот круг и тоа би бил огромен успех. Ние добивме тешка група со Данска, Словенија, па дури и Црна Гора. Ќе се стремиме кон целта, но мора да сме спремни на сè и да бидеме реални. Македонија е во транзиционен период и мора да бидеме трпеливи за да изградиме репрезентација која достојно ќе ја замени претходната генерација. Не сакам да правам притисок врз играчите, напротив, знаеме што сакаме и сме спремни, а дали тоа ќе биде доволно ќе видиме утре на теренот“, изјави Лазаров.

Претстојното Европско првенство во ракомет кое започнува за неколку дена, ќе биде јубилејно десетто за еден од најдобрите светски ракометари во историјата, Никола Карабатиќ.

Репрезентативецот на Франција сепак не е рекордер во оваа статистика, бидејќи легендарниот Гудјон Валур Сигурдсон за својот Исланд има учествувано на 11 Европски првенства.

Сепак, Карабатиќ е рекордер по бројот на вкупно одиграни натпревари на Европските шампионати со 63 настапи во дресот на Франција.

Селекторот на Франција, Гијом Жил, го дефинираше списокот на репрезентативците кои треба да настапат на Европското првенство во ракомет.

Голмани: Реми Дезбоне, Винсент Жерар, Весли Пардин. Леви крилa: Уго Деска, Дилан Нахи, Леви бекови: Карл Конан, Ромен Лагард, Тибо Брие. Средни бекови: Кентин Мае, Ајмерик Мин, Никола Карабатиќ. Пивоти: Лудовик Фабрегас, Николас Турна, Тео Монар. Десни бекови: Дика Мем, Мелвин Ричардсон, Жулиен Бос. Десни крила: Беноа Конку, Јанис Лен, Валентин Порт.

„Триколорите“ кои се вбројуваат меѓу фаворитите за освојување на медал, првенството ќе го започнат во  групата Ц во која се уште Србија, Хрватска и Украина.

Лино Червар не ги крие симпатиите кон Македонија пред Европското првенство кое ќе стартува на 13. јануари.

Червар ги анализираше селекциите во регионот и испрати поддршка за Лазаров и Македонија.

„Искрено, јас ќе навивам за мојата втора татковина, Македонија. Мораме да сме објективни, репрезентацијата на Македонија поминува низ многу промени доаѓа смена на генерации. Тимот го води најголемата легенда во државата, Кире Лазаров. Кире е човек кој го сакам и почитувам, сите треба да го следат неговиот пример. Иако рано влезе во тренерските води мислам дека има квалитет да покаже многу. Сигурен сум дека на ниту една репрезентација нема да и биде лесно со Македонија“, изјави Червар.

На помалку од десет дена од стартот на Европското ракометно првенство, од хрватскиот ракометен сојуз информираат дека двајцата најдобри играчи во репрезентацијата, Лука Циндриќ и Домагој Дувњак имале позитивен тест на Ковид-19.

Двајцата играчи се испратени во изолација и во наредните денови ќе мора да достават негативни тестови за да добијат дозвола за нивно учество на турнирот. 

Доколку Циндриќ и Дувњак не закрепнат доволно брзо пред почетокот на ЕП, нивните места во екипата ќе го заземат играчи кои моментално се запишани како потенцијални резерви. Еден од нив е и бившиот вардарец, Игор Карачиќ.

На Европското првенство нема да настапат голем број на познати ракометари, дел од нив се соочуваат со позитивни случаи на ковид-19, а дел со повреди.

Србија потврди дека на ова натпреварување ќе бидат без услугите на нивниот најдобар ракометар Петар Ненадиќ. Се надеваа во Србија дека Ненадиќ ќе успее на време да се врати, меѓутоа повредите го покажаа спротивното.

Тој нема да може да им помогне на соиграчите бидејќи повредата која ја заработи пред еден месец бара подогола пауза. Србија на ЕП ќе игра во група Хрватска, Франција и Украина.

Ракометната репрезентација на Франција се соочува со големи проблеми пред настапот на Европското првенство. Поради повреда настапот на шампионатот го откажа и Лука Карабатиќ.

Селекторот Гијом Жил од почетокот на подготовките има големи проблеми, пред се со неколку заразени играчи со Ковид, а поради повреда од списокот на учесници претходно отпадна бекот Ремили.

Како замена за Карабатиќ, на првенството во Словачка и Унгарија ќе патува Тео Монар од Нант.

Селекцијата на Франција за противници во групната фаза од ЕП ги има Србија, Хрватска и Украина.

Во конечниот список на играчи кој го објави селекторот на хрватската ракометна репрезентација, Хрвоје Хорват, не се најде името на Игор Карачиќ.

Имено, тој се наоѓа на листата со резерви, кои би биле повикани за настап, доколку се случат проблеми со повреди или со ковид во екипата.

Местото на среден бек во репрезентацијата ќе го пополнат Домагој Дувњак, Лука Циндриќ и играчот на Вардар 1961, Анте Гаџа.

Хрватската репрезентација на ЕП е во група со Франција, Србија и Украина.

Тимот на Вардар остана без еден од ракометарите кои пристигнаа минатото лето, Хрватот Анте Кудуз се враќа во Динамо Букурешт.

Кудуз уште во првиот ден од 2022 година ќе биде ракометар на Динамо од каде и што дојде во Вардар. Пред доаѓањето Кудуз беше избркан од станот во Романија кога клубот дознал дека се договорил со Вардар, а сега изјави дека се враќа во неговиот втор дом и ќе игра пред најдобрата публика во светот.

Сезоната во Вардар Кудуз не ја започна лошо, но потоа дојдоа некои повреди и не успеа да ги прикаже очекуваните настапи. За настапите за Вардар постигна вкупно 13 голови.