По два месеци пауза продолжува Лигата на шампионите во ракомет. Следуваат последните четири кола во групниот сегмент, а во рамките на група А македонскиот првак Еурофарм Пелистер има уште четири кола во битката за елиминационата фаза. Пред заминувањето во Португалија за медиумите зборуваа тренерот Раул Алонсо и голманот Никола Митревски.

Раул Алонсо
(тренер на Еурофарм Пелистер)
Спортинг е одличен тим, тие веќе две-три години работат проект и сите видоа што можат да направат. Први се во лигата, а во Лигата на шампионите котираат исто така добро. Многу играчи настапуваа за Португалија на СП, очекувам тим со огормна самодоверба. Исто така, очекувам и сала која ќе биде нивна поддршка. Ќе биде голем предизвик за нас да одиграме добро во Лисабон. Така е во Лигата на шампионите, тоа е нормално. Мора да го одиграме нашиот ракомет и да бидеме солидни во транзиција. Треба да преземеме контрола врз темпото, мислам дека тоа ќе биде клучно за да им парираме. Мислам дека ова е нивниот натпревар, со брз ракомет даваат многу голови. Не знам дали ќе можеме да се одржиме на тој ритам, ама тоа ни е целта. Треба да се смириме, да не брзаме премногу и да бидеме добри во одбрана. Во напад работевме доста посветени на тој тип на игра“

Никола Митревски
(ракометар на Еурофарм Пелистер)
Спортинг е еден доста незгоден противник кој во последните години воден од браќата Коста игра доста добар ракомет и напаѓачки и дефанзивно. Ќе биде доста тешко да се игра на тој терен во Лисабон. Ние одиме на секој натпревар на победа, без разлика во која конкуренција. Ќе го дадеме својот максимум и се подготвуваме добро за натпреварот. Имаме математики да ја минеме групата, во игра сме и ќе одиме без притисок. Се надевам ќе пружиме добар натпревар. Големите екипи секогаш имаат период на многу натпревари, голем дел од играчите се навикнати на тоа. Сите во ЛШ имаат ваков календар. Можеби ќе биде проблем за домашното првенство, ама сме го поминале ова веќе.

ЕХФ делегираше судии од Србија за натпреварот на македонскиот првак Еурофарм Пелистер на гостувањето во Лисабон. Станува збор за Боричиќ и Марковиќ, кој ќе им судат на битолчани на важната пресметка со Спортинг Лисабон.

Египетскиот лев бек Али Зеин следната сезона ќе игра за унгарскиот Веспрем. Се очекува 34-годишниот Зеин да го замени дресот на Динамо Букурепт со тој на унгарскиот шампион.

Египќанецот првпат пристигна во Европа на 26 години, преминувајќи во редовите на францускиот клуб Екс Прованс.

Во сезоната 2021/22 го облече дресот на Барселона, но ниту таму не се прослави и се пресели во амбициозниот Динамо Букурешт.

Холандскиот ракометен репрезентативец Ларс Коиј ќе си замине од редовите на Вардар 1961 по крајот на оваа натпреварувачка сезона.

Тој се враќа во Германија и ќе биде дел од составот на Бергишер кој интересно во моментов се натпреварува во втората лига со тоа што има амбиции да се врати во елитата.кру

-Многу сум среќен што од следната сезона ќе бидам дел од семејството на БХЦ. Одлуката да се приклучам на клубот ми беше лесна – разговорите беа одлични од самиот почеток и брзо сфатив дека тоа е вистинскиот чекор за мене. Сега со нетрпение очекувам да се развивам понатаму со тимот и се надевам дека ќе славам многу успеси. Особено се радувам на навивачите и на атмосферата во салата, -порача кружниот напаѓач кој доби договор до 2027 година.

Градоначалникот на општина Битола, Тони Коњановски, денес организираше прием на ракометарите од Еурофарм Пелистер, кои беа дел од македонската машка ракометна репрезентација на Светското првенство во ракомет, кое се одржа од 14 јануари до 2 февруари во Хрватска, Данска и Норвешка. На средбата, градоначалникот Коњановски, им се заблагодари за добрата ракометна игра со која како репрезентативци ја претставуваа Македонија, со што и го потврдија спортскиот напредок на ракометна Битола.

Градоначалникот Коњановски им додели плакети за особен придонес во ракометната репрезентација на Македонија на Светското првенство во ракомет 2025 година на ракометарите: Филип Кузмановски, Петар Атанасијевиќ, Павле Атанасијевиќ, Жарко Пешевски, Ненад Костески и Никола Митревски, а изрази јавна благодарност и до битолските ракометари Иван Галевски и Валентин Карасманакис, кои се дел од екипата на Алкалоид.

„Битола има голем спортски потенцијал, но и значајни ракометни успеси. Ви благодарам, што бевте дел од една силна екипа, која со својата храброст и тактичност се избори за пласман на Светското првенство, деветто во нашата историја. Вие сте наша гордост, а Вашите достигнувања се резултат на долга и напорна работа“, рече градоначалникот Коњановски на денешната средба.

Ракометарите, пренесувајќи ги своите искуства од првенството, се заблагодарија за поддршката од градоначалникот и соработката со Општината.

Ракометарите на Еурофарм Пелистер триумфираа против Куманово со 46-26 во првиот меч од Суперлигата во 2025 година. Куманово парираше само на почетокот, кога резултатот беше 4-4, по што битолчани ја преземаа контролата и на полувреме заминаа со предност од 25-12. Домашниот тим во Битола не му дозволи на ривалот да биде ниеднаш конкурернтен и славеше со убедлива разлика. Тренерот Раул Алонсо им даде шанса на сите ракометари да настапат, a разликата меѓу двата тима беше евидентна.

Богдан Радивојевиќ со единаесет гола беше прво име во таборот на победникот, а одличен беше и Костески со осум погодоци. Кај поразениот Куманово, Да Силва и Филипе постигнаа по пет гола.

Во следното 18. коло, следниот викенд, Еурофарм Пелистер гостува кај Охрид.

Ракометниот клуб на ПСЖ, објави дека левото крило од Шведска, Емил Мелеград, ќе биде новиот играч во редовите на ,,светците”.

Швеѓанецот во тимот на Раул Гонзалез ќе пристигне на лето, а двете страни се договорија на соработка, која ќе биде со важност од две сезони.

Мелеград оваа сезона настапува за данскиот второлигаш Хој Елит, претходно беше дел од бундеслигашот Вецлар и шведскиот Редбергслидс.

Во ПСЖ на лето ќе пристигне и екс ракометарот на Еурофарм Пелистер, Матео Мараш, потоа Себастијан Карлсон и Карл Конан од Монпелје, како и кружниот напаѓач Микел Локвист од Силкеборг.

Македонскиот ракометар Дарко Димитриевски ќе ја продолжи својата авантура во Шпанија, откако стави потпис на нов договор со екипата на Аликанте. Левиот бек кој настапува за клубот од минатото лето стави потпис на долгогодишен договор.

Новата соработка ќе биде валидна до крајот на сезоната 2027/28, односно договорот е потпишан на три ипол години. Димитриевски е еден од најдобрите играчи на Аликанте, веќе е еден од капитените на тимот и има обврска да се обиде да помогне клубот да се врати во шпанската елита.

„Среќен сум што го продолжив договорот на уште три години, тоа ми дава мир на мене и семејството. Работиме добро и ќе продолжиме да се бориме заедно. Како еден од капитените задолжен сум за „влечење“ на бродот напред, заедно со младите момчиња сакаме да се вратиме во АСОБАЛ лигата“, изјави Димитриевски.

Оваа сезона Дарко Димитриевски во Втората шпанска лига постигна 63 погодоци и се наоѓа на третото место меѓу најдобрите стрелци.

Светското првенство во ракомет што се одржа во Хрватска, Данска и Норвешка заврши во неделата. Данска го освои златото, Хрватска заврши на второто место, додека Франција со триумфот над Португалија го освои третото место.

Македонија имаше добра настап на 29.Светско првенство. Избори пласман во втората фаза, а во главната група го освои четвртото место. Во конечниот поредок Македонија заврши на 15. позиција.

ЕХФ денеска го објави рангирањето на најдобрите европски репрезентации во машка и женска конкуренција. Македонските ракометари и ракометарки се на 19.место.

ЕХФ ги следи резултатите постигнати на Европските и Светските првенства и ги бодува и формира ранг-листата земајќи ги предвид резултатите од изминатите две светски првенства и две европски првенства. Ова важи и за машките и женските национални тимови.

Ракометниот клуб на Алкалоид ќе биде посилен за Мартин Ивановски, 23-годишен ракометар кој игра на позицијата среден бек и досега настапуваше за вториот тим на Еурофарм Пелистер.

Лазаров и останатите репрезентативци им се вратија на клупските обврски, па Алкалоид во комплетен состав се подготвува за првите предизвици во 2025 година, што значи натпревари во домашното првенство, но и во Европа.

Веќе на 15 февруари, Алкалоид ќе се соочи со Бриксен во првиот натпревар од осминафиналето на Европскиот куп.

Домагој Дувњак ја заврши својата репрезентативна кариера со настапот во финалето на Светското првенство, по што селекторот Дагур Сигурдсон се најде пред предизвикот да избере нов лидер на тимот.

Изборот падна на Иван Мартиновиќ, што беше изненадување за многумина, бидејќи поголемиот дел од јавноста очекуваше оваа позиција да ја заземе Лука Циндриќ, поранешниот играч на Вардар и Металург.

За време на Мундијалот, кога Дувњак не беше на теренот, капитенската лента ја носеше Игор Карачиќ, но и тој донесе одлука да го заврши својот репрезентативен пат.