Двократниот европски првак Вардар 1961 потпиша денеска нов договор со македонскиот голман Васил Гогов и тој ќе остане дел од „црвено-црните“ најмалку до јуни 2027 година.

„Актуелниот договор на Гогов истекува во јуни 2026, но задоволен од неговите настапи, клубот веднаш одлчи да му понуди продолжување“, се наведува во клупското соопштение.

Гогов, кој од 2019 година е дел од Вардар веќе неколку сезони е дел од првиот тим, сериозно се наметна како важен дел од голманската линија на Вардар. Во изминатата сезона доби сè поголема минутажа, што ја оправдува со доби настапи.

„Васил покажа дека има квалитет и карактер за Вардар. Неговиот напредок е очигледен и со нетрпение очекуваме да продолжи да расте во нашиот дрес“, соопшти Вардар 1961.

Во салата „Автокоманда“ во Скопје беше одиграно едно од највозбудливите отворања на новата сезона во македонската ракометна Супер Лига.

Алкалоид и ГРК приредија атрактивен дуел кој ја исполни публиката со неизвесност и големи пресврти, а средбата заврши без победник (24-24).

Гостите за прв пат се непоразени во домот на Алкалоид, во 13 одиграни меѓусебни средби.

Кај домашните, Урош Борзаш даде шест гола, а Монси Тордарсон запиша четири реализцаии, додека кај Охрид, Дарко Ѓукиќ имше пет, а Анте Иванковиќ четири гола.

Одличен беше и голманот Бојан Блажески со 10 одбрани.

Ракометарите на Еурофарм Пелистер со победа ја започнаа новата сезона во групата Б во Лигата на шампионите. Тие во преполната сала во Битола го совладаа тимот на Загреб со 25-23 (13-12).

Во прекрасен амбиент „зелено-белите“ одиграа одлично во самата завршница и успеаја да ја задржат предноста кој им ги донесе и првите бодови. Кај домаќинот се издвои Дејан Манасков со осум голови пред Кузмановски со шест и Хосни со четири. Во тимот од Хрватска се наметна Главаш со 7 голови.

Еурофарм Пелистер во второто коло на 18 септември ќе гостува кај ПСЖ кој денес загуби на гостувањето кај Магдебург со 37-31.

Ракометарите на Алкалоид и во реваншот од квалификациите на Лига Европа загубија од Хановер со 29-28.

Македонскиот претставник со двата пораза ги заврши натпреварите во елиминациската фаза, па сега остануваат само домашните натпреварувања.

„Честитки за Хановер, заслужено победија. Разочаран сум бидејќи на двата натпревара промашивме вкупно девет удари од шест метри. Со ваква статистика невозможно е да се совлада екипа што игра во Бундеслигата. Знаевме дека Хановер е поквалитетен тим, но ова е премногу. Хановер е противник кој победува екипи како Магдебург или Фуксе Берлин, тогаш е јасно колку беше тешко со ваква статистика“, изјави по натпреварот тренерот на Алклаоид Кирил Лазаров.

Жестоко беше на теренот, особено како што истакна и тренерот на гостите Кристијан Прокоп дека нивна цел била две победи на двата дуела.

„Сакам да им честитам на Хановер за победата и да им посакам среќа во групната фаза на ЕХФ Европската лига. За жал, за нас европската авантура завршува тука и нашиот фокус ќе биде насочен кон домашните натпреварувања“, изјави капитенот на Алкалоид Игор Ѓоргиев.

Пред почетокот на натпреварот Алкалоид – Хановер, на македонскиот тим му беше предаден пехарот од ЕХФ за освоениот Европски куп од ланската сезона.

Ракометниот клуб Алкалоид го доби пехарот за триумфот во ЕХФ Европскиот куп за ланската сезона. Македонскиот тим во финалето од ова натпреварување заврши како победник, откако неговиот ривал грчки АЕК не се појави на терен на реваншот во Скопје.

Пехарот вечерва на капитенот на Алкалоид Игор Ѓорѓиев го предаде Божидар Ѓурковиќ претставникот од ЕХФ.

Алкалоид имаше предност и победа од првиот финален дуел, а грчкиот тим во Скопје иако се загреваше одби да го игра натпреварот.

ЕХФ донесе одлука натпреварот да биде регистриран со резултат 10:0, а АЕК заработи и две годишна суспензија.

Алкалоид е третиот македонски ракометен клуб што освоил европски пехар по двете титули европски првак на Вардар и трофејот на ракометарките на Кометал Ѓорче Петров.

Македонскиот ракометен првак Еурофарм Пелистер со победа над Бутел Скопје со 29-20 ја отвори новата сезона во машката ракометна Суперлига која стартуваше од вчера.

Петар Атанасијевиќ беше најдобар со десет гола, пред Мирче Калајџиоски со четири гола, додека кај бутелчани, Димитар Узунчев и Дејан Михајловиќ погодија по четири пати.

Во второто суперлигашко коло, Еурофарм Пелистер дома ќе го пречека Пролет, додека Бутел Скопје игра со Радовиш.

Тимот на Алкалоид и македонската ракометна репрезентација ќе добијат големо засилување во пресрет на Суперлигата и на Европското првенство кое во 2026 година ќе се игра во Данска, Шведска и Норвешка.

Двајцата репрезентативци Марко Митев и Никола Костески за еден месец повторно ќе бидат на терен.

Митев е надвор од игра од март поради кинење на лигаментите, додека Костески во април беше подложен на операција на Ахиловата тетива.

Норвешката ракометна голманка Катрин Лунде, која воедно е и најодликувана ракометарка во историјата, потпиша за ЖРК Црвена звезда до крајот на годината, а српските медиуми тоа го нарекуваат најголемата трансфер-бомба во женскиот ракомет во Србија.

Црвена звезда ја донесе 45-годишната норвешка икона само три месеци откако таа играше во финалето на Лигата на шампионите со Одензе. Договорот беше потпишан до крајот на 2025 година, со договор Лунде да патува помеѓу Кристијаншанд и Белград, бидејќи нејзиниот партнер Никола Трајковиќ и ќерката Атина ќе останат во Норвешка.

Доведувањето на Лунде е дел од поширок проект на Црвена звезда, двократниот шампион на Србија, со кој клубот сака да направи медиумски и натпреварувачки пробив, вклучително и лов на групната фаза од Лигата на Европа.

На овој план, Лунде е профилирана како фактор на разлика во квалификациите, со потенцијални дополнителни засилувања што клубот ги разгледува на есен.

Ракометарите на Еурофарм Пелистер го освоија првиот трофеј во новата сезона откако во Суперкупот го совладаа Вардар со 28-27.

Во салата во Кавадарци во крајно изедначен меч со драматична завршница, „зелено-белите“ од Битола беа повешти и успеаја да дојдат до победата. Кај Пелистер се наметна Хосни со 9 погодоци пред Тајник со 4 додека кај Вардарци се издвоија Кавада со 6 (сите од пенал) и Талески со 5 голови.

Сега „Вардарци“ останаа на четири пехари, „пелистерци“ бројат до три додека Алкалоид има еден трофеј во Суперкупот.

На последниот тренинг пред заминување во Кавадарци и Суперкупот на Македонија против Вардар 1961, пред новинарите зборуваа тренерот Гарабаја и деснито крило Хекберт.

Рубен Гарабаја
(тренер на Еурофарм Пелистер)

Никогаш не сте целосно подготвени, бидејќи за време на сезоната постојано напредувате и учите. Мислам дека имавме добра претсезона и најважно е што немавме сериозни повреди. Тоа што се случи се до денес – веќе не е важно. Вистинското натпреварување почнува утре со Суперкупот и ќе видиме поинакви тимови. Ќе видеме поинаков Вардар и сигурно поинаков Еурофарм Пелистер. Се надевам дека нашиот тим ќе биде уште подобар за разлика од подготовките.

Мојата идеја е дека секој играч ми треба за секојј натпревар, а не за цела сезона. Сакам да го користиме секој ракометар на секој натпревар, бидејќи сакаме да играме силно темпо. Имаме добри играчи на сите позиции и ги имаме по двајца или тројца по позиција. Се надевам дека тоа ќе го искористиме.

Рудолф Хекберт
(ракометар на Еурофарм Пелистер)