Олимпискиот шампион во борење, Кајл Снајдер, е уапсен во Колумбус, Охајо, како дел од полициска акција насочена кон сузбивање на проституцијата, соопштија локалните власти.

Снајдер е меѓу 16-те лица приведени откако се одзвале на лажен оглас за ескорт услуги, поставен од полицијата во овој американски град.

Според извештајот, инцидентот се случил на 3 мај, кога Снајдер пристигнал на договорената локација и ја платил услугата во готово. По приведувањето, бил пуштен од местото на настанот, а на суд треба да се појави на 19 мај.

Снајдер е освојувач на златен олимписки медал од Рио 2016 и сребрен од Токио 2021. Покрај олимписките одличја, има седум медали од Светски првенства и три шампионски титули од “NCAA” Првата дивизија, настапувајќи за Универзитетот на Охајо.

Во 2016 година стана првиот Американец кој истовремено ги поседувал титулите олимписки, светски и “NCAA” шампион.

Во 2018 година, тогашниот претседател на САД, Доналд Трамп, го именуваше за член на Претседателскиот совет за спорт, физичка подготвеност и здрава исхрана.

Женската одбојкарска репрезентација на Македонија по втор пат ќе биде дел од ЦЕВ Сребрената Европска лига 2025. Дамите се во друштво на Австрија, Швајцарија, Летонија, Израел, Грузија, Луксембург, Фарски Острови и Исланд.

Натпреварите ќе се одвиваат според т.н. „швајцарски систем“ односно ќе се играат по три турнири а еден ќе биде од 30 мај до 1 јуни во салата „Парк“ Струмица. Токму таму, селекторот Стефан Пауновиќ, утре ќе ја направи првата прозивка. На списокот има 20 репрезентативки.

Поради краткиот период за подготовка, одбојкарките нема да одиграат контролни средби.

Македонскиот атлетичар Дарио Ивановски ќе ги брани боите на нашата земја и на претстојното Светско првентво што ќе се одржи во Токио од 13 септември до 21 септември.

Ивановски лани настапи на маратонската трка на ОИ во Париз, годинава имаше неколку добри резултати на маратонските трки, успевајќи да освои доволно бодови во рангирање во пресрет на светскиот шампионат.

Светската атлетска федерација денеска ја објави и конечната листа на маратонци кои добиваат покана за настап во Токио, рангирање на кое Дарио се наоѓа на 75, позиција со статус “Qualified by World Rankings”

Поранешниот рели шампион и легенда на шпанскиот мотоспорт, Карлос Саинц сениор, би можел да стане нов претседател на Меѓународната автомобилска федерација (ФИА), објави „Скај Спортс“. Според информациите, веќе извесно време се зборува дека 63-годишниот Саинц се подготвува за претседателските избори кои ќе се одржат во декември и дека ќе му биде главен ривал на актуелниот челник на ФИА, Мохамед Бен Сулајем.

Саинц е двократен светски шампион во рели, има силна поддршка од влијателни личности и функционери во различни категории на мотоспортот кои се под капата на ФИА. Тој е и татко на Формула 1 возачот Карлос Саинц Јуниор, кој од оваа сезона вози за Вилијамс.

И покрај тоа, во падокот не владее загриженост околу можен судир на интереси, бидејќи Сениорот ужива углед како човек со интегритет.

Бен Сулајем е на чело на ФИА од крајот на 2021 година, но неговиот мандат беше обележан со неколку контроверзи, недоразбирања со Формула 1 возачите и соработниците – вклучувајќи го и спортскиот заменик Роберт Рид, кој минатиот месец поднесе оставка.

Најдобриот македонски автомобилист, Игор Стефановски Иџе овој викенд со нова трка од ФИА Европскиот шампионат на ридски патеки (еHC). Летечкиот Македонец во ФИА Европскиот шампионат на ридски патеки (еHC), овој викенд ќе ја вози третата трка. Ќе вози на патеката Рампа Да Фалепра во португалската Брага. За него оваа патека е добро позната, шампионски освојувана.

Стефановски по првите две трки во ФИА Европскиот шампионат на ридски патеки е трето место во генерален пласман од сите натпреварувачи.

„Со силна возбуда, сакам да најавам дека очекувам добра трка. Посакувам да постигнеме одличен резултат. Патеката Рампа Да Фалпера добро ја познавам. Двапати бев на подиум и тоа на првата позиција. Моите очекувања и овојпат се слични, да триумфираме. Би сакал да истакнам дека ова е патека на која брзината на некои делови надминува и повеќе од 240 км, што е голем и силен предизвик за сите натпреварувачи. И пред оваа трка, би сакал да се заблагодарам на мојот неверојатен тим, тимот на Ферари, моите спонзори, и секако, до сите Вас кои ни давате безрезервна поддршка, вели Иџе.

Стефановски и годинава се трка со автомобилскиот ѕвер од Ферари 488 B8, специјално дизајниран за овие патеки.

Дукати во текот на викендот ќе има шанса да испише историја на трката во Мото ГП за Големата награда на Франција доколку еден од шесте возачи што ги користат моторите на Италијанците победи во Ле Ман.

Тоа би било 23-та последователна победа на Дукати во премиер класата, што ќе биде нов рекорд.

Моменталниот од 22 последователни победи го постави Хонда гледано од трката за Големата награда на Малезија во 1997 година до трката за Големата награда на Холандија во 1998 година.

Селекторот на машката одојкарска репрезентација на Македонија, Јошко Миленковски го објави скратниот список од 16 одбојкари кои ќе треба да се појават на првиот собир во Струмица на 15 мај. Прв предизвик за Македонија е Златната Европска лига, а Миленковски се одлучи за проверен ростер. Базата ја сочинуваат капитенот Никола Ѓоргиев и организаторот на играта Ѓорѓи Ѓоргиев, потоа Александар Љафтов, Лука Костиќ, Стојан Илиев, Тоше Ефремов, како и средниот блокер Филип Савовски.

Капитенот на Струмица 47&72 Владо Милев како најискусен треба да даде стабилност во националниот тим, а целата слика да ја надополнат најдобрите одбојкари од домашната сцена, од редовите на ново-стариот шампион Струмица 47&72 и освојувачот на Купот, Штип УГД.

Селекторот Миленкоски првата прозивка ќе ја има во хотелот „Пандев“ во Струмица на 15 мај напладне.

Спектакл во „Крусибл“, снукер играчот од Кина, Синтонг Жао стана светски шампион. Во финалето, во Шефилд, го победи славниот Марк Вилијамс со 18-12.

Тој стана првиот Кинез во историјата на снукерот што ја освои титулата светски шампион.

Жао брзо изгради водство од шест фрејма и го заврши натпреварот без поголеми проблеми, а Вилијамс не можеше да ги надомести грешките од првите два дена.

Во првата сесија, Кинезот беше беспрекорен и поведе со 7-1, Вилијамс потоа намали на 9-5, и тоа е најблиску до што успеа да се доближи. Вилијамс ги елиминираше Џон Хигинс и Џад Трамп на патот до финалето…

Жао доби 20-месечна суспензија пред две години поради скандал со наместени натпревари, иако немаше докази дека е виновен.

Тој мораше да ги помине квалификациите како аматер бидејќи му беше дозволено повторно да се натпреварува дури во јануари оваа година, па затоа беше избришан од светската листа.

Тој стана првиот во историјата што стигна до финалето преку квалификациите, а со тоа и првиот во историјата што го освои светското првенство како квалификант. Жао е 22 години помлад од Вилијамс, која се бореше за четвртата титула, а Велшанецот стана најстариот финалист на Светското првенство, но не и најстариот светски шампион.

Враќањето на професионалниот боксер Ентони Џошуа на рингот ќе биде одложено поради операција на лактот, која ќе го спречи да тренира до осум недели.

Џошуа не се борел откако претрпе пораз во пет рунди од шампионот во тешка категорија на ИБФ, Даниел Дубоа, на „Вембли“ во септември, а долгоочекуваниот реванш со Тајсон Фјури беше откажан поради неодамнешното пензионирање на неговиот британски ривал.

Сè уште постои можност Џошуа и Фјури да се сретнат подоцна оваа година, но прво 35-годишниот поранешен светски шампион ќе мора да се опорави од операцијата на која ќе се подложи овој месец.

-Се обидувам да си го вратам телото во форма. Ќе имам мала операција на лактот некаде во мај. Ги финализирам деталите. Тоа ќе ме оддалечи од теретана шест до осум недели и штом ќе заздравам, ќе се вратам во боксот, изјави Ентони Џошуа за ДАЗН.

Џошуа се опорави по два порази од Олександр Усик, запишувајќи три победи по ред, само за да биде нокаутиран од Дубоа во судир што доведе до повици до освојувачот на златниот медал од Лондон во 2012 година да се повлече од спортот.

Сепак, Џошуа е свесен дека борбата со неговиот долгогодишен ривал Фјури би била исклучително профитабилна и за двајцата.

Даниел Дубоа ќе се врати на „Вембли“ за да се соочи со Усик на 19 јули.

Оскар Пјастри ја освои Големата награда на Мајами. Австралиецот ја забележа шестата победа во кариерата, четврта оваа сезона, трета во последните три трки. Доминацијата на Мекларен ја потврди минатогодишниот победник, Ландо Норис, со второто место. Трет трката ја заврши Џорџ Расел од Мерцедес.

Мекларен, а особено Пјастри одо почетокот на сезоната се приказна за себе. Младиот Австралиец, стратуваше од четвртото место, експресно се проби во поредокот, а откако во 12 круг го мина лидерот Ферстапен, рутински дојде до победата.

Низ поредкот мораше да се пробива и Норис, откако во првиот свиок, по борбата со Фертсапен падна на петтото место.

Расел, избра различна стратегија од најдобрите, тоа му се испалтеше и заврши на подиумот. Ферстапен, кој стартуваше од пол-позицијата мораше да се задоволи со четвртото место.

Брилијантна трка возеше и Алекс Албон од Вилијамс. На крајот го освои петтото место, пред Кими Антонели, кој поради грешката на механичарите во боксот немаше можност да се бори за подобар пласман.

Зад младиот Италијанец завршија пилотите на Ферари, Леклер и Хамилтон, а бодови освоија и Карлос Саинц во Вилијамс, односно Јуки Цунода во Ред Бул.