Гресини Рејсинг е првиот тим од МотоГП шампионатот кој ги промовира своите возачи, тоа се Марк и Алекс Маркез.

Двајцата ќе бидат возачи на екипата во МотоГП шампионатот во 2024 година. Од нив се очекуваат возбудливи трки и интересни резултати, посебно од осумкратниот шампион Марк во кого се гледа како главен адут.

За него ова ќе биде прва сезона на Дукати, по настапите за Хонда.

Мексико се откажа од кандидатурата за домаќин на Летните
олимписки игри во 2036 година, објави претседателката на
Олимпискиот комитет на земјата, Марија Хозе Алкала.
Во конкуренција за домаќин на овие Олимписки игри останаа повеќе
земи и според најавите до крај ќе биде неизвесно кој ќе ја добие
шансата да го организира најголемиот спортски собир.
Индија, Турција, Индонезија и Полска претходно се кандидираа за
Олимпијадата во 2036 година и се уште остануваат во трката.
Марија Хозе Алкала додаде дека Мексико најверојатно ќе се пријави
за домаќин на Панамериканските игри во 2027 година.

Ватерполо репрезентациите на Хрватска и Шпанија ќе се борат за трофејот на Европското првенство. Шпанија во првото полуфинале ја победи Италија со 7-4. Овој меч беше реприза на дуелот за бронзениот медал од минатото првенство.

Алваро Гранадос и Фелипе Пероне беа најзаслужни за триумфот во една ваква тешка партија со по два гола.

Хрватите пред домашната публика ја победија Унгарија со 11-8. Најефикасен кај Хрватска беше Јерко Мариниќ Крагиќ со три гола, а Лорен Фатовиќ додаде два.

Кај Унгарците со по три гола најдобри беа Винс Вигвари и Адам Наѓ.

Промените во раководството на Светската автомобилска федерација продолжуваат со заминување на долгогодишниот технички директор, Тим Гос. Тој е втор кој заминува откако претходно функцијата спортски директор престана да ја врши Стив Нилсен.

Гос беше централна фигура во процесот на формирање на новите правила кои ќе важат од 2026 година, додека функцијата на Нилсен кој беше доведен пред нешто повеќе од година дена беше надгледување на контролата на операциите по контроверзијата на Големата награда на Абу Даби во 2021 година.

Швајцарскиот ски-скокач Симон Аман на 42-годишна возраст ќе настапи на својата 25 Новогодишна турнеја „Четири скокалници“.

Тој се наоѓа на списокот на репрезентацијата што го објави Швајцарската скијачка федерација.

Четирикратниот олимписки шампион од 2002 и 2010 година ќе биде на скокалниците во Оберстдорф, Гармиш-Партенкирхен, Инсбрук и Бишофсхофен во тим со Грегор Дешванден, Килијан Пејер и 20-годишниот Рем Имхоф.

Многумина очекуваа дека ланската олимписка сезона ќе биде последна за Аман, но тој повторно беше вклучен во репрезентацијата пред новата сезона.

Светски првак стана во 2007 година во Сапоро, има 23 индивидуални победи на Светското првенство и 80 пати бил на подиумот.

Новогодишните празници тешко се замислуваат без „Четирите скокалници“, традиционално натпреварувањето започнува во двата германски зимски центри Оберстдорф (29 декември) и Гармиш-Партенкирхен (1 јануари), а потоа најдобрите светски натпреварувачи се селат во Австрија, односно Инсбрук (3 јануари) и Бишофсхофен (6 јануари).

Челниците на Европската пливачка организација (ЛЕН) одлучиja
Европското првенство во пливање следната година да се одржи во
Белград, од 10 до 23 јуни.
Првично, ова првенство требаше да се одржи во Казан, Русија, но
откако започна војната во Украина и сите меѓународни натпревари на кои требаше да биде домаќин Русија автоматски беа одложени,
челниците на ЛЕН доделија нов домаќин.
Освен во пливање, Белград ќе биде домаќин и на натпревари во
синхронизирано пливање и скокови во вода, како и во далечинско
пливање.
Првенството во Белград ќе биде и последна можност за
натпреварувачите во овие спортови да го исполнат олимпискиот
стандард, пред Игрите што ќе се одржат во Париз.

Човекот кој освои седум титули на „Тур Д’Франс“ и стана еден од најуспешните спортисти, Ленс Армстронг ги шокираше навивачите откако призна дека користел дроги.

Поради допинг на Армстронг му беа одземени сите титули од трките во Франција, а неодамна во една емисија зборуваше за тоа.

„Не се обидувам да го оправдам тоа или да кажам дека би го повторил делото, но факт е дека сум тестиран 500 пати, а никогаш не паднав на допинг контрола. Реалноста е во тоа што некои супстанции траат четирии часа. Со дрогата која ја користев би се променил нашиот спорт. Не сакам да охрабрам било кој да го направи тоа. Вистината е тоа што дрогата не можеше да се открие“, вели Армстронг.

Јон Рам, голф играч од Шпанија, е новиот најплатен спортист во светот. Платен повеќе од фудбалерите Лионел Меси и Кристијано Роналдо заедно, стана со потписот на договор вреден 555 милиони евра со ЛИВ голф лигата од Саудиска Арабија, пренесува „Дејли Меил“.

Рам е трет на светската листа и Мастер Шампион и сега испиша историја со трипати поголем договор од оној што Саудијците му го платија и на шесткратниот шампион Фил Микелсон пред година и пол.

ЛИВ голф лигата имаше намера да го направи Тајгер Вудс најплатен спортист во светот, но тој одби понуда од 920 милиони евра, додека Рори Мекилрој го одби нивниот предлог за договор вреден 290 милиони евра.

Фабио Ди Џанантонио во наредната сезона во Мото Гран При шампионатот ќе биде член на Дукати.

„Момци, ајде да се забавуваме“, рече Џанантонио во краткото видео што „VR46 Ducati“ го објави на социјалните мрежи. Возачот утре ќе дебитира за новиот тим.

Тоа ќе се случи на единствениот ден за тестирање по сезоната во Кралската класа за 2023 година. Тестот ќе се одржи на патеката во близина на Валенсија.

Околу 15.000 војници ќе бидат мобилизирани за Олимписките игри во Париз што се одржуваат летото 2024 година, од кои 10.000 во поширокото подрачје на главниот град на Франција.

Во оваа фаза, 250 дена пред истекот на рокот, армијата се подготвува да регрутира околу 15.000 војници на национално ниво, од кои околу 10.000 ќе бидат распоредени во Париз и неговата околина, изјави генерал Кристоф Абад.

Во тој број војници не се вклучени лицата од безбедносниот приватен сектор. Организацискиот комитет на Олимпијадата оценува дека од 17.000 до 22.000 безбедносни агенти се неопходни за да се обезбеди едно натпреварувачко место.

За таков вид обезбедување се пријавија повеќе приватни компании. Олимписките игри ќе се одржат од 26 јули до 11 август 2024 година.