Хрватска по третпат во својата историја е светски шампион во ватерполо.
Хрватска во финалето ја победи Италија со 15-13 по мечот пет репрезентативци и со тоа го освои светското злато. Најефикасен во хрватскиот тим беше Константин Харков со четири гола, Јерко Мариниќ Крагиќ додаде три, Рино Буриќ два, а Јосип Врлиќ и Матиас Биљака по еден.
Андреа Фондели постигна пет гола за Италија, Франческо Ди Фулвио и Николас Прешути додадоа по два, а Лука Марцијали и Франческо Кондеми по еден.
За Хрватска ова е трета титула светски шампион, по Мелбурн во 2007 година и Будимпешта во 2017 година.
Кик-бокс клубот “Самурај“ продолжува да нижи успеси
На ден 11.02.2024 година во Спортската сала Јане Сандански во Скопје, се одржа Државно Првенство во Кик бокс, на кое учествуваа 417 натпреварувачи од 27 клубови од Македонија.
На ова натпреварување Кикбоксерите од битолскиот Кик-бокс Клуб “Самурај“ освоија 10 медали од кои 5 златни и 5 сребрени:
На ова натпреварување од Самурај исто така настапија Филип Стојковски и Енес Баталоски, кои имаа одлични настапи, па во следни натпревари очекуваме и од нив да освојат медали.
Тренерите на Самурај Тони Бошевски и Гордана Цветковска Бошевска се презадоволни од своите натпреварувачи, и ни изјавија дека продолжуваат со тренинзи уште посилно, бидејќи за брзо следат и повеќе меѓународни натпреварувања.
МекГрегор и Чендлер избраа термин за меѓусебен дуел
Претседателот на УФЦ, Дејна Вајт, потврди дела борбата меѓу Ирецот Конор Мек Грегор и Американецот Мајкл Чендлер ќе биде организирана во текот на оваа година.
„Тоа ќе се случи со текот на времето. Се надеваме оваа година. Се уште нема датум. Но, се надевам дека ќе можеме да организираме сè на есен“, рече Вајт.
Претходно и самиот Мекгрегор изјави дека неговата прва борба по паузата ќе биде со Американецот Мајкл Чендлер.
Отворена истрага против првиот човек на Ред Бул
Првиот човек на Ред Бул, Кристијан Хорнер, барем според пишувањата на светските медиуми е под истрага поради неприкладно однесување кон една девојка во тимот.
Да потсетиме дека Хорнер е оженет со позната пејачка Гери Халовеј, некогашна членка на мега – популарната група “Спајс грлс“.
Портпаролот на Ф1 ги потврдил овие наводи и дека е покрената истрага за однесувањето на Хорнер. Инаку тој демантира се она што е поврзано со овој случај.
Исто така и членовите на тимот со кои новинарите контатирале се шокирани од се ова во врска со Хорнер.
Познат новиот термин за борбата Усик – Фјури
Презакажаната пресметка меѓу шампионот на ВБЦ во тешка категорија Тајсон Фјури и шампионот на ВБА, ИБФ и ВБО во тешка категорија Олександр Усик ќе се одржи на 18 мај.
Новиот датум го објави принцот саудискиот принц Турки Ал аш-Шеик, во поткастот „The MMA Hour“.
Борбата меѓу Британскиот боксер Фјури и Украинецот Усик требаше да се одржи на 17 февруари во Ријад, Саудиска Арабија. Причина за откажувањето на мечот беше тоа што британскиот боксер доби сериозна расекотина на окото при спаринг.
Фјури вчера се извини за откажувањето на првичниот датум за боксерскиот спектакл.
Хамилтон: Потписот за Ферари е најтешката одлука во мојот живот
Во текот на вчерашниот ден беше потврден еден од најголемите трансфери воопшто во спортот, Биртанецот Луис Хамилтон се одлучи од 2025 година да вози за тимот на Ферари.
Во текот на вчерашниот ден беше потврден еден од најголемите трансфери воопшто во спортот, Британецот Луис Хамилтон се одлучи од 2025 година да вози за тимот на Ферари.
Ферари за Хамилтон ќе биде само третиот тим во Формула 1 откако претходно ја започна кариерата во Мекларен за кој возеше од 2007 до 2012 година и освои една титулата, додека по преселбата во Мерцедес додаде уште шест во својата богата кариера.
„Поминав 11 прекрасни години во Мерцедес и горд сум на успесите кои ги постигнавме. Мерцедес е дел од мојот живот уште од кога имав 12 години. Ова е место каде што пораснав и затоа одлуката да заминам е најтешката која сум ја донел во кариерата. Но, сметам дека доаѓа во вистинско време да направам нов чекор. Засекогаш ќе бидам благодарен за неверојатната поддршка која ја имав, посебно на Тото Волф за пријателството и лидерството сакам заедно да ја завршиме сезоната на високо ниво“, изјави Хамилтон.
Одложен боксерскиот спектакл Усил – Фјури
Борбата за неприкосновен светски шампион во тешка категорија меѓу Тајсон Фјури и Александар Усик е одложена откако Британецот се здоби со сериозна расекотина на тренинг, поради што беа потребни конци.
Неговиот тим објави соопштение во кое се вели дека Фјури е „апсолутно разочаран“.
Како што е соопштено, 35-годишниот Фјури имал лош спаринг натпревар на неговиот тренинг камп во Саудиска Арабија во петокот.
Борбата меѓу Британецот и Украинецот требаше да се случи на 17 февруари во Ријад.
Доколку борбата се одржи подоцна, победникот ќе биде прогласен за првиот неприкосновен шампион во тешка категорија во ерата со четири појаси.
Големата награда на Јапонија останува во календарот до 2029 година
Големата награда на Јапонија, која традиционално се вози во Сузука,
останува во календарот на Формула 1 до 2029 година, соопшти
денеска Ф1.
На патеката во Сузука веќе се одржани 33 трки, а премиерното
издание беше во 1987 година.
Рекордер според бројот на победи во Сузука е Германецот Михаел
Шумахер, кој шест пати ја освојуваше ГН на Јапонија.
Новата сезона во Формула 1 стартува на 2 март со ГН на Бахреин, а во
календарот се вклучени 24 трки.
Трката за ГН на Јапонија во новата сезона е на програмата на 7 април.
Париз очекува рекорден број гледачи на отворање на Олимпијадата
Олимписките игри 2024 ќе ги обезбедуваат повеќе од 35.000 полициски службеници на кои француската Влада вчера најави дека за ангажманот ќе ги награди со бонус до максимален износ од 1.900 евра.
Бројот на гледачи кои ќе можат да присуствуваат на церемонијата на свеченото отворање на летните Олимписки игри на бреговите на Сена ќе биде „околу 300.000“, објавија денеска француските власти.
До отворањето на Игрите на 26 јули преостануваат 177 денови, а организаторите се подготвуваат за спектакуларна церемонија.
Предводено е спортистите од сите земји учеснички на претстојната олимпијада да продефилираат на свеченото отворање на 160 бродови кои ќе пловат по рутата долга шест километри.
Церемнијата на свеченото отворање е планирано да трае три часа. До овој момент помалку од десет луѓе се запознати со секој чекор на церемонијата.
Олимписките игри 2024 ќе ги обезбедуваат повеќе од 35.000 полициски службеници на кои француската Влада вчера најави дека за ангажманот ќе ги награди со бонус до максимален износ од 1.900 евра.
Мадрид доби улична Формула 1 трка по 45 години
Шпанската престолнина Мадрид и Светската автомобилска федерација (ФИА) потпишаа договор за соработка до 2035 година. Трките во Формула 1 на тој начин ќе се вратат на улиците на Мадрид по 45 години.
Од 2026 година Шпанија ќе биде домаќин две трки во првенството на Формула 1, бидејќи Каталонија е редовна локација од 1991 година.
Во вторникот, извршниот директор на Формула 1, Стефано Доменикали и градоначалникот на Мадрид, Хосе Висенте де лос Мосос, пред медиумите го претставија планот за трката во Мадрид. Позната е и рутата по која ќе возат болидите.
Трката ќе се вози недалеку од центарот на градот, патеката ќе минува и покрај некои познати градби од историска важност, што ќе додаде дополнителен шарм на овој спектакл.
Патеката ќе биде долга 5 километри, ќе има 20 свиоци, а идејата на организаторот е да обезбеди капацитет за 140.000 луѓе.
