На радост на бројните љубители на Формула 1, во објавениот нов календар на трки за 2023 година ќе бидат вклучени вкупно 24.
Од Ф1 потврдуваат дека во календарот остануваат легендарните стази во Монте Карло и Спа-Франкошамп.
Нова трка ќе се одржува во Лас Вегас, а во календарот се враќаат и трките во Катар и Кина. Новата сезона започнува во Бахреин на 5.март, а се завршува во Абу Даби на 26.ноември.
Битолските Боксери Браќата Ален и Ружди Рустемовски настапија на Силниот Меѓународен Боксерски турнир Војводинска Златна Нараквица на која учество зазедоа 24 земји од сите континенти.
Ален Рустемовски настапи во категоријата до 57кг против боксерот од Украина, Иван Завадски Ален и тесно загуби со 3:2.
Ружди Рустемовски настапи во категоријата до 60кг против боксерот од Казахстан, Анарбајев Бахтијар и исто така загуби, но 4:1.
Бахтијар беше финалист во Категоријата и најдобар Странски боксер на турнирот.
“Ова за нас беше големо искуство и докажавме дека можеме да се носиме со сите светски боксерски велесили.” – велат од боксерскиот клуб, по што искажаа голема благодарност до спонзорите како спортските обложувалници Евротип.
Според последните гласини, шефот на Дорна Спорт, сопственикот на комерцијалните права во Мото ГП, Кармело Еспалета, следната недела ќе ја посети Индија за официјално да го објави вклучувањето на земјата во календарот на шампионатот.
Најверојатно 2024 година е реално Индија да влезе во Мото ГП, иако некои информации велат дека тоа може да се случи и следнат година. Шампионатот ќе ја користи патеката Буд надвор од Њу Делхи, која помеѓу 2011 и 2013 година беше домаќин на единствените три изданија на Индиското ГП во Формула 1.
Пет кандидати се номинирани за наградата за најдобар млад спортист
„Пјотр Нуровски“, што ја доделува Европскиот олимписки комитет. За најдобар млад спортист во Европа за 2022 година конкурираат Ангелина Топиќ (атлетика – Србија), Дарија Атманов (гимнастика – Израел), Софија Далиду (веслање – Грција), Андреа Спендолини Сириекс (скокови во вода – Велика Британија) и Филипо Бертони (пливање – Италија).
Најдобриот млад спортист го избираат претставници на сите национални олимписки комитети од Европа. Наградата за најдобар млад спортист во Европа, „Пјотр Нуровски“ се доделува од 2010 година, кога беше востановена и именувана по трагично загинатиот претседател на Олимпискиот комитет на Полска, кој го загуби животот во авионска несреќа.
Филип Даглас Џексон (роден на 17 септември 1945 година) е американски поранешен професионален кошаркар, тренер и извршен директор. Како моќен напаѓач, Џексон играше 12 сезони во НБА, освојувајќи НБА шампионати со Њујорк Никс во 1970 и 1973 година.
Џексон беше главен тренер на Чикаго Булс од 1989 до 1998 година, што ги доведе до шест шампионски титули во НБА.
На 16 Септември 1953 година е роден Мануел Пелегрини, професионален фудбалски менаџер од Чиле кој моментално е менаџер на Реал Бетис. Во неговата кариера како тренер раководел со екипи во Шпанија, Англија, Аргентина, Чиле, Кина и Еквадор. Пелегрини има освоено национални лиги во четири земји.
На 15 Септември 1978 година Мухамед Али по трет пат го освои светскиот шампионат во бокс во тешка категорија со победата над Леон Спинс.
Каква легенда!
На 14 Септември 1929 година се одржа националното првенство на САД за мажи во тенис, Форест Хилс NY: Бил Тилден ја освои седмата титула на САД; го победи Френсис Хантер со 3-6, 6-3, 4-6, 6-2, 6-4
На 13-ти Септември 1989 година е роден Томас Милер, Германската машина на Баерн Минхен. Тој го држи рекордот за најмногу асистенции во Бундеслигата, со 152 асистенции.
Одбојкарите на Италија ја победија Полска синоќа во Катовице со 3-1 во финалето на Светското првенство.
Натпреварот започна како што очекуваа домашните навивачи со победа во првиот сет на полските одбојкари со 25-22. Италијанците не се предадоа и со целосен пресврт го добија финалето. Во вториот сет беше 25-21, во третиот 25-18, во четвртиот 25-20.
Ова е прв трофеј за Италија на Мундијалите по пауза од 24 години. Претходно тие победија во 1998, исто како и во 1990 и 1994 година. Во натпреварот за бронзениот медал, Бразил ја совлада Словенија со 3-0, по сетови 25-18, 25-18, 22-25 и 25-18. Мундијалот во Полска и Словенија се играше од 26 август до 11 септември.
