Осумкратниот светски шампион Марк Маркез беше најбрз во квалификациите на патеката Балатон Парк во рамките на трката за Големата награда на Унгарија во Мото ГП шампионатот.

Освојувачот на титулата во „кралската класа“ во шест наврати го направи најбрзиот круг и со тоа го заслужи стартното место на утрешната трка.

Од првиот ред ќе стартуваат и Италијанците Марко Безеки (Априлија, +0.290) и Фабио ди Џанантонио (VR46, +0.354).

Маркез ја освои 74-тата пол позиција во својата кариера, а постави и рекорд на патеката, каде што Мото ГП се вози за првпат.

Големата награда на Малезија на патеката во Сепанг се возеше од 1999 до 2017 година и беше една од омилените на многу фанови во караванот.

Сега веќе долго време е отсутна од календарот, но постои иницијатива да се врати.Директорот на патеката, Азан Шафриман Ханиф, рече дека нема да биде лесно, Формула 1 да се врати во Малезија.

„Не сакаме да ги повториме грешките од минатото. Дозволивме Формула 1 да си оди и сега е многу тешко да се вратиме. Има листа на чекање за враќање, а секако трошоците се многу високи.

Ни беше кажано дека компензациите се 70 милиони долари по трка. Тоа не ги вклучува трошоците за подготовка, кои се помеѓу 2,3 и 4,7 милиони долари за секој настан. Вкупно, враќањето на трката би нè чинело повеќе од 73 милиони“, рече Шафриман.

Украинската атлетичарка Марина Бех-Романчук, вицешампионка на светот во трискок и скок во далечина, е суспендирана на четири години поради допинг, објави Одделот за интегритет на атлетските спортови (АИУ).

„АИУ ја суспендира Марина Бех-Романчук (Украина) за период од четири години, почнувајќи од 13 мај 2025 година, поради присуство/употреба на забранета супстанца (тестостерон)“, се вели во соопштението објавено на мрежата „X“.

29-годишната Бех-Романчук била позитивна на тестостерон, анаболичен стероид, на тест спроведен на 7 декември 2024 година. Привремено била суспендирана во мај оваа година.

Во својата кариера, таа освоила сребрени медали на светските првенства – во трискок во Будимпешта во 2023 година и во скок во далечина во Доха во 2019 година.

Македонската одбојкарска репрезентација вечерва во Скопје ја совлада Грузија и избори учество на Европското првенство 2026.

Македонците по четврти пат во низа ќе играат на континенталното првенство.

„Црвено-жолтите“ успеаја да дојдат до посакуваната убедлива победа над Грузијците со 3-0, по сетови 25-13, 25-16 и 25-17.

Избраниците на селекторот Јошко Миленкоски го освоија второто место во Ф-групата и како една од петте најдобро второпласирани селекции во квалификациите одат на ЕП 2026.

На престижната аукција на „Сотбис“ во Монтереј овој викенд, ќе биде понуден „Дукати Десмоседичи ГП8“ од 2008 година, во специјална ливреја со мотиви од знамето на Соединетите Американски Држави, управуван од легендарниот Ники Хејден.

Моторот, кој моментално е во „шоу мотор“ состојба би можел да се врати на патеката со соодветните делови.

Тоа е уникатен примерок од инвентарот на моделите ГП7 и ГП8, со компоненти набавени директно од фабричкиот тим на Дукати во 2010 година.

Хејден го тестираше овој мотор веднаш по завршувањето на сезоната во Мото ГП во 2008 година, пред да премине од Хонда на Дукати и да формира силен тандем со Кејси Стонер.

Овој модел носи дополнителна доза на историско значење, нема ознаки на спонзор бидејќи се користел во преодниот период помеѓу заминувањето на Хејден од Хонда и неговото доаѓање во Дукати, што го прави уште попривлечен колекционерски предмет денес.

Рамката на мотоциклот е изработена во јули 2008 година, а има и нов, неискористен блок на моторот и резервоар за гориво користен за трки.

Аукциската куќа очекува голем интерес, особено кај фановите на „Кентаки Кид“ кој трагично загина во 2017 година.

Евротип започнува нова промотивна кампања наменета за сите нови корисници кои сакаат да станат дел од најпопуларната платформа за спортско обложување во Македонија.

Почнувајќи од сабота, 16 август 2025 година, секој ново-регистриран корисник ќе добие ваучер во вредност од 200 денари, кој може да го искористи веднаш по регистрацијата.

Како да добиеш ваучер?
1.   Посети ја најблиската обложувалница на Евротип
2.   Изврши нова регистрација
3.   Веднаш искористи ја твојата активна клуб картичка

Зошто да ја имате Евротип Клуб картичката:
1.   Максимална исплата до 10.000.000 денари – добивате можност за највисока исплата на пазарот.
2.   777% бонус на одиграни натпревари – добивате зголемен бонус за повеќе одиграни парови.
3.   Најдобрата програма за лојалност на пазарот – собирајте поени и користете ги за ексклузивни поволности. https://ksgroup.mk/loyalty/
4.   Исплата на тикет со еден промашен пар (Cash Back) – ако промашите само еден пар, добивате поврат на средства.
5.   Преглед и историја на одиграни тикети – следете ги сите ваши претходни тикети преку картичката.
6.   Можност за креирање на тикети на картичка за брза уплата – побрзо и поудобно обложување со однапред креирани тикети.                     
За сите детали и дополнителни информации и промоции, посетете го официјалниот блог на Евротип:    https://blog.evrotip.mk/blog2/e-info/

Швеѓанецот Арман Мондо Дуплантис го собори сопствениот светски рекорд во скок со стап со скок од 6,29 метри на атлетскиот собир во Будимпешта.

На 25-годишна возраст, Дуплантис го собори светскиот рекорд по 13-ти пат, трет пат во 2025 година по Клермон-Феран (6,27 м) во февруари и Стокхолм (6,28 м) во неговата татковина на 15 јуни.

Од настапот во Стокхолм, тој на три последовни натпревари скокна преку шест местри и повеќе (6,13 м во Острава, Чешка, 6,00 м во Јуџин, Орегон и 6,05 м во Монако).

Дуплантис ја забележа својата 33-та натпреварувачка победа и е непоразен од Монако на 21 јули 2021 година.

Новиот Формула 1 тим „Кадилак“ сè уште не го потврдил составот на возачи за својата дебитантска сезона. Според најновите информации, во игра се двајца возачи со големо искуство и победничко педигре.

„Џенерал моторс“ ќе влезе во Формула 1 во 2026 година како 11-ти тим под луксузниот бренд „Кадилак“. Дебито ќе се одржи во моментот кога новите технички правила ќе стапат во сила, а проектот е заеднички потфат на „Џенерал моторс“ и „ТВГ“.

Иако составот на возачите сè уште не е потврден, медиумите наведуваат неколку можни кандидати. Меѓу имињата се Серхио Перез, Валтери Ботас, Мик Шумахер, Жу Гуанжу и Фелипе Друговиќ, како и американските возачи Зак Крофорд и Колтон Херта.

Сепак, според некои извори првиот избор на новиот Ф1 тим се искусните Перез и Ботас.

Македонскиот атлетичар Андреас Трајковски го освои третото место во скок во далечина на митингот во Сестриере, Италија. Тој во последната серија имаше скок со должина од 7.87 метри, но со недозволен ветар од +3.8 м/с.

Македонскиот атлетичар имаше во сите шест серии успешни скокови.

1 обид – 7.64 метри (-1.9)

2 обид – 7.69 метри (+0.4)

3 обид – 7.61 метри (-1.1)

4 обид – 7.57 метри (+0.5)

5 обид – 7.61 метри (+3.7)

6 обид – 7.87 метри (+3.8)

Првото место му припадна на Кристијан Пули од Финска со скок со должина од 8.06 метри, истата должина ја имаше и второпласираниот Мариус Вадеикис од Литванија, но со послаба серија.

Во трилер-завршница, која ги изненади и најголемите оптимисти, ШК Алкалоид во последното седмо коло од Екипното првенство на Македонија со нерешен резултат 3-3 успеа да стигне до својата 27. титула, сметано од 1992 година до денес, при што тринаесетта во низа.

Ждрепката сакаше најтрофејниот шаховски колектив на Македонија токму на крајот да игра со младите играчи кои потекнуваат од школата на Алкалоид, но мечот се претвори во можност за сензација, па само сталоженоста и квалитетот на играње под висок притисок им помогна на сениорите да успеат да се вратат во игра, откако резултатот беше 3-1 за ШК Мулти Есенс. Изненадувањето во мечот започна со триумфот на Кирил Николовски на шестата табла, кој го казни грубиот превид на ВМ Звонко Станојоски, по што следуваше и триумфот на втората табла, каде што ВМ Лука Дршаковиќ го надигра ВМ Велимир Ивиќ. Ремито на првата табла, ВМ Александар Инѓиќ против ВМ Леон Ливајиќ, не беше изненадување, но затоа на четвртата табла ИМ Емил Ристески се намачи за да дојде до реми со Стојан Велкоски. Во финишот ИМ Филип Панчевски го совлада Михаил Јорданов на третата табла, а ИМ Тони Лазов блесна во завршницата за да го израмни резултатот во мечот со победа над Матео Ефтовски.

Тоа донесе апсолутен триумф за овие два клуба на конечната табела од Шампионатот! ШК Алкалоид е прв со 13 бода (6 победи и еден нерешен меч), а ШК Мулти Есенс е втор со 12 бода (5 победи и два нерешени меча). И двете екипи останаа непоразени на Шампионатот.

– Со години наназад друг клуб беше наш ривал во борбата за првото место, па откако беше обезбедена таа победа во 4. коло, надвладеа оптимизмот дека работата е завршена. Во меѓувреме младинците од ШК Мулти Есенс играа сѐ подобро од меч во меч и стекнаа голема самодоверба. Тие имаа сѐ што ѝ е потребно на една екипа за успех и навистина ја направија борбата за титулата драматична. Уште еднаш се покажа дека титулите и рејтингот не играат сами, туку победите ги носат играчите кои ќе останат смирени и фокусирани во текот на целата партија и нема да направат грешки. Оваа титула на ШК Алкалоид се должи само на искуството на играчите, кои подобро се снајдоа во последните минути од мечот, додека за ШК Мулти Есенс ова второ место сигурен сум дека има вредност како да се први, бидејќи лани влегоа во елитното друштво и оваа година имаа цел да изборат опстанок, а се случи сензација – изјави ВМ Драган Јаќимовиќ, капитен на ШК Алкалоид.

За шампионскиот тим на Алкалоид, покрај интернационалците ВМ Александар Инѓиќ (актуелен Европски Шампион) и ВМ Велимир Ивиќ на првите две табли, настапија уште и ИМ Филип Панчевски, ИМ Емил Ристески, ИМ Тони Лазов и „велемајсторската гарда“ составена од ВМ Трајко Недев, ВМ Звонко Станојоски и ВМ Драгољуб Јаќимовиќ.
Целосната доминација на ШК Алкалоид на овогодинешните шампионати е комплетирана, со оглед дека претходно женскиот тим на ШК Алкалоид ја освои титулата кај дамите, каде што ИМ Лела Јавакишвили и ВМ Бела Котенашвили играа заедно со ЖИМ Габриела Коскоска, ЖФМ Моника Стојковска, ЖФМ Моника Жежовска и Леа Ефтовска.

Во освојувањето на второто место кај ШК Мулти Есенс учествуваа ВМ Леон Ливајиќ и ВМ Лука Драшковиќ, заедно со Михаил Јорданов, Теодор Јовановски, Стојан Велкоски, Матео Ефтовски, Кирил Николовски и Дино Табаковски. Сите момчиња кои денес се на возраст од дваесетина години од најрана возраст ја учат шаховската игра во јуниорската шаховска школа на Алкалоид!

Следен предизвик за ШК Алкалоид ќе биде новиот настап на Европскиот клупски куп, кој е на програмата од 18 до 26 октомври во Грција.