Новак Ѓоковиќ го откажа настапот на Мастерсот во Синсинати и
годинава нема да го брани трофејот, кој во 2023 година го освои.
Организаторот потврди дека српскиот тенисер нема да биде дел
од ждребот и веќе е одреден тенисерот кој ќе го замени, а сосема
логично е дека најважна причина за ваквата одлука е
исцрпувачкиот настап на Олимписките Игри.

„Здраво на сите, пишувам за да ве информирам дека решив да не учествувам на УС Опен оваа година. Имам прекрасни спомени поврзани со ова место. Ќе ми недостигаат енергичните вечерни сесии во Њујорк на теренот „Артур Еш“, но мислам дека овојпат нема да можам да дадам 100% од себе. Ви благодарам на сите мои фанови од САД, ќе ми недостигате многу. До скоро видување“, објави Надал.

Отвореното првенство на САД оваа година ќе се одржи од 26 август до 8 септември.

22-кратниот Грен слем победник Рафаел Надал одговори на прашање за пензионирање.

“Ова ме прашуваат често во последно време. Секој ден се трудам да дадам максимум. Кога ќе заврши овој турнир, ќе ги донесам потребните одлуки врз основа на тоа како се чувствувам и што сакам. Денеска не знам“, рече Надал на прес-конференција по поразот од Ѓоковиќ.

Шпанскиот тенисер истакна дека доколку почувствува дека повеќе не може да се натпреварува, ќе одлучи да стави крај на кариерата.

Во второто коло на Олимпијадата 2024, Надал вчера загуби од Србинот Новак Ѓоковиќ со резултат 1-6, 4-6. Меѓусебниот биланс е 31-29 во корист на Ѓоковиќ.4

Големата ѕвезда на светскиот тенис, Шпанецот Рафаел Надал одлучи да игра на овогодинешниот УС Опен.

Специјализираниот тениски портал „Only Tennis“ ја објави веста која ги разбуди фановите на трофејниот Шпанец.

Според нивните сознанија, Надал ќе го искористи заштитениот пласман за влез во главната ждрепка и ќе игра на последниот Грен слем во сезоната.

Надал четирипати во кариерата триумфираше на УС Опен, а последната титула во Њујорк ја освои во 2019 година.

Германскиот тенисер Александар Зверев поради повреда на левото колено би можел да ги пропушти претстојните Олимписки игри во Париз, каде треба да ја брани титулата освоена пред три години во Токио.

Зверев се лизна на тревата за време на дуелот од 3. коло против Британецот Камерон Нори во Вимблдон, но успеа да го добие тој меч за да се појави на теренот во мечот од 4. коло против Американецот Тејлор Фриц со завој околу левото колено.

Најдобрата македонска тенисерка Лина Ѓорческа не успеа да ја мине првата квалификациска пречка на Грен Слем турнирот Вимблдон кој се игра на трева во Лондон.

Ѓорческа загуби од Американката Саша Викери по два тај-брејка, со резултат 6-7, 6-7. Мечот против 138. рангираната тенисерка траеше час и 45 минути, а Македонката одлично парираше и во двата сета на повисокорангираната ривалка.

Во првиот тај-брејк, Викери успеа да слави со 7-1 во поени, додека во вториот тај-брејк мечот заврши со резултат 7-5.

Ѓорческа оваа сезона настапи и на Австралијан Опен и Ролан Гарос, но не успеа да ги мине првите квалификациски пречки.

Италијанецот Јаник Синер го победи Полјакот Хуберт Хуркач во денешното финале на турнирот од серијата АТП 500 во Хале (Германија).

Натпреварот траеше 101 минута и заврши со 2-0, по сетови 7-6 (10-8) и 7-6 (7-2).

Синер забележа 10 аса во текот на играта, направи една двојна грешка и не реализираше ниту една од трите брејк топки. Хуркач имаше 13 аса и не ја реализира единствената брејк-топка.

Дваесет и двегодишниот Синер го освои 14. АТП турнир во кариерата.

Ова лето не очекуваат и Летните олимписки игри кои ќе се одржат во Париз. Натпреварите во тенисот ќе се одржуваат на истите терени како и Ролан Гарос.

Српскиот тенисер Новак Ѓоковиќ потврди дека ќе учествува на Олимпијадата. Ова денес го потврди Олимпискиот комитет на Србија. Релевантните информации се рефлектираат во соопштението за печатот на организацијата.

Да потсетиме, на претходните Олимписки игри во Токио, Новак Ѓоковиќ не успеа да освои медал. Интересно е тоа што своето учество веќе го најавија Карлос Алкараз и Рафаел Надал кои треба да настапат во двојки.

Руските тенисери Андреј Рублев, Карен Хачанов и Људмила Самсонова нема да учествуваат на Олимписките игри ова лето во Париз, соопшти денеска претседателот на руската Тениска федерација Шамил Тарпишчев.

„Рубљов, Хачанов, Самсонова нема да играат на Олимпијадата. На Андреј му треба закрепнување, се наталожил замор. Неговото тело не е од железо“, изјави Тарпишчев.

Рублев (26), кој е шесторангиран на АТП листата, на Олимписките игри во Токио во 2021 година, во тандем со Анастасија Пављученкова стана олимписки шампион во мешани двојки, а го освои Дејвис купот и АТП купот како дел од рускиот тим.

Хачанов (28) е на 22-то место на светската ранг-листа, додека 25-годишната Самсонова е рангирана на 15. место во светот и има освоено четири ВТА титули. Олимписките игри во Париз ќе се одржат од 26 јули до 11 август.

Карлос Алкараз за прв пат во кариерата го освои Ролан Гарос. Сепак, одличниот Шпанец нема многу време за одмор.

За две недели ќе почне да ја брани титулата на „Вимблдон“ до која стигна по одличниот меч против Новак Ѓоковиќ.

Вториот светски рекет веќе ја изрази својата желба со кого би сакал да игра во евентуалното финале на терените на Ол Ингланд клубот.

„Ако сакате да освоите Гренд слем, треба да ги победите најдобрите. Би сакал повторно да играм против Синер, но овој пат во големото финале“, изјави Алкараз.

Карлос конкретно ја спомена улогата на својот тренер Хуан Карлос Ферер.

„Понекогаш не знам што да правам на теренот. Во тие ситуации секогаш го слушам Феро. Би сакал тој да биде со мене до крајот на кариерата“, изјави Алкараз