Во деновите од викендот на терените на ТК МТП беше одржан завршниот тренинг камп за македонските репрезентативци во младинските категории кај момчињата и девојчињата. Ова беше убава можност за сите на едно место за дружба, тениска игра и пред се активности од забавен карактер да ја заокружат 2024 година.

Главни учесници беа тенисерите и тенисеките на возраст од 12 години, 14 години, 16 години и 18 години и низ размена на искуство се одржа овој камп што беше во организација на јуниорскиот капитен Круно Деспотовски, како и заменикот јуниорски капитен Тања Стојановска.

Младиот македонски тенисер Андреј Темов претстојува во Мајорка, Шпанија во Академијата Рафаел Надал на тенискиот фестивал за тенисери до 12 години. Темов доби покана од организаторот и од Tennis Europe да биде дел од тенискиот фестивал за крај на годината. Поканата од организаторот ја доби врз основа на постигнатите резултати.

Како дел од тенискиот фестивал ќе се одржува и турнир за играчи до 12 години, на кој настапуваат најуспешните во оваа возрасна категорија. Вкупниот број на тенисери и тенисерки е по 32 во секоја конкуренција од вкупно 23 држави. Претстојот во Мајорка ќе биде големо искуство за малиот Андреј особено што покрај мечевите, ќе има можност и за тренинзи.

Заедно со Андреј во Мајорка е и неговиот тренер Владимир Чубриноски.

Изминатиов период во организација Tennis Europe и ITF се одржа Регионална конференција на тренери во Аја Напа на Кипар. На Конференцијата присуствува и активни беа повеќе од 100 тренери од 30 држави од Европа, а македонски претставници беа Горан Шевченко, спортски дирeктор и Тања Стојановска, помошник јуниорски капитен.

Шевченко беше на покана на организаторите Tennis Europe и ITF и имаше излагања на две теми. Првата беше развојот и активностите во македонскиот тенис, во изминатиов период и активности кои следуваат, додека втората тема беше работа со тенисерки под 14 години, кои се меѓу најдобрите во својата генерација. Стојановска имаше десетминутно излагање на тема тениски фестивал.

На Конференцијата се обратија и Маркос Багдатис од Кипар и Ернест Гулбис од Летонија, двајцата тенисери кои во својата професионална кариера беа во ТОП 10. Багдатис беше финалист на Австралија Опен 2006, додека Гулбис играше во полуфиналето на Ролан Гарос 2014. Двајцата зборуваа за својот развоен пат, од почетоците, па до професионалната кариера. Конференцијата беше успешно организирана, а присутните меѓудруго разменија искуства од своите држави со цел напредок на младите тенисери во двете категории.

Јаник Синер синоќа во Торино го доби трофејот за број еден во светот на крајот од сезоната.

Свечената церемонија се одржа пред натпреварот помеѓу Андреј Рубљев и Александар Зверев на завршниот АТП турнир.

Синер се искачи на првата позиција на светската АТП ранг-листа за прв пат во јуни оваа година и оттогаш не го отстапи на друг.

На турнирот во Торино, вечер од 20 часот Синер ќе се соочи со Тејлор Фриц (САД) во второто коло од А-групата.

Во првиот меч од групата Б на завршниот Мастерс во Торино, Каспер Руд го совлада Карлос Алкараз. Во вториот меч од 20:30 часот се среќаваат Александар Зверев и Андреј Рубљов.

Руд славеше во два сета (6-1, 7-5), за нешто помалку од 90 минути игра.

Откако спаси две брејк топки во првиот гем, Руд одигра брилијантен прв сет.

Во четвртиот гем успеа да направи брејк, а потоа спаси три брејк топки за да ја потврди таа предност. И не застана тука. Додаде уште еден брејк, поведе со 5-1 и со својот сервис ја заврши работата во првиот дел од мечот.

Алкараз прв стигна до брејк во вториот сет, но Норвежанецот возврати во седмиот. Шпанецот сервираше при 5-4 за изедначување, но тука повотрно влезе во „црна дупка“, Руди освои три гема по ред и ја прослави победата.

Коко Гоф ја освои титулата на завршниот ВТА турнир во Ријад, откако во финалето по три сета со 3-6, 6-4, 7-6 ја совлада седмата светска тенисерка, Кинвен Женг од Кина. Тенисерката број три во светот победи по три часа и четири минути и првпат во кариерата ја освои титулата на завршниот турнир.

Сабаленка, која е првопласирана има речиси 4.000 поени повеќе.

„Воопшто не размислувам за број 1, тоа никогаш не ми било во прв план. Освојувањето на Грен слемовите е најважно за мене. Секако, ако добијам шанса, ќе се обидам да бидам прва.

Имаше многу полемики кога беше одлучено да се игра Мастерсот во Ријад, но за Коко тоа веќе не е важно.

„Засекогаш ќе остане запишано во историјата дека првиот женски турнир се одржа во Саудиска Арабија и тоа ќе значи многу за спортот. Очекувам оведе на има уште повеќе турнири“, рече Гоф.

Дваесетгодишната Американка, најмладата во првите десет, го доби најголемиот чек во историјата на женскиот тенис, 4.805.000 долари.

Коко Гоф ќе биде противничката на Чингвен Женг во големото финале на ВТА завршниот турнир што се игра во Ријад.

Во денешните полуфинални пресметки Гоф како и Женг остварија победи без загубен сет, па утре ќе се борат за престижниот трофеј, но и најголемата парична награда во историјата на женскиот тенис-тоа е 4,805,000 долари (толку ќе добие победникот).

Инаку Гоф направи изненадување и ја доби Арина Сабаленка со 7-6, 6-3, додека пак тенисерката од Кина ја суреди Барбора Крејчикова со резултат 6-3, 7-5 за нешто повеќе од еден ипол час игра.

Ждрепката за завршниот АТП турнир во Торино се одржа денеска, а задоволен од неа може да биде светскиот рекет број 1 – Италијанецот Јаник Синер.

Група на Илија Настасе: Јаник Синер, Данил Медведев, Тејлор Фриц, Алекс де Минор

Група Џон Њукомб: Александар Зверев, Карлос Алкараз, Каспер Руд, Андреј Рублев

Пред ждрепката главното прашање беше дали Синер и Алкараз ќе бидат во иста група. Ждрепката одлучи дека тоа нема да биде така, а иако групите се релативно изедначени, впечатокот е дека тенисерот број еден во светот поминал нешто подобро.

Вториот носител Александар Зверев во својата група ги доби Алкараз, но и Руд и Рубљов, кои се далеку од добра форма.

Од друга страна, Медведев го доби Синер, а тоа ќе им биде 11-тиот состанок на во последните две сезони.

На неговиот единствен турнир во сала, Фриц беше нокаутиран во првиот меч од Дрејпер во Берси, а Алекс де Минор се бореше со повреда во вториот дел од сезоната и едвај стигна со завршниот турнир.

Новак Ѓоковиќ нема да ја брани титулата на завршниот АТП турнир оваа сезона.

-За мене е голема чест што успеав да се квалификувам за финалето во Торино. Навистина се радував на турнирот, но поради повреда нема да можам да играм следната недела.

„Им се извинувам на оние кои планираа да ги гледаат моите натпревари. На сите играчи им посакувам одличен турнир. Се гледаме наскоро“, напиша Србинот.

Ѓоковиќ е седумкратен освојувач на трофејот на завршниот турнир.

Натпреварите ќе почнат на 10 ноември.