Седумкратниот победник на Вимблдон Новак Ѓоковиќ (Србија) со победата од 3-1 во сетови над Алекс Де Минор од Австралија се избори за 16-то четвртфинале на Вимблдон. Тој во денешното осминафинале направи пресврт во мечот и по негативата од 0-1 по загубениот прв сет на убедлив начин со 1-6 во гемови ги доби следните три со идентични 6-4 во гемови.

Во четвртиот сет Ѓоковиќ ја покажа својата доминација кога при резултат од 4-1 во гемови за противникот успеа да спаси брејк топка и притоа направи серија од пет освоени гемови.

Во четвртфиналето Ѓоковиќ ќе игра против Флавио Коболи од Италија, кој со 3-1 во сетови го совлада Марин Чилиќ од Хрватска.

Македонскиот тенисер Калин Ивановски го заврши настапот на Челинџер 100 во романскиот град Јаши што се игра за награден фонд од 145.250 евра. Поуспешен од Ивановски беше вториот носител од квалификациите Германецот Марко Торо, кој мечот го доби со 2-0 во сетови (6-3, 6-4) за 102 минути.

Во првиот сет Торо успеа да направи веднаш брејк и поведе со 2:0 во гемови, а Ивановски во следниот гем на сервис не ривалот не ја искористи брејк шансата. Предноста од 3-0 германскиот тенисер ја зачува до крајот на сетот што го доби со 6-3. Во вториот сет Торо во третиот гем направи брејк и поведе со 2-1 во семови. Сетот „се кршеше“ во осмиот гем кога Ивановски имаше три брејк топки, но германскиот тенисер ја задржа предноста од два гема предност (5-3). Таа предност ја зачува до крајот на сетот што забрши со 6-4 во гемови.

Ивановски следниот настап ќе го има на Челинџер турнир во Сан Марино.

Седумкратниот шампион на Вимблдон, Новак Ѓоковиќ на убедлив начин стигна до победа во мечот од второто коло на Вимблдон против Британецот Даниел Еванс. Српскиот тенисер со 3-0 во сетови (6-3; 6-2; 6-0) со само пет загубени гема успеа да го елиминира Еванс.

Во првиот сет Ѓоковиќ се мачеше со реализацијата на брејк топките и ја искористи дури 10.та за да поведе со 5:3 во гемови и да го добие првиот сет. Во вториот сет реализацијата му беше стопроцентна и од две прилики имаше два брејка, додека во третиот сет на ривалот не му дозволи да освои ниту еден гем

Во третото коло противник на Ѓоковиќ ќе му биде сонародникот Миомир Кецмановиќ.

Од фаворитите од денешната програма кај мажите Григор Димитров од Бугарија со 3:1 во сетови го победи Корентин Муте од Франција, додека Алекс де Минуар од Австралија го совлада Артур Казо од Франција со 3:1 во сетови.

Двократниот победник на Вимблдон Карлос Алкараз од Шпанија без поголеми проблеми оствари победа во мечот од второто коло. Тој го совлада домашниот тенисер Британецот Оливер Тарвет со 3-0 во сетови (6-1, 6-4 и 6-4).

По доминацијата во првиот сет Британецот Тарвет (733.место АТП) на моменти бодрен од домашните навивачи поведе со 2:0 во гемови на стартот од вториот сет, а потоа и водеше и со 4:3, но Алкараз освои три гема и го доби сетот со 6:4. Во третиот сет беше нерешено до 3:3, но до крајот шпанскиот тенисер без многу напори го потврди сетот.

Во следната рунда Карлос Алкараз ќе игра со победникот од мечот Феликс Оже Алиасиме (Канада) и Јан – Ленар Штруф (Германија).

Двократната шампионка Петра Квитова загуби од Ема Наваро со 6-3 6-1 во првото коло на Вимблдон.

Тенисерката од Чешка беше ѕвезда по мечот, бидејќи се збогува со Вимблдон, има намера да посвети повеќе време на своето семејство.

„Честитки Ема. Жал ми е што не можевме да играме уште малку. На ова место се најубавите спомени што можев да ги посакам. Среќна сум што можев да играм на ова посебно место уште еднаш“, рече Квитова.

„Никогаш не сонував дека ќе го освојам Вимблдон, а го освоив двапати… Ќе ми недостига Вимблдон, ќе ми недостига тенисот. Но, подготвена сум за следното поглавје во мојот живот. Дефинитивно ќе се вратам тука како член на клубот“, заклучи Квитова.

Таа го освои Вимблдон во 2011 и 2014 година и заработи над 37 милиони долари само од тенисот

Актуелната шампионка на Ролан Гарос Американката Коко Гоф е елиминирана во првото коло на Вимблдон. За изненадувањето се погрижи 25-годишната Украинка Дајана Јастремска, која со 2-0 во сетови (7-6(3) и 6-1) ја совлада втората светска тенисерка.

Во првиот сет двете тенисерки имаа по еден брејк. Јастремска поведе со 5:2 во гемови, но Гоф изедначи на 5:5 и сетот беше решен во тај брејкот. Во вториот сет тенисерката од Украина веднаш на стартот направи брејк, а до крајот на сетот во уште два наврати го одзема гемот на сервис на ривалката.

Во второто коло противничка на Јастремска ќе и биде квалификантката Анастасија Захарова. (МИА)

Новак Ѓоковиќ успешно го помина првото коло на Вимблдон по 20-ти пат во својата кариера.

На почетокот од турнирот, кој го освои седум пати, шестиот играч во светот го победи Александер Муле со 3-1, во сетови 6-1, 6-7 (7), 6-2, 6-2.

Новак се мачеше во одредени моменти, му подаруваше поени на својот ривал, бараше медицински тајм-аут, но по речиси три часа и 20 минути игра, забележа победа.

Првиот, третиот и четвртиот сет минаа во доминација на Ѓоковиќ. Српскиот тенисер самиот си направи проблеми во вториот сет. Ѓоковиќ пропушти дури 11 брејк топки и шест сет топки за предност од 2:0, а во тај-брејкот испушти предност од 5:2 и буквално му го подари сетото на Муле, 41-ви на АТП листата. .

Ѓоковиќ во второто коло ќе игра против домашниот тенисер, Даниел Еванс.

Чешката тенисерка Петра Квитова изјави оти со голема радoст го очекува настапот на својот последен грен – слем турнир во Вимблдон, откако претходно објави дека во септември официјално ја завршува кариерата.

„Ќе биде одлично, несомнено. Тоа е мојот омилен турнир. Отсекогаш бил и секогаш ќе биде. Ќе биде убаво да се вратам. Секогаш ми се навраќаат убавите спомени. Остануваат и помалку пријатните. Дури и со два трофеи и најдобри резултати во мојата кариера, поразите понекогаш беа многу, многу болни. Но, освојувањето на две титули е она што најмногу се брои“, рече Квитова.

Квитова не играше минатата година на Вимблдон поради породилно отсуство откако го роди синот Питер. Таа ги освои титулите на лондонскиот гренд слем во 2011 и 2014 година. За првиот трофеј во финалето ја победи Русинката Марија Шарапова со 6-3, 6-4, а за вториот Канаѓанката Ежени Бушар со 6-3, 6-0.

Таа пред помалку од две недели објави дека ќе се пензионира по Отвореното првенство на САД, кое завршува во септември.

Квитова доби специјална покана од организаторите и својот прв натпревар ќе го игра утре против Американката Ема Наваро, која е 10 носителка.

Јаник Синер направи неочекуван потег пред почетокот на Вимблдон, со одлуката да отпушти двајца клучни членови на својот тим.

Пред третиот Гренд слем турнир во сезоната, Синер се раздели со Марко Паники и Улисес Бадија, кои претходно работеа со Новак Ѓоковиќ.

Според информациите што ги објави италијанскиот „Кориере дела Сера“, пресудиле „долгите јазици“ и непочитувањето на правилата за однесување на медиумите.

Паники наводно често давал изјави без претходна согласност, што, според Италијанците, почнало да го привлекува вниманието на медиумите повеќе од самиот Синер, а слична замерка добил и Бадија.

Наводно се кулминирало по инцидентот што се случил за време на тренингот во Хале, каде што Бадија по еден облог му викнал на Синер: „Твој ред е да јадеш го..а“.

Иако сè било шега, ваквото однесување било неприфатливо за Италијанецот.

Паники и Бадија беа ангажирани минатата есен, откако нивните претходници беа вмешани во допинг скандалот, поради кој Синер се нагоди и мораше да паузира три месеци.

Синер официјално не се огласи во врска со целата ситуација. Синер ќе ја започне својата кампања на Вимблдон во вторник против сонародникот Лука Нарди.

Српскиот тенисер Новак Ѓоковиќ им се обрати на медиумите пред учеството на претстојниот Гренд слем – Вимблдон.

Ѓоковиќ има 24 Гренд слем титули, а новинарите беа заинтересирани дали токму Вимблдон е негова најголема шанса да дојде до 25 Гренд слем трофеј.

„Дали е ова мојот последен танц? Не знам. Имам желба да играм уште неколку години! Би сакал да бидам физички здрав и ментално мотивиран да продолжам да играм на највисоко ниво. Тоа е мојата цел, но на оваа возраст којзнае. Би се согласил дека Вимблдон е мојата најголема шанса, поради резултатите овде и како се чувствувам и како играм овде.“

Новак Ѓоковиќ седум пати во кариерата победил на Вимблдон. Рекордер со осум трофеи е Роџер Федерер.