Американската тенисерка Венус Вилијамс, најави дека ќе се врати на теренот во март следната година на ВТА турнирот во Индијан Велс, пренесуваат американските медиуми. Вилијамс се опоравува од повредата на коленото.

Таа се повреди на натпреварот од првото коло на Вимблдон против Елина Свитолина.

„Во текот на летото играв со повреда, речиси никој не го знаеше тоа. Не сакав да го пропуштам УС Опен. Бев елиминиран во првото коло на турнирот во Њујорк, а потоа решив да не играм до крајот на годината, затоа што му дадов шанса на моето колено да заздрави“, изјави Вилијамс.

Американската тенисерка најави дека ќе го пропушти првиот дел од следната сезона, бидејќи планира да се врати на теренот во март. Таа истакна дека очекува настап на турнирот во Индијан Велс кој е закажан од 6 до 17 март следната година.

Симона Халеп најави дека ќе се повлече од тенисот доколку нејзината жалба не биде прифатена и усвоена.

Романската тенисерка истакна дека најверојатно ќе објави крај на кариерата, доколку судот за спортска арбитража не ја усвои нејзината жалба околу суспензијата која и ја спакуваа.

Да потсетиме, поранешната прва тенисерка во светот е привремено суспендирана, поради наводно тврдења дека е вмешана во допинг консумирање во октомври 2022 година, што значи дека нејзината забрана би траеал до 6 октомври 2026 година, а тоа ќе значи дефинитивен крај за неа.

Тридневното рочиште пред судот за спортска арбитража, по нејзино барање е закажано за почетокот на февруари.

„Четири години е многу за мојата фаза од кариерата, не знам како ќе го поднесам тоа, ако не ми ја усвојат жалбата, веројатно тоа ќе биде крај за мојата кариера“, порача Халеп за Еуроњуз.

Халеп е двократен освојувач на гренд слем турнирите, во 2018 година го освои Ролан Гарос, а година дена подоцна и Вимблдон.

Финалето на Мастерсот во Синсинати во кое Новак Ѓоковиќ го совлада Карлос Алкараз со 2-1 (5-7, 7-6, 7-6) по три часа и 49 минути игра е прогласен за најдобриот тениски дуел во 2023 година во избор на Светската тениска федерација (АТП).

Во образложението на изборот АТП наведе дека Ѓоковиќ и Алкараз одиграле „дуел кој долго ќе се памети во светот на тенисот“.

Србинот Ѓоковиќ се извлече од пораз кога Шпанецот Алкараз имаше меч – топка, по што дојде до триумф во најдолгиот дуел во два сета уште од 1990 година.

„Ѓоковиќ го подигна нивото на игра во импресивна демонстрација на физичка издржливост и ментална сила, спасувајќи меч – топка во тајбрејкот во вториот сет пред да го совлада младиот противник и да ја освои својата 39. мастерс титула“, наведе АТП.

Новак Ѓоковиќ е прв според заработувачката само од тениски турнири
за 2023 година. Србинот е убедливо прв на листата, со над 5 милиони
долари повеќе од Карлос Алкарас. Тука не се пресметани парите од
спонзорите.
Новак благодарение на резултатите на тениските терени, годинава
инкасирал 15.936.097 долари. Втор е Алкарас со 10.753.431, а трети е
Данил Медведев со 9.239.679 долари.
Севкупно гледано, Ѓоковиќ во кариерата заработил околу 180
милиони долари само од тенисот, па следната година или во 2025,
може да ја прејде и границата од 200 милиони.

Рафаел Надал официјално објави дека се враќа на терените.

Надал ќе се врати на турнирот во Бризбејн кој служи како загревање за Австралија Опен. Освојувачот на 22 грен-слем титули не играл официјален меч откако се откажа од второто коло на Австралија Опен поради проблеми со колкот.

„По една година надвор од терените, време е да се вратам.  Ќе биде во Бризбејн, првата недела во јануари. Се гледаме таму“, зборува помеѓу другото во видеото објавено на социјалните мрежи, шпанскиот тенисер.

Надал претходно изрази желба уште еднаш да настапи на Ролан Гарос и да ја претставува Шпанија на Олимписките игри во Париз.

Шпанските медиуми објавија дека Рафаел Надал ќе се врати на тениските терени и ќе настапи на Австралијан опен.

Надал пред неколку недели доби дозвола од докторите да почне со тренинзи, а шпанското радио „Кадена Сер“ објави дека тој ќе замине во Австралија по Божиќ на 25 декември.

Постои можност да одигра и уште еден подготвителен турнир, иако за такво нешто засега нема потврда од самиот тенисер. Надал во меѓувреме доживеа голем пад на АТП-листата и во моментов е на 663. место, но секако ќе настапи на Австралијан опен.

Италијанската тениска репрезентација го освои Дејвис купот, откако вечерва во двата сингл-дуели славеше над Австралија.

Јунак на „аѕурите“ е Јаник Синер, кој победи на сите натпревари на турнирот, а последниот беше достоен за трофеј. Синер денеска го совлада Австралиецот Алекс Де Минор со 2-0, во сетови 6-3, 6-0 и на својата земја и ја донесе втората титула во ова натпреварување по онаа од 1976 година.

Првиот поен за Италија го донесе Матео Арналди кој славеше против Алексеј Попирин.

Новак Ѓоковиќ е се поблиску до 40. година во животот, но тој понатаму доминира во светот на тенисот, го држи првото место на АТП листата, ги решава помладите колеги кога е тоа потребно и има успеси кои прашање е дали некој ќе ги повтори во иднина.

Борис Бекер многу добро го познава Србинот со оглед на тоа што соработуваа во минатото, па за Германецот неговиот некогашен пулен е на ист ранг со ѕвездите од другите спортови како Лионел Меси, Леброн Џејмс и Том Брејди.

„Можеби треба да гледаме на Новак низ призмата дека не е само најдобар тенисер во моментов, туку и најдобар спортист во светот. Сакам да го споредам со Лионел Меси, Леброн Џејмс или Том Брејди. За мене тоа е категоријата во која е Ѓоковиќ, бидејќи сите доминираат или доминирале во или кон крајот на триесеттите. Се надевам дека Ѓоковиќ ќе продолжи уште долго, бидејќи на младите играчи не може да им се случи ништо подобро од тоа да се натпреваруваат на исто ниво како најуспешниот играч на сите времиња. Тоа е најдобрата лекција во тенис.

-За мене е крал на лавовите. Даваме се од себе да ги научиме љубителите на тенисот на она што е невозможно да се научи: она што овој играч го освои во 16 или 17 години кариера и дека на 36 години го игра можеби најдоброто откако игра тенис. Годинава освои три грен слем турнири и стигна до финалето на Вимблдон, беше блиску до календарски грен слем на 36 години. Ова се достигнувања надвор од оваа планета“, порача Бекер.

Тениската репрезентација на Австралија се пласираше во финалето на Дејвис купот, откако Алекс Де Минор го совлада Емил Русувуори во два сета (6-4, 6-3) и му ја донесе втората победа на својот тим во дуелот против Финска.

Емил Попирин ја постигна првата победа на Австралија претходно денеска, победувајќи го Ото Виртанен со 2-0. Де Минор, 12 тенисер во светот, после еден час и 34 минути игра стигна до победата над 69 играч на АТП листата.

Австралиецот петпати му го одзема сервисот на противникот, дозволувајќи два брејка на спротивната страна

Австралија во финалето ќе игра против подобриот од вториот полуфинален меч Србија – Италија.

Канадскиот Дејвис Куп тим пристигна во Малага со намера да ја
одбрани титулата од Мадрид 2022 година, но први се спакуваа и веќе
ја напуштија Шпанија.
Финска приреди уште едно изненадување, го искористи отсуството на
двајцата најдобри Канаѓани Феликс Оже Алијасим и Дени Шаповалов
и се пласираше во полуфиналето.
Финците на патот до полуфиналето покрај Канада ги елиминираа и
Аргентина, Хрватска и САД.
Решавачкиот поен на Финците им го донесе двојката Хари
Хелиовара/Ото Виртанен со победата 7-5, 6-3 над Алексис Галарно и
Васек Поспишил.
Виртанен е херојот на Финска бидејќи во вториот меч и го донесе
првиот поен на Финска со победата над Габриел Дијало. Бодот за
Канада го освои Милош Раониќ, кој по пет години пауза повторно настапи за националниот тим.