Најдобриот македонски тенисер Калин Ивановски стана првак со Тексас Универзитет откако во финалето го совладаа Охајо Стејт Универзитетот со 4-2 во рамки на Зимското првенство на САД.

Триумфот во финалето беше всушност реванш за поразот во првиот дел од шампионатот од овој тим на 29.јануари кога загубија со 4-1.

Што се однесува до настапот на Ивановски тој во финалниот меч по голема борба го совлада Престон Стринс со 2-0 во сетови (75 64). Калин ја донесе и клучната победа за својот Универзитет.

Македонскиот тенисер за својот тим донесе исклучително важни поени. Во полуфиналето против Бејлор Универзитет кога со 2-1 во сетови (3-6; 6-2 и 6-3) го совлада Сомбор Велч, како и во четвртфиналето кога го совлада Роланд Де Равел од ТСУ Универзитетот со 2-1 во сетови (3-6; 6-3 и 6-3).

Претходно Ивановски имаше и порази од Стринс (Охајо) и Арјан Шах (Вејк Форест) и победа против Елијах Чам од Јужна Флорида. Инаку поразот од Стринс од Охајо (29.јануари) беше поради повреда каде Калин го предаде мечот што беше и пречка да настапи за Дејвис куп репрезентацијата на Македонија на почетокот на февруари.

Покрај сингл мечевите Ивановски имаше настапи и во конкуренција на двојки каде настапуваше со Абел Форже.

Ова за неговиот Универзитет е прва титула откако претходното финале пред две години го загубија.

За Ивановски ова беше дебитански настап за Тексас Универзитетот.

Тој за својот Универзитет ќе настапува до крајот на натпреварите во САД (завршуваат во месец мај), а потоа ќе има можност да настапува и на турнири од АТП и ИТФ серијата.

Иако изминатата седмица немаше настап сепак, најдоброто македонска тенисерка Лина Ѓорческа прогрес на новата ВТА ранг-листа.

Ѓорческа денешниот ден го дочека на 181 место што е прогрес за една позиција. Тетовката полека се доближува до својот најдобар ранкинг во кариерата, а тоа беше 17-тото место во 2017 година.

Што се однесува до листата ТОП 10, на првите три позиции нема промени. И натаму водечка Арина Сабаленка пред Ига Швјонтек и Елена Рибакина. Американката, Аманда Анисимова паднаа за две позиции, сега е шеста, а пред неа се нејзините со сонароднички Коко Гоф и Џесика Пегула.

За првпат во ТОП-10 влезе младата Канаѓанка, Викторија Мбоко, а оттаму испадна Русинката Екатерина Александрова.

Новак Ѓоковиќ нема да настапи на турнирот во Доха и одлучи да паузира во февруари по настапот на Австралија Опен.

Србинот беше поразен од Карлос Алкараз во финалето, пропуштајќи шанса за 25. гренд слем титула, но самиот пласман во завршницата беше голем успех.

Неговото отсуство од Доха изненади дел од јавноста, особено ако се знае дека има договор со „Катар ервејс“ и често беше гостин во оваа земја.

Според најавите, Ѓоковиќ се очекува да се врати на терените на Индијан Велс следниот месец.

Серена Вилијамс, која има 23 титули на големите турнири, ги прави чекорите за враќање на професионалниот тенис. Една од најдобрите тенисерки на сите времиња го мина шестмесечниот период во антидопинг системот, што е еден од главните услови за враќање на спортот по пензионирањето.

Серена Вилијамс последните настапи ги имаше во 2022 година. Таа нема да го има притисокот за настапи на турнирите, а можно нејзино појавување веќе во следниот месец (март) на турнирот во Индијан Велс, но како реални опции за негово појавување се турнирите во Мајами, Мадрид, Рим, Ролан Гарос и Вимблдон.

Американката има 44 години и нејзиното појавување на терените се очекува да привлече големо медиумско внимание, независно на кој турнир би се појавила. Нејзината сестра Венус Вилијамс (45 години) имаше настап и на последниот Гренд слем турнир Австралија опен.

Нашата најдобра тенисерка, Лина Ѓорческа, сосема очекувано прогресираше на новата ВТА-листа објавена денес.

Таа по добрите настапи на турнирите во Португалија скокна 12 позиции на светската листа и сега го држи 182 место.

Ѓорческа откако ја реализираше планираната програма на Пиринеите, сега ќе се насочи кон турнирите во Франција.

Македонската Дејвис куп репрезентација е поразена од Кипар и во третиот меч кој беше во конкуренцијата двојки.

Стефан Мицов и Амар Хусеиновиќ по поразите вчера во сингл мечевите, денес претрпеа неуспех и во заедничкиот меч, па домаќинот во Никозија зголеми на недостижни 3-0.

Хусеиновиќ и Мицов беа поразени од двојката Менелаос Ефстатиу и Елефтериос Неос со 2-0. По сетови Кипар беше подобар со 6-2 и 7-5 во првиот неделен меч.

На програмата се уште два настапи на македонските тенисери, ама дури и две победи нема да сменат ништо.

Дејвис Куп репрезентацијата на Македонија е во негатива од 0-2 по првиот ден од двата сингл меча во Втората светска група од Дејвис Купот против Кипар. Домаќинот во првите два меча оствари сигурни победи што му донесе предност и водство.

Според програмата за денес прво е предвиден мечот во двојки и за Македонија треба да настапат Стефан Мицов и Амар Хусеиновиќ, додека за ривалот на теренот треба да се појават Мелиос Ефстатиу и Елефтериос Неос.

По завршувањето на мечот во двојки, следуваат другите два сингл меча.

Селекторите на двете репрезентации имаат право на промена на играч пред одигрувањето на мечевите.

Карлос Алкараз и Јаник Синер се блиску до најголемите легенди на белиот спорт, главниот протагонист на оваа приказна има многу поскромен пристап.

„Не сум ни блиску до „големата тројка“. Само кога ќе освојувам трофеи година по година и кога ќе стигнам до 20 или 22 Грен слем титули, ќе можам да кажам дека седам на иста маса со тројцата великани“, рече Алкараз, кој пред една седмица го освои првиот трофеј на Австралија Опен.

Дејвис куп репрезентацијата на Македонија ги загуби првите два натпревари во сингл на дуелот со Кипар во рамките на Втората Светска зона од Дејвис купот. Во првиот меч Мелиос Ефстатиу го совлада Амар Хусеиновиќ со 2:0 во сетови (6:2 и 6:0).

Ефстафиу ја потврди фаворитската улога и првиот сет го доби со 6:2, откако стигна до водство од 5:1, а во вториот сет беше убедлив без загубен гем го заврши сетот.

Во вториот меч Стефан Мицов беше поразен од Фотос Фотиадес исто така во два сета со 6:3 и 6:0. Утре на програмата се уште два сингл меча и мечот во игра на двојки.

Денеска во осминафиналната фаза на ИТФ В50 турнирот на тврда подлога во Порто, Португалија, најдобрата македонска тенисерка Лина Ѓорческа триумфираше над Настасја Шунк од Германија со 2:0 во сетови 6-2 и 7-6.

Лина Ѓорческа го доби убедливо првиот сет со 6-2, а вториот по тајбрејк со 8-6 на поени.

Нашата тенисерка која е петта носителка на турнирот, во четвртфиналето ќе игра со победничката од дуелот помеѓу првата носителка Деспина Папамихали од Грција и Рашида МекАдо од САД.

Ѓорческа го почна турнирот со победата над Швајцарката Илена Ин-Албион (6-2, 6-3).