Добри вести пристигнаа од Италија, легендарниот тенисер Борис Бекер објави дека повторно станал татко.

Среќната вест ја сподели поранешниот тренер на Новак Ѓоковиќ на социјалните мрежи, на сликата се гледаа рацете на Борис Бекер, неговата сопруга Лилијан де Карваљо Монтеиро и малата рака на неговата новородена ќерка. Тој го наведе и датумот на раѓање, но и името на детето – Зои Виторија Бекер.

Борис Бекер неодамна откри во интервју за „Билд“ дека тој и неговата сопруга решиле да изненадат со полот на детето. Таткото на три сина и една ќерка се пошегува дека е „совршено подготвен“.

Тениската репрезентација на Германија доцна синоќа успеа да постигне победа за пласман во полуфиналето од Дејвис купот.

Во последното четвртфинале Германија ја совлада Аргентина со 2-1 и со пресврт стигна до триумфот.

Во првиот меч водство за Аргентина донесе Томас Етчевери, кој со 2-0 (7:6(3) и 7:6(7)) во сетови го совлада Јан-Ленард Штруф. Очекувано Александер Зверев изедначи на 1-1 со победата над Франциско Серундоло добивајќи го мечот со 2-0 (6-4 и 7-6(3)). Во мечот во двојки Аргентина поведе откако го доби првиот сет со 6-4, а со истиот резултат германската двојка стигна до изедначување. Во решавачкиот сет беше 7-6 (12-10) за германската комбинација Кевин Кравец и Тим Пурц.

Во денешното прво полуфинале играат Италија – Белгија, додека утрее мечот меѓу Шпанија и Германија.

Најуспешната македонска тенисерка Лина Ѓорческа го заврши настапот на W50 ИТФ турнирот во Трнава. Таа денеска во меч од второто коло загуби со 2-0 во сетови (6-2, 6-1) од Британката Амарни Бенкс.

Противничката имаше комплетна контрола во мечот, а во двата сета имаше по два брејка што и донесоа сигурен триумф.

Ѓорческа ја очекува настап на уште еден турнир следната недела во Трнава. Тој турнир е од повисок ранг W75 и наградниот фонд изнесува 60.000 долари.

Поранешниот светски број еден, швајцарскиот тенисер Роџер Федерер, ќе биде примен во Меѓународната тениска сала на славните во 2026 година, објави АТП.

Федерер, којшто беше номиниран на почетокот на октомври, за изборот дознал од други членови на Куќата на славните за време на телефонски разговор со Стефан Едберг и Борис Бекер.

Огромна чест е да бидам избран во Меѓународната тениска сала на славните и да стојам покрај толку многу големи шампиони во овој спорт. Низ целата моја кариера, секогаш ја ценев историјата на тенисот и примерот што го дадоа оние што дојдоа пред мене. Беше големо задоволство да се чуе оваа вест, изјави Федерер.

Швајцарецот освои 103 титули во текот на својата кариера, вклучувајќи 20 грен слем титули. Тој го држи рекордот за најмногу последователни недели на првото место во светот – 237, од февруари 2004 до август 2008 година. Федерер се пензионираше во септември 2022 година.

Официјалната церемонија ќе се одржи од 27 до 29 август 2026 година во Њупорт, Велика Британија.

Канаѓанецот Феликс Оже-Алијасим се искачи на петтото место на најновата ранг-листа на АТП објавена денес.

Претходно тој беше на осмото место.

АТП ранг-листа објавена на 17 ноември 2025 година:

1 (1). Карлос Алкараз (Шпанија) – 12.050 поени
2 (2). Јаник Синер (Италија) – 11.500
3 (3). Александар Зверев (Германија) – 5.160
4 (4). Новак Ѓоковиќ (Србија) — 4.830
5 (8). Феликс Оже-Алијасим (Канада) — 4.245
6 (6). Тејлор Фриц (САД) — 4.135
7 (7). Алекс де Минаур (Австралија) — 4.135
8 (9). Лоренцо Мусети (Италија) — 4.040
9 (5). Бен Шелтон (САД) — 3.970
10 (10). Џек Дрејпер (Велика Британија) — 2.990.

Италијанскиот тенисер Јаник Синер ги сподели своите емоции по победата на АТП финалето во 2025 година во Торино.

Во финалето, вториот тенисер во светот го победи првиот светски рекет Карлос Алкараз со 7:6 (7:4) и 7:5.

„Прославувајќи го овој трофеј на крајот од годината по толку интензивни последни неколку месеци – за мене, нема подобар начин да се заврши сезоната. Беше многу тежок и интензивен натпревар. Мора да играте најдобро што можете против Карлос. Тој е еден од најдобрите, ако не и најдобриот. Секако, и Ѓоковиќ е тука. Многу сум среќен. Многу ми значи што ја завршувам сезоната вака. Неверојатно е“, рече Синер во интервју на теренот.

Дваесет и четиригодишниот Синер го освои Завршниот турнир втора сезона по ред, победувајќи го Американецот Тејлор Фриц во финалето во 2024 година.

За Италијанецот ова беше шеста АТП титула во сингл оваа сезона и 24. во неговата кариера.

Српскиот тенисер Новак Ѓоковиќ, 24-кратен шампион на Гренд слем и поранешен светски број 1, ја заврши сезоната во топ 4 на АТП ранг-листата по 16-ти пат во својата кариера.

На крајот од 2025 година, Ѓоковиќ ја задржа својата четврта позиција на светската ранг-листа и постави нов рекорд за најмногу сезони во топ 4. Овој рекорд претходно му припаѓаше на Швајцарецот Роџер Федерер (15 сезони во топ 4).

Оваа сезона, Ѓоковиќ стигна до полуфиналето на сите Гренд слем турнири. Тој исто така освои два АТП 250 турнири во Женева (Швајцарија) и Атина (Грција).

Италијанскиот тенисер Јаник Синер го освои завршниот АТП турнир во Торино. Во финалето, вториот светски тенисер го победи првиот рекет Шпанецот Карлос Алкараз со 7-6 (7-4) и 7-5.

Мечот траеше 2 часа и 4 минути. Италијанецот сервираше 8 аса, направи 5 двојни грешки и реализираше 2 од 2 брејк топки. Шпанецот погоди 5 аса, не се соочи со двојни грешки и реализираше 1 од 3 брејк топки.

Дваесет и четиригодишниот Синер го освои Завршниот турнир втора сезона по ред, победувајќи го Американецот Тејлор Фриц во финалето во 2024 година. Италијанецот сега има 24 АТП титули во поединечна конкуренција.

Дваесет и двегодишниот Алкараз е исто така победник на 24 АТП турнири. Тој го играше своето прво финале на Завршниот турнир./

Карлос Алкараз го победи Феликс Оже-Алијасим со 6-2, 6-4 и ќе се бори за својот прв трофеј на Завршниот Мастерс во Торино. Противник во финалето ќе му биде Јаник Синер.

Канаѓанецот речиси и да немаше шанси да му наштети на Алкараз, кој му дозволи само една брејк шанса во текот на мечот. Феликс не ја искористи, додека првиот рекет на планетата во најголем дел ги реализираше своите шанси.

Во првиот сет, прилично конфорни 6-2, во вториот, понеизвесни 6-4. Немаше брејк-топки сè до десеттиот гем кога 25-годишникот од Монтреал сервираше за да остане во мечот.

Секако, Оже-Алијаси може да биде задоволен од феноменалната форма што ја покажа во втората половина од сезоната. На следната АТП листа, тој ќе биде на петтата позиција, што ќе биде неговиот најдобар пласман во кариерата. Убав финиш по титулата во Брисел, полуфиналето на Отвореното првенство на САД и финалето на Мастерсот во Париз.

Италијанската машка тениска репрезентација ќе биде дополнително ослабена за финалето на Дејвис купот, кое ќе се игра во Болоња следната недела, откако по Јаник Синер, настапот го откажа и Лоренцо Мусети.

Синер и Мусети, во моментов рангирани на второто и деветтото место во светот, лани ѝ ја донесоа титулата на Италија. Сепак, Синер пред две недели објави дека ќе го прескокне овогодишното финале, а денеска за италијанскиот тренер Филипо Воландри дојде нов непријатен удар по откажувањето на Мусети.

На местото на Мусети во италијанскиот состав е повикан Лоренцо Сонего (АТП. – 45), кој ќе настапи заедно со Флавио Коболи и Матео Беретини во поединечна конкуренција и Андреа Вавасори и Симоне Болели во двојки.