Ник Кирјос е мета на критики поради бројните контроверзии на терените, но и надвор од него. Сепак, Австралиецот по елиминацијата од Индијан Велс од Рафаел Надал зборуваше искрено и од срце.

Ретки се случаите кога Кирјос на ваков начин се обраќа до оние кои го критикуваат.

„Мислам дека јас сум од оние кои му помгаат на спортот и му давам повеќе внимание, секој што мисли дека јас сум лош за спортот е луд. Тие луѓе немаат поим и не знаат што зборуваат. Немаат што друго да прават и шират негативна енергија на социјалните мрежи. „Хејтот“ е нешто што може да го погоди секого, долго време влиајеше и врз мене. На Индијан Велс одиграв три навистина добри меча. Победив момче кое во изминатата година имаше 60 победи. Но, на крајот сите ќе паметат дека сум биле елиминиран од Рафа и сум го фрлил рекетот, токму таквите луѓе го уништуваат спортот“, изјави Австралиецот.

Роџер Федерер, еден од најдобрите тенисери на сите времиња, реши да се огласи на Твитер и објасни како планира да им помогне на децата на Украина.

„Моето семејство и јас сме згрозени од сликите што ги гледаме од Украина и нашите срца се скршени поради невините луѓе кои се погодени од сето ова. Ние се залагаме за мир.

Сакаме да им помогнеме на децата во Украина на кои им е потребна грижа, околу шест милиони деца во Украина моментално не се на училиште и знаеме дека ова е критично време за пристап до образование и сакаме да ги поддржиме да се справат со ова исклучително трауматично искуство.

Преку фондацијата Роџер Федерер, сакаме да продолжиме да ја поддржуваме „War Child Holland“ со донација од 500.000 американски долари за да се постигне пристап до континуирано образование за децата од Украина“, напиша Федерер на Твитер.

Австралискиот тенисер Ник Кирјос се извини поради неспортскиот однос по поразот од Рафа Надал на тенискиот турнир во Индијан Велс. Австралиецот го удри својот рекет од подлогата, кој притоа се одби и за малку не го погоди момчето кое ги подава топките. После ова Кирјос доби големи свирежи и негодувања од страна на публиката на мечот.

„Само сакам да му се извинам на ова момче. Тоа беше непријатен инцидент, но бев разочаран од самиот пораз. Мојот рекет отскокна и никогаш немав намера некого да повредам. Мило ми е што момчето е добро“, напиша Кирјос на Инстаграм.

Францускиот тенисер Гаел Монфис забележа победа во третото коло на Индијан Велс – го победи првиот светски тенисер Данил Медведев со 2-1 во сетови.

По натпреварот Монфис зборуваше за својата сопруга, украинската тенисерка Елина Свитолина.

„Не е лесно секоја вечер да се види расплакана и загрижена мојата сопруга, но се трудам да и помогнам да се чувствува подобро. Јас сум тука за неа секој ден. И за нејзиното семејство за кое подеднакво се грижам. Тешко е сето тоа да се опише освен ако не сте дел од тоа на некој начин. Тоа што се случува е лудост“, рече Монфис.

Францускиот тенисер во осминафиналето ќе вкрсти рекети со младиот Карлос Алкараз, кој игра во голема форма.

Сите четири Гренд слем турнири воведуваат правило за тај-брејк до 10 поени во одлучувачкиот петти сет на едногодишен пробен период, почнувајќи од овогодинешниот „Ролан Гарос“ кој започнува на 22 мај, соопшти Извршниот одбор на четирите најголеми турнири.

Продолжениот тај-брејк ќе се игра при резултат 6-6 во петтиот сет за тенисерите, а во третиот за тенисерките. Ова е историска промена кога станува збор за вториот Гренд слем за годинава, бидејќи досега не е одигран тај-брејк во одлучувачкиот сет во Париз.

„Оваа одлука е донесена врз основа на силна желба да се зголеми конзистентноста на правилата на Гренд слем турнирите. По една година планираме да работиме со ВТА, АТП и ИТФ за да видиме што донесе оваа промена и евентуално трајно да ја воведеме“, соопштија од ИО.

Tенисерот Новак Ѓоковиќ ќе се врати на врвот на АТП листата по само три недели поминати на позицијата број два, откако досегашниот лидер Данил Медведев беше елиминиран во второто коло од Мастерс турнирот во Индијан Велс.

Ѓоковиќ на првото место го врати искусниот француски тенисер Гаел Монфилс, кој славеше против Медведев со резултат 2:1.

Медведев мораше да стигне барем до четвртфиналето на Мастерсот во Индијан Велс, за да остане на првата позиција според АТП.

После овој натпревар, Данил Медведев остана на 8.410 поени, додека Новак Џоковиќ има 8.465 АТП поени.

Најдобрите тенисери на Србија ќе учествуваат на завршниот турнир на Дејвис купот, кој е закажан за септември, откако го заменија минатогодишниот победник, селекцијата на Русија, која поради политички причини беше исфрлена од турнирот, објавија од Светската тениска федерација (ИТФ) .

Пред тоа Србија доби специјална покана за учество на турнирот, но сега зазема „редовно“ место, додека споменатата „вајлд-карта“ ќе ја добие друга репрезентација.

Одлуката која селекција ќе ја добие поканата ќе биде донесена по завршувањето на квалификациите кои се на програмата на 4 и 5 март, а потоа една од 12-те елиминирани селекции ќе добие можност да ја продолжи борбата за трофејот.

Во квалификациите ќе играат Еквадор, Романија, Финска, Колумбија, Канада, Бразил, Словачка, Унгарија, Норвешка, Јапонија, Чешка и Австрија.

Наоми Осака во солзи го заврши мечот на Индијан Велс, откако навивач ја навредуваше и малтретираше. Во раната фаза од натпреварот се слушаа извици од трибините кои целосно ја исфрлија Осака од чекор.

Таа го загуби мечот со 6-0, 6-4 од Вероника Кудерметова, а веќе во вториот гем при 1-0 за Русинката се слушаа извици: „Наоми, ти си с*ање“.

Настана гужва, други гледачи бараа провокаторот да биде исфрлен од трибините.

Осака потоа и пријде на судијата барајќи нешто да се преземе, но и беше дадено објаснување дека не знае кој го направил тоа и затоа не може да реагира.

Српскиот тенисер Новак Ѓоковиќ следниот месец ќе ги започне припремите за одбрана на титулата на Ролан Гарос со настап на АТП Мастерсот во Монте Карло.

Освојувачот на 20 грен-слем титули не настапи на Австралија Опен затоа што не беше вакциниран против ковид-19, а од истата причина не играше на Мастерсот во Индијан Велс.

„Новак својата сезона на земјена подлога ќе ја отвори во Монте Карло каде што два пати ја освојуваше титулата на Мастресот 1000 и тоа во 2013 и 2015 година“, стои во објавата на официјалната страница на Ѓоковиќ.

Во Монако каде што живее Ѓоковиќ може да се влегуваат меѓународни патници со доказ за прележан ковид-19 во последните шест месеци. Ѓоковиќ позитивен според она што се објавуваше поред Австралија Опен бил во декември, па така ќе може да настапи во Монте Карло на турнирот кој се игра од 10 до 17 април.

Германскиот тенисер, Александар Зверев изјави дека на турнирот во Акапулко ја направил најголемата грешка во кариерата, кога во излив на бес, со својот рекет удираше по столчето на главниот судија.

Трето рангираниот тенисер во светот, поради инцидентот беше суспендиран од турнирот во Мексико, парично казнет со 40 илјади долари, и доколку направи сличен проблем во наредните 12 месеци, тој ќе се соочи со суспензија во траење од осум недели.

„Сеуште се чувствувам посрамено, меѓутоа сите ние правиме грешки. Можам да гарантирам дека никогаш повеќе во животот нема да се однесувам на тој начин. Тоа беше најлошиот момент во мојот живот“, изјави Зверев.