Новак Ѓоковиќ го очекува најважниот натпревар во неговата кариера. Во финалето н УС Опне против вториот тенисер на светот, Данил Медведев ќе игра за рекордна 21. гренд слем титула, но и за календарски Гренд слем, освојување на сите четири најголеми турнири во истата година.

„Благодарам на публиката, ова беше најдобрата атмосфера од почетокот на турнирот. Ова се моменти за кои живееме и за кои сонуваме. Ова беше посебно.“ – рече Ѓоковиќ по полуфиналето против Зверев.

„Александер е голем шампион и еден од моите најдобри пријатели. Знаев дека ова ќе биде голема битка, ви подаривме шоу какво заслужувате. Тенисот е убав спорт во кој морате да ги дадете и главата и телото за да освојувате турнири.“

Против Медведев има пет победи во осум натпревари, вклучувајќи го и триумфот во финалето на Австралија Опен годинава.

„Остана еден натпревар. Се е тука. Ќе ги дадам срцето, телото и главата… се ќе дадам. Ќе играм како тој натпревар да е последен во мојата кариера.“

Аргентинскиот тенисер Хуан Мартин дел Потро изјави дека очекува следната година да се врати на теренот. Шампионот на УС Опен од 2009. година моментално е во Њујорк и ја искористи можноста да се „дружи“ со легендарниот Џон Мекинро.

„Сакам предизвици, без разлика дали се на тениското игралиште или во животот. Сепак, ова е најтешкиот натпревар во мојата кариера, бидејќи не можам да се справам со вакви повреди, со оваа болка што ја чувствувам сега. Но, јас се уште се обидувам и ќе се обидувам – рече Дел Потро, кој ужива во Големото јаболко, пренесува веб -страницата на АТП.

„Мило ми е што се вратив, ова место е посебно за мене. Имав шанса да играм на него. Ова е моето место, мојот турнир. Се надевам дека ќе се чувствувам подобро и дека следната година ќе бидам на теренот“.

Аргентинецот имаше четири операции на коленото во последните три години, а последната повреда ја доживеа во 2019 година на турнирот во Квинс.

„Ова е живот. Верувам во себе и еден ден сето ова ќе помине. Мислам дека испратив порака до децата, сите играчи и луѓе ширум светот, никогаш да не се откажуваат од сонот“ – изјави Дел Потро.

Јапонската тенисерка Наоми Осака не е среќна и не ужива во животот и спортот што го сака. Победува, а не се радува, кога ќе загуби и е многу тешко да прифати пораз.

Не изгледа добро и не звучи добро, што и самата го потврди по тешкиот пораз од тинејџерката Лејла Ани Фернандез.

Потребна е пауза од тенисот, од се, додека не види што ќе прави со себе.

„Кога победувам, не се чувствувам среќна, тоа ми доаѓа повеќе како олеснување. Кога ќе загубам, многу тажна. Мислам дека тоа не е нормално“ – ги објасни своите емоции Осака, која веќе некое време се бори со депресија, поради што се откажа од минатиот Ролан Гарос и навистина изгледа дека се уште има одредени психички проблеми што ја кочат.

Никој не знае што се случува со Осака, таа вели дека не се познава себеси, и затоа ќе паузира до понатамошно известување, а не би било изненадување ако последен пат ја видовме на тенискиот терен. Сепак, здравјето е најважно.

„Чувствувам дека стигнав до точка каде што морам да разјаснам со себе што сакам да правам понатаму. Искрено не знам кога ќе го одиграм следниот натпревар. Мислам дека ќе се одморам од тенисот“ – рече Осака.

Американската тенисерка Серена Вилијамс објави дека се откажува од настап на гренд слем турнирот УС Опен, кој ќе започне идната недела, поради повреда на препоните која не е целосно санирана.

„По внимателно размислување и слушајќи ги советите на лекарите и лекарската екипа, одлучив да се повлечам од УС Опен како би дозволила на своето тело целосно да се опорави од повредата на препоните.“ – објави 39-годишната Вилијамс.

Американскатаа тенисерка, која е освојувач на 23 гренд слем титули во својата кариера, мораше да го предаде првиот меч на овогодинешниот Вимблдон.

Александар Зверев пред стартот на УС Опен вели дека тој нема да биде фаворит.

„Минатата година пред УС Опен, не очекував ништо од себе. Прво, ние не игравме половина година претходно. Второ, пред тоа играв прилично просечно на Мастерсите. Така, на УС Опен ја барав само мојата игра, но добро функционираше и бев блиску до титулата. Оваа година Новак ќе се врати и сигурно ќе биде фаворит. Но, и другите момци се во одлична форма. Така, имам многу работа. Мислам дека Ѓоковиќ ќе прикаже неверојатен тенис во Њујорк. Ќе биде свеж. Рубљев е во одлична форма, Медведев, Циципас исто така. Овој УС Опен дефинитивно ќе биде интересен“, вели Германецот.

Најдобриот тенисер на денешницата, Новак Ѓоковиќ ја започнува 335. недела на врвот на АТП листата, а според разликата во бодови со конкуренцијата, тешко дека некој набрзо ќе го стигне.

Ѓоковиќ има 11.113 поени на првото место, втор е Данил Медведев со 9.980, додека на третото место Стефанос Циципас со 8.350 поени.

Србинот во најлоша ситуација може да биде симнат од врвот во октомври, што му гарантира најмалку 341 недела на врвот на АТП, но тешко е да се верува дека некој ќе го симне од врвот до крајот на годината.

Доминик Тим, моментално шестиот тенисер во светот, објави дека нема да игра на овогодинешниот УС Опен и дека нема да се врати на терените до крајот на 2021 година.

Австриецот е надвор од терените од јуни кога го повреди зглобот.

Тој ги пропушти Вимблдон и Ролан Гарос, а нема да го гледаме ниту на последниот гренд слем сезонава, каде требаше да ја брани шампионската титула.

„Жалам што нема да можам да ја одбранам титулата, но се уште не се опоравив од повредата што ја заработив на турнирот во Мајорка. Во изминатите шест недели, го следев советот на докторот, правев вежби за да останам во форма.

Кога ја удрив топката на тренинг претходната недела, повторно почнав да чувствувам болка. Отидов на лекар, тие рекоа дека на мојот зглоб му треба повеќе време.

Ова е тешка одлука, но тоа е она што треба да го направам. Пред мене е долга кариера, најважно е да не ризикувам.

Сакам да им се заблагодарам на сите за поддршката. Многу ми значи. Внимавајте. Едвај чекам да се вратам на теренот “, напиша Тим во порака на Твитер.

Најдобрата македонска тенисерка, Лина Ѓорческа во конкуренција на двојки го освои  ИТФ фјучерсот во Коксејде (Белгија).

Ѓорческа во тандем со Валерија Страхова (Украина) во големото финале беа подобри од првите носителки Валентини Граматикопоулоу (Грција) и Валентина Ивахненко (Русија) со 6-4, 6-4.

За Лина ова е трета титула во дубл во тековната сезона.

Двајца Американци и по еден Грк и Русин се пласираа помеѓу четворицата најдобри на АТП Мастерс 1000 во Торонто.

Во полуфиналето ќе играат:

Данил Медведев (Русија) – Џон Изнер (САД)

Стефанос Циципас (Грција) – Рејли Опелка (САД).

Турнирот во Канада се игра за награден фонд од 2,8 милиони долари.