Седумкратната шампионка на Австралија опен, Серена Вилијамс, одлучи да не учествува на првиот Грен Слем за 2022 година.

„Oва не е лесна одлука, но јас моментално не сум таму каде што треба да бидам, пред се физички, за да се натпреварувам. Мелбурн е еден од моите омилени градови за посета и со нетрпение очекувам да играм во Австралија опен секоја година“, напиша 40-годишната Американка.

Вилијамс е надвор од терените од јуни 2021 година.

Поранешната француска тенисерка Амели Морезмо е нов директор на турнирот во Ролан Гарос, објавија од федерацијата.

Тоа ќе биде за првпат во историјата дама да биде на чело на престижниот Грен Слем. 42-годишната Морезмо е поренашна најдобра тенисерка во светот, а на позицијата доаѓа на местото на Ги Форже кој ќе си замине на крајот на актуелната година.

Досега Морезмо работеше како тренер на неколку тенисери, а меѓу нив беа Енди Мареј и Викторија Азаренка.

До стартот на Австралија Опен остана уште неколку недели, а главната дилема беше дали Новак Ѓоковиќ ќе настапи и ќе се бори за 10. титула на првиот Грен Слем во сезоната.

Организаторот на турнирот го објави списокот на тенисери и на него беше името на Ѓоковиќ. Дилемата се појави поради ковид-протоколите во државата Викторија во Мелбурн.

„Сите кои ќе дојдат во Австралија ќе мора да ги почитуваат правилата, да прикажат доказ за вакцини или медицинска потврда која ја имаат одобрено медицинските лица во земјата. За оние кои ќе дојдат од странство задолжителен ќе биде карантин од 14 дена“, стои во соопштението од организаторот.

Новак Ѓоковиќ зборуваше за играњето пред празни трибини. Србија лесно ја совлада Австрија со 3-0 во првото коло на Дејвис купот во Инсбрук. Лајовиќ го донесе првиот бод со победата над Џералд Мелцер, а потоа Ѓоковиќ лесно го совлада Денис Новак и донесе победа за нашиот северен сосед.

На крајот двојката Чаќиќ-Крајиновиќ победи за максимални 3-0.

Ѓоковиќ по мечот со Новак зборуваше за играњето пред празни трибини.

„Пред седум или десет дена добивме тажна вест дека нема да играме пред публика. Ова не е вест што сакавме да ја слушнеме. Публиката е основен дел од овој спорт. Ние сме бизнис на крајот од денот, забавувајќи ги и правејќи ги луѓето среќни. Ние сме спортисти, професионални спортисти кои имаат привилегија да го работат она што го сакаат и да живеат од спортот, но во исто време имаме влијание и врз публиката. Им носиме позитивни емоции, луѓе кои купуваат билети и доаѓаат да не гледаат. Секогаш мислам на тоа и затоа ме растажи тоа што ќе играме без публика. Подготвени сме на се, знаеме дека не е последен пат да играме пред празни трибини.Така е како што е. Има многу луѓе во светот кои страдаат повеќе од нас и ги разбирам. Има многу поважни работи од професионалниот спорт. Тоа е здравјето. Се молам за сите луѓе. Се надевам дека заедно ќе се извлечеме од ова“, рече Новак.

Српскиот тенисер, Новак Џоковиќ, кој деновиве настапува за својата земја во Дејвис купот против селекцијата на Австрија, после мечот против Денис Новак кој Србинот го доби со 2:0 во сетови, доби изненадувачки подарок.

Домаќините од Австрија и градот Инсбрук каде се одржуваат натпреварите, на најдобриот светски тенисер му подарија скии кои беа специјално изработени за него.

Џоковиќ со голема радост и изненадување го прими подарокот и веднаш изрази желба да ги проба добиените скии.

Шесткратниот Грен слем шампион и поранешен тренер на Новак Ѓоковиќ, Борис Бекер, ја коментираше можноста Србинот да не оди на Австралија опен поради неговиот став за вакцинацијата против коронавирус.

„Не можам да замислам да го пропушти турнирот во Австралија. Премногу го сака спортот, премногу ја сака тениската историја. Тој сака да го освои својот 21. Грен слем, а Австралија опен е неговиот најдобар турнир од четири најголеми во светот. Го има освоено веќе девет пати, зошто да не го освои и 10-тиот? Тој вели дека вакцините се лична работа. И јас го поддржувам. Но, ако сака да игра на турнејата, мора да ги следи правилата“, изјави Бекер.

Настапот на најдобриот светски тенисер Новак Ѓоковиќ на претстојниот грен-слем турнир Австралија опен сè уште е неизвесен.

Ѓоковиќ речиси деценија ипол е владетел во Мелбурн, на кој за прв пат триумфираше во 2008 година, а вкупно го има освоено девет пати.

Организаторите на турнирот, закажан од 17 до 30 јануари следната година, снимија два промотивни видеоматеријали во кои српскиот тенисер го нема.

Сите тенисери, кои ќе настапат во Мелбурн, мораат да бидат вакцинирани против коронавирус, а Ѓоковиќ за цело време на пандемијата беше еден од најжестоките критичари околу вакцинирањето на тенисерите.

Данил Медведев го одигра финалето на завршниот Мастерс турнир во Торино, но не успеа да го совлада Германецот Александар Зверев. Сепак, неговиот престој во северна Италија бил речиси дополнително уништен од кражба.

За време на дуелот со Зверев, од соблекувалната на Медведев му е украден часовник вреден дури 200 илјади евра. Меѓутоа, непријатностите набрзо биле отстранети и скапоцениот часовник „Бове Отанасеи“ бил лоциран и по неколку часа вратен на Московјанинот.

Полицијата го пронашла часовникот на раката на еден од службениците на АТП додека се обидувал да се качи во авион.

Полицијата соопшти дека се уште го истражува целиот случај бидејќи лицето кај кое е пронајден часовникот кажа дека го добил од друго лице.

Светскиот рекет број еден, Новак Џоковиќ, 2021 година ќе ја заврши на првото место од АТП ранг листата но и како тенисер со најголема парична заработувачка од учество на турнирите.

Според податоците кои ги објави Асоцијацијата на тениски професионалци, Џоковиќ во 2021 инкасирал вкупно 9.100.547 долари. По него следуваат Русинот Медвевед со 7.481.271  и Александар Зверев кој заработил 6.420.344 долари.

Во годинава што завршува, од АТП објавуваат дека 37 тенисери освоиле повеќе од 1 милион долари од учество на турнири.

Данил Медведев и Андреј Рубљев ја завршија тениската сезона 2021 во Топ 5 на рангирањето АТП. Медведев годината ја заврши како втор рекет во светот, а Рублев – петти.

По вторпат во историјата двајца играчи од Русија завршија во Топ 5. Првпат такво нешто се случи на крајот на 2000 година, кога Марат Сафин беше втор, а Евгениј Кафелников петти.

Премиерот на државата Викторија потврди дека Австралија Опен ќе може да се одржи пред полни трибини во Мелбурн од 17 до 30 јануари следната година.

Со оваа најава, првиот Грен Слем за новата година полека ќе се врати во нормала.

„Благодарение на вакцинацијата на 90% од жителите на Викторија, повеќето ограничувања, речиси сите, ќе можат да исчезнат“, потврди Даниел Ендрјус.

Според најавата, Мелбурн Парк на почетокот на годината ќе може да прими околу 60.000 гледачи.