Аргентинскиот тенисер Марко Трунхелити, пред четири години на
јавноста ѝ откри дека му биле понудени пари за местење мечеви,
поради што се нашол на удар. Аргентинецот моментно е 236 тенисер
во светот,а за „Ла Насион“ откри дека и Новак Ѓоковиќ му кажал како
и нему му било понудено да мести мечеви, на што српскиот ас
никогаш не се согласил.
Во тенисот, за жал, местењето мечеви не е толку редок случај, што
беше предупредено од Трунхелити во 2019 година, кој одби 100.000
долари по наместен меч. После тоа ја остави кариерата на страна, а
сега повторно се врати на терените. Требаше да се пофали за чесноста
и одлуката да ја зачува честа, но го критикуваа и коментираа дека е
„кодош“ затоа што соработувал и бил сведок на местење мечеви. Тоа
го повреди Аргентинецот бидејќи знаеше дека направил добра работа, а подоцна дозна дека слична ситуација имал и најдобриот тенисер на светот, Новак Ѓоковиќ.
„Многу ме повреди. Она за што зборував испадна вистина. Ѓоковиќ
изјави дека му било понудено да намести меч. Подоцна излезе и
Сергеј Стаховски, кој ме нарече „кодош“, и нему му беше понудено.
АТП, Единицата за интегритет на тенисот и ИТФ, едно „боцкање“ по
друго. Сите овие организации беа под нивото. Се сретнав со Новак на
„УС Опен“ и му се заблагодарив за тоа што го прави за играчите.
Зборував и со Поспишил: тој отиде на неколку состаноци и ми кажа
дека е повреден неколку месеци, дека почнал да размислува. Тоа што
го прави еден дечко кој беше во топ 30 е многу попочитуван од тоа
што го прави Федерер, кој го напушти тенисот и се врати само со
Лејвер купот“, рече Трунхелити.

Грчкиот тенисер Стефанос Циципас, одлучи повторно во својот табор да го врати неговиот екс тренер, неговиот татко Апостол.

Тоа значи дека е прекината досегашната соработка со Марко Филипусис, со кој не бележеше добри резултатити изминатиот период. Стефанос во август одлучи својата кариера да ја продолжи без неговиот татко, но тоа траеше кратко, само два месеци, па сега соработката е повторно обновена.

„Без татко ми како да го губам идентитетот како тенисер“, порача Циципас за неговата одлука.

Циципас одлично ја почна сезоната, играше Австралија Опен финале, но проблем беше што освои само една АТП титула и тоа во Мексико. Моментално е шестопласиран тенисер на АТП листата.

Австралија Опен одлучи дека натпреварувањето во иднина ќе го стартуваат во недела, наместо во понеделник.

„Го слушнавме мислењето на играчите и публиката и возбудени сме што донесовме решение кое ги задоволува сите, со ова ќе се заддржи и фер и изедначен пристап на терените“, порача Крег Тејли.

Австралија Опен ќе се оддржи од 14 до 28 јануари, а титулата ќе ја брани Новак Ѓоковиќ.

„Со оваа одлука ќе го подобриме распоредот и за навивачите и учесниците. Првата рунда ќе се игратри дена, наместо денешните два, со тоа, навивачите ќе имаат уште еден врвен ден тенис“, се надоврза Тејли.

Пред да бидат картите пуштени во продажба на 12. октомври, ќе се дознаат уште неколку големи промени во Мелбурн.

По вчерашниот триумф на фјучерсот во Куршумлиска Бања и освоените 70 поени од турнирот и со вкупно 399 поени се искачи на 186. место на ВТА листата.

Таа е сега многу блиску до својот најдобар ранг кога беше 170-та на ВТА листата (12.јуни 2017). Во конкуренција на двојки Ѓорческа има пад за шест места и сега се наоѓа на 309. место со 256 поени. Магдалена Стоилковска исто така има скок од седум позиции и сега се наоѓа на 1237. место со 8 поени. Во конкуренција на двојки Стоилковска е на 1475. место со 6 поени и таа како и Лина во оваа конкуренција има пад за шест позиции.

Оваа недела активна на тениските турнири ќе биде единствено Стоилковска која ќе настапува на фјучерс турнирот во Шибеник.

Наредната година Суперкупот на Европа ќе биде одигран на националниот стадион – „Народови“ во полскиот главен град Варшава, објави денеска УЕФА.

Мечот меѓу освојувачот на Лигата на шампионите и освојувачот на Лигата на Европа ќе биде реализиран на 14 август. Стадионот има капацитет од 57.000 седишта. Пред само две години, стадионот во Гдањск беше домаќин финалето на Лига Европа меѓу Вилјареал и Манчестер Јунајтед.

Финалето пак, на Лига Европа се одигра на националниот стадион во Варшава во 2015 година. Ќе потсетиме дека уште еден полски град, Вроцлав, ќе биде организатор на финале во Конференциската лига во 2025 година.

Новак Ѓоковиќ со добриот настап на УС Опен си овозможи враќање на првата позиција на АТП листата.

Србинот има значајна предност во однос на второпласираниот Карлос Алкарас, но воедно има и доста поени кои треба да ги одбрани до крајот на сезоната.

Ова дефинитивно гарантира возбудувања во продолжението, но за некогашниот светски рекет број четири, Грег Руседски нема дилеми кој е најдобриот ас во 2023 година.

„Новак е број еден за оваа година кај тенисерите, иако на таа позиција помина помалку недели од Карлос. Причината е едноставна, тој не можеше да игра на Мастерсите во Индијан Велс и Мајами. И тенисерите знаат колку големи турнири пропушти Ѓоковиќ поради ковид. Сето тоа треба да се земе предвид. Мислам дека Новак се чувствуваше најдобро на светот дури и кога АТП рејтингот тоа не го покажуваше, токму поради сето тоа“, истакна Руседски.

Русинката, Марија Шарапова, иако се повлече од професионалните води пред три години, деновиве, изјави, дека тренира напорно за да го одржи телото во добра состојба.

На нејзината изјава реагираше Дарија Севил, која некогаш настапуваше за Русија а сега ги брани боите на Австралија.

„Јас очекувам уште едно враќање на Марија на терените. Никој не тренира како таа, можеби тоа значи дека сака да се врати на турнирите“, вели Дарија.

Рафаел Надал веќе подолго време не е активен на тениските терени, а тоа на најдобар можен начин беше искористено од неговиот голем ривал Новак Ѓоковиќ кој успеа да го мине на вечната листа на освоени грен слемови, поточно со последниот триумф на УС Опен веќе има две титули повеќе (24/22) на најзначајните турнири.

Надал имаше интервју за „Мовистар“ во кое истакна дека е задоволен од тоа што има постигнато, односно опуштен и немам никаква фрустрација по однос на тоа прашање со тоа што смета дека кај Ѓоковиќ е сосема поинаква приказна.

„Не сум фрустриран од едноставна причина, затоа што верувам дека направив се што можев во рамките на моите можности,

Може. Земете го Новак за пример. Тој ја живееше таа грен слем приказна поинтензивно од мене. За него ќе биде поголема фрсутрација тоа да не го оствари. Токму и поради тоа дојде до тој рекорд“, порача Рафа.

Новак Ѓоковиќ често пати е тема на разговори, според многумина тој е најдобриот тенисер во историјата, некои би кажале и најдобриот спортист.

Сега се огласи поранешната победничка на Вимблдон, Французинката Марион Бартоли.

„Новак нема статус каков што заслужува. Сите ние добро знаеме да беше Американец, со сите рекорди и титули кои што ги има освоено, ќе имаше статуа во секој град. Тоа го нема затоа што е Србин. Србија е мала земја која има и тоа како бурно минато и историја“, изјави Бартоли во интервју за медиумите.

Симона Халеп е суспендирана на четири години поради кршење на антидопинг правилата. Двократната Грен слем шампионка беше обвинета за два одделни прекршоци. Првично, забранетата супстанција роксадустат беше пронајдена во нејзиниот примерок од УС Опен 2022 година, а потоа се појавија наводи во врска со биолошкиот пасош на спортистот.

На 28 и 29 јуни 2023 година се одржаа состаноци на независниот трибунал во Лондон. Тие слушнаа докази од експерти кои зборуваа во име на Халеп и Меѓународната тениска агенција за интегритет (ITIA), а Романката исто така сведочеше пред панелот.

На 11 септември, Трибуналот потврди дека ја прогласил Халеп за виновна за намерно прекршување на анти-допинг правилата. Трибуналот ги прифати аргументите на Халеп дека земала контаминиран додаток, но пресуди дека количината што ја консумирала не можела да резултира со концентрација на супстанцијата пронајдена во позитивниот примерок. Халеп е суспендирана од октомври 2022 година. Трибуналот овој период го вброи во периодот на дисквалификација, па истиот ќе трае до 6 октомври 2026 година.