аник Синер експресно се пласираше во полуфиналето на Австралија опен. Најдобриот светски тенисер го совлада Австралиецот Алекс Де Минор со 6-3, 6-2, 6-1 за помалку од два часа игра.

Синер против Де Минор одигра речиси перфектен меч во кој на својот ривал му дозволи само една брејк топка. Од друга страна, Де Минор немаше решение за агресивната игра на Синер.

Првиот сет беше решен во петтиот гем, кога Јаник ја реализираше втората брејк топка и потоа без многу мака дојде до водство од 1:0.

Ништо не се смени и во вториот сет. Брејк во првиот гем, уште еден во петтиот и по час и 20 минути на Род Лејвер арената, Синер имаше два сета предност.

Третиот сет беше само формалност. Забележлово беше дека Де Минор полека се откажува. Синер набрзина стигна до 4:0 и лесно го заврши сетот.

Синер во петок ќе игра за место во финалето против Бен Шелтон. Американецот претходно го победи сонародникот на СИнер, Лоренцо Сонего, по речиси четири часа игра со 6-4, 7-5, 4-6, 7-6.

Синер и Шелтон досега одиграа пет натпревари и резултатот е 4-1 за Италијанецот. Американецот го доби само првиот меч во Шангајво 2023 година, а во следните четири не освои ниту еден сет против Синер.

Новак Ѓоковиќ денес во четвртфиналето на Австралија Опен го совлада 16 години помладиот Карлос Алкараз со 4-6, 6-4, 6-3, 6-4.

Со 37 години и 243 дена, Србинот стана четвртиот најстар тенисер кој победил тенисер кој бил рангиран меѓу најдобрите тројца во светот на Грен слем. Кен Роузвол е сè уште неприкосновен, откако го победи Џон Њукомб во полуфиналето на УС Опен во 1974 година на возраст од 39 години и 299 дена.

Ѓоковиќ ќе игра против Александар Зверев, светскиот рекет број два, во рекордното 50. полуфинале на Грен слем. Двајцата досега одиграа 12 официјални натпревари еден против друг, а Новак води со 8:4. Српскиот тенисер победи на сите три претходни Грен слем натпревари.

По мечот, Ѓоковиќ на теренот направи интервју со Џим Куриер, а на прашањето како го доби овој меч, тој одговори: „Од каде да почнам? Со моите две нозе и две раце, поточно со една и пол нога. На почетокот морам да кажам, почит кон мојот противник за сето она што го направи, тој е исклучително момче, најмладиот број 1 досега, се надевам дека ќе видиме нови натпревари.“

„Тој ќе биде тука подолго од мене, но овој натпревар денеска беше… Не знам, Александар Зверев веројатно е буден и го гледа ова. И неговиот тим исто така. Еден од тие епски натпревари, благодарам на сите што останаа, 1 часот е по полноќ, благодарам што гледавте“.

За повредата, која го натера да земе медицински тајм-аут на сервис на Алкараз во првиот сет додека водеше со 5-4, тој вели: „Сè уште сум на теренот, па не можам да се пожалам или откријам премногу. Морав да земам уште една доза лекови.” . Не знам дали ќе продолжев ако го изгубев вториот сет. Одиграв два одлични гема, а потоа лековите почнаа да делуваат, што навистина ми помогна.“

Шпанската тенисерка Паула Бадоса се пласираше во своето прво Грен слем полуфинале во кариерата. Девојката родена во Њујорк ја елиминира третата носителка, Американката Коко Гоф со 7:5, 6:4.

Бадоса (12. на ВТА листата), од самиот старт ја притисна својата ривалка, која се соочи со две брејк шанси во третиот гем, но успеа да се извлече од таа ситуација. Она што не и успеа во третиот, Бадоса го направи во 11. гем, направи брејк, а потоа и го освои сетот.

Вториот сет започна со сервис на Гоф и маратонски гем од 14 минути, кој го освои Бадоса. Американката успеа да го врати брејкот, изедначи на 2:2, но потоа следуваше нова серија на Бадоса. Со два брејка, Шпанката дојде до 5:2, Гоф врати еден брејк, но не успеа да го врати и вториот.

Бадоса се разбуди навреме, одично сервираше во 10.гем и по еден час и 43 минути ја прослави победата.

Нејзина ривалка во полуфиналето ќе биде победничката од мечот меѓу Арина Сабаленка и Анастасија Пављученкова.

Новак Ѓоковиќ се пласираше во четвртфиналето на Австралија опен. Таму противник ќе му биде Шпанецот Карлос Алкараз.

Ѓоковиќ во три сета, по два часа и 40 минути игра, го совчада Јиржи Лехечка со 6-3, 6-4, 7-6 (4).

Неговиот пласман во четвртфиналето значи дека по 15-ти пат ќе игра меѓу осумте најдобри, што е рекорд. Ова беше втор дуел на српскиот и чешкиот тенис по оној на Јунајтед купот и втор триумф за Ѓоковиќ.

На крајот Ѓоковиќ не даде интервју на теренот. Го зеде микрофонот од Џим Куриер и рече: „Ви благодарам што сте тука, што уживате во овој спорт. Ви благодарам многу“.

Десеткратниот шампион е лут на константните провокации од поединци од почетокот на турнирот.

Српскиот тенисер во четвртфиналето на првиот сезонски Грен слем турнир ќе игра против Шпанецот Карлос Алкараз. Британецот Џејк Дрејпер му го предаде мечот при резултат 7-5, 6-1.

Ѓоковиќ и Алкараз одиграа седум меѓусебни дуели, а српскиот тенисер води со 4:3 во победи. Последен пат се сретнаа во финалето на Олимписките игри во Париз, Ѓоковиќ победи со 7-6, 7-6.

Шпанскиот тенисер Карлос Алкараз, се пласираше во четвртфиналето на АО, откако неговиот ривал Џек Дрејпер му го предаде мечот кога беше 2-0 во сетови за Шпанецот.

Алкараз „тесно“ го доби првиот сет со 7-5, но во вториот беше фуриозен и го доби со 6-1, по што Дрејпер не можеше да го следи ритамот, и му го предаде мечот. Алкараз во 1/4 финалето го чека победникот од Ѓоковиќ – Лехечка.

Во 1/4 финалето се пласираше и Тому Пол, кој со 3-0 (во сетови 6-1, 6-1, 6-1), го совлада Давидович-Фокина од Шпанија. Пол го чека победникот од Умберт – Зверев.

Данил Медведев, во спектакуларен меч по четири часа и 48 минути загууби во второто коло на Австралија опен од Американецот Лернер Тиен. 19-годиникот победи со 6-3, 7-6, 6-7, 1-6, 7-6. Мечот заврши во три часот наутро по Аватралиско време.

Медведев налета на „тврд орев“ во младиот Американец. Не делуваше добро во првите два сета, но успеа да се извлече во третиот сет, во тај-брејкот спаси меч топка, а потоа со 10-8 ја доби 13.игра и остана во мечот.

Во четвртиот, Тиен под импресија од пропуштената шанса, не постоеше на теренот. Му дозволи на Медведев да се прошета низ сетот и да изедначи на 2-2.

Драмата колуминираше во сетото на одлука. Медведев на стартото пропушти три топки за брејк, пропушти брејк топка и во петтиот гем. Успеа да му го одземе сревисот на противникот во 11. гем, сервираше за победа, но рускиот тенисер тој гем го одигра ужасно лошо.

Во супер-тај брејкот, Тиен доигра неколу спектакуларни поени, а два пати му го одзеде сервисот на Медведев и дојде до предност 8-7 беше јасно дека е ја забележи најголемата победа во кариерата.

Новак Ѓоковиќ и Карлос Алкараз изборија пласман во третото коло на Австралија опен. Ѓоковиќ во четири сета го победи Жаиме Фарија, а Алкараз во три сета убедливо го победи Јошихито Нишиока.

Ѓоковиќ прптив младиот Португалец Фарија на теренот мина нешто повеќе од три часа победи со 6-1, 6-7, 6-3, 6-2. Со исклучок на вториот сет кој го загуби во тај-брејк, седмиот носител доминираше против Фарија.

Покрај победата тој успеа да урне рекорд на Роџер Федерер. Го одигра 430.меч на Гренд слем турнирите.

Новак во третото коло ќе игра против Томаш Махач, кој го елиминира Рајли Опелка.

Алкараз беше немилосрден против 65.тенисер на АТП листата. Шпанецот славеше со 6.0, 6:1, 6:4. Алркараз првиот сет го освои за само 18 минути игра, првиот гем на Нишиока му го препушти дури во четвртиот гем од вториот сет.

Алкараз во следното коло ќе игра против победникот од мечот меѓу Нуно Борхес и Џордан Томпсон.

Новак Ѓоковиќ успешно стартуваше на Австралија опен. Во првото коло, со мали проблеми, го победи 107. играч на АТП листата, Американецот Нишеш Басавареди со 3-1 (4-6, 6-3, 6-4, 6-2).

Десеткратниот шампион на гренд слемот во Мелбурн, Новак Ѓоковиќ по три часа игра го совлада 19-годишниот Басавареди. Имаше проблеми Ѓоковиќ со мотовираниот противник, кој наметна силно темпо од самиот старт. Еден брејк му беше доволен да го добие првиот сет.

Ѓоковиќ прв пат по 19 години му се случи да го загуби првиот сет, во првиот меч на Австралија опен.

Србинот имаше проблеми и во вториот сет, не ги користеше брејк шансите, се до осмиот гем кога направи брејк, а потоа сервираше и го освои сетот. Тој момент беше клучен за конечниот исход.

Басавареди стана жртва на пеколното темпо кое го наметна. По завршувањето на вториот сет поради грчеви побара медицински тајм-аут. Не успеа да се опорави, Ѓоковиќ направи брејк веднаш во првиот гем од третиот сет, а потоа рутински го чуваше својот сервис.

Брејк во првиот гем, Ѓоковиќ направи и во четвртиот сет, а потоа уште еднаш му го одзеде сервисот на противникот и се пласира во втората рунда.

„Почетокот беше одличен, Нашиш беше подобар од мене сет и пол, силно удираше, така што ми беше тешко и навистина морам да му честитам. Да бидам искрен, начинот на кој игра е одличен бидејќи овие натпревари се тешки и проблематични, бидејќи, ова е негов прв Грен слем натпревар и тој е вистински натпреварувач. Пријатно ме изненади со начинот на кој играше и со спортскиот дух што го покажа“, изјави Ѓоковиќ.

Противник во ворото коло ќе му биде Хаиме Фари.

Гаел Монфис испиша историја на турнирот во Оукленд, стана најстариот шампион од 1990 година кога е основан АТП тур. Французинот со 38 години и четири месеци го собори рекордот на Роџер Федерер од Базел 2019 година, тогаш Швајцарецот триумфираше на возраст од 38 години и два месеци.

„Многу ми значи овој триумф“, рече Монфис по победата над Белгиецот Зизу Бергс со 6-3, 6-3 и дополни.

„Годините се само бројка. Продолжувам да работам, да верувам дека можам да играм квалитетен тенис и тоа го покажав оваа недела. Многу сум среќен“.

Еден од најхаризматичните тенисери сега има 13 трофеи во кариерата. Инаку првиот трофеј во кариерата, Монфис го освои во далечната 2005 година во Сопот, Полска.

Александар Зверев не ги криеше амбициите за титулата на Австралија опен, кој започнува в недела.

Светскиот рекет број два, Зверев има за цел да го освои својот прв Гренд слем трофеј откако ги загуби финалињата на УС Опен во 2020 година и Ролан Гарос лани.

Тој ќе се обиде да стане првиот Германец кој триумфирал на Мелбурн Парк по Борис Бекер во 1996 година.

-Мислам дека сите се свесни за тоа кон што се стремам. Сите знаат која е мојата цел и сон. Тоа е да ја освојам титулата. Почнувајќи го моето учество на Слем турнир како втор на светската ранг-листа, нормално е мојот став да биде дека сакам да го освојам трофејот. Тоа е мојот став. Сакам да го покажам мојот најдобар тенис, да стигнам што подалеку на турнирот со надеж за конечна победа, изјави Зверев.

Германецот (27) ја коментираше и новововедената можност оваа сезона од страна на Меѓународната тениска федерација за тренерска помош за време на натпреварите.

-Отсекогаш мислев дека тенисот е индивидуален спорт и дека треба сам да најдеш решение на теренот. Сега ситуацијата се менува. Тренерите седат на страна, имаат можност да следат секакви статистики и податоци во живо и да даваат различни насоки. Ова секако менува многу работи. Но, очигледно тенисот оди во оваа насока, рече Зверев.