Пелистеровото ракометно семејство е побогато за уште еден млад член. Еден од најталентираните туниски ракометари, Мохамед Азис Бен Мафуд, е нов член на Еурофарм Пелистер 2. Се работи за лев бек, висок 195 сантиметри и тежок 95 килограми. Мафуд има 21 година и доаѓа во Македонија од Клуб Американ од Тунис. Последната сезона ја мина на позајмица во Грмда.

Мафуд веднаш ќе му се стави на располагање на тренерот Александар Зарков во Првата лига. Неговото официјално претставување е предвидено следната недела во Битола.

Ракометарите на Вардар дојдоа до заслужена и убедлива победа (30-37) на скопскиот дуел со Бутел, не дозволувајќи грешка во рамките на плејофот на машката супер лига.

Црвено-црните како гости на почетокот имаа негатива и од три гола, но издоминираа до крајот на првото полувреме кое го добија со 21:13.

До крајот на средбата рутински ја одржуваа високата предност и си ги обезбедија планираните бодови од овој натпревар во рамките на плејофот.

Хориха со седум голови го предводеше победничкиот тим, Субашевски со шест погодоци се истакна во редовите на Бутел.

Вардар стигна до шестата победа на седмиот натпревар во плејофот и има два бода повеќе од Еурофарм Пелистер, кој допрва ќе го одигра својот натпревар од ова коло.

Ракометарите на Алкалоид в недела ги очекува првиот натпревар од двомечот во битката за трофејот во ЕХФ Европскиот куп, а пред овој натпревар за официјалниот сајт на ЕХФ зборуваше и тренерот на тимот Кире Лазаров.

„Покажавме константно добра форма низ целата сезона во Европскиот куп. Тимот играше со голем ентузијазам и се бореше жестоко на секој натпревар. Како млад клуб на големата сцена, имавме огромна мотивација да се претставиме во позитивно светло пред Европа. Секој натпревар, против секој противник, носеше своја специфична тежина. Како што се приближувавме до финалето, противниците беа сè поквалитетни. Од секој натпревар учевме лекции, што ни даде јасна слика каде можеме да го подигнеме нивото на нашата игра“ истакна Лазаров..

Пред дуелот со АЕК, Лазаров е свесен за квалитетот на ривалот, но и за шансата што стои пред неговите избраници.

„Ракометарите на АЕК се искусни и во секој момент сакаат да имаат целосна контрола на натпреварот. Не очекува сериозен предизвик. Ако фатиме добар ритам, се надевам дека ќе можеме да изненадиме како аутсајдери. Ќе биде тешко – но не и невозможно.

Поради големиот интерес за првиот натпревар од финалето на ЕХФ Европскиот куп меѓу АЕК и Алкалоид закажан за в недела во Атина, домаќините денеска соопштија дека ќе бидат отворени дополнителни блокови и пуштени во продажба дополнителни билети, а според информациите на дописничката на МИА од Атина, досега се продадени околу 3.000 карти.

Натпреварот ќе се одигра во олимписката сала „Сунел Арена“, продажбата на билети започна во вторникот и како што објави МИА се по цена од 10, 15 и 40 евра во ВИП делот.

Денеска пак, два дена откако беа пуштени во продажба, голем дел од билетите веќе се распродадени, па домаќините отворија уште два блока од една од трибините, со што засега, отворени за гледачи се 12 од 44 блока од трибините во салата, а доколку бидат исполнети, ќе се отворат и дополнителни.

Со брзо темпо продолжуваат да се продаваат билетите за првото европско финале на Европскиот куп на ЕХФ против Алкалоид, кое ќе се одржи во „Сунел Арена“ во недела, 18 мај во 19:00 часот. Поради големата побарувачка, АЕК информира дека се отворени и блоковите 3 и 10 од салата! Ве повикуваме сите да го поддржите нашиот тим на патот кон европскиот успех, соопштија од АЕК.

Извори од клубот за МИА посочија дека досега се продадени околу 3.000 билети.

Натпреварот АЕК-Алкалоид во Атина е закажан за 19 часот по локално, 18 часот по македонско време, а реваншот во Скопје ќе биде една седмица подоцна, на 25 мај во спортската сала „Борис Трајковски“.

Салата „Сунел Арена“ во западниот дел на Атина, изградена за Олимписките игри одржани во 2004 година, а реновирана пред четири години, има капацитет да прими околу 9.000 гледачи, а од 2019 година ја користи КК АЕК за натпреварите во грчката кошаркарска лига, но е приспособена за одржување и на ракометни натпревари.

Мартин Томовски уште еднаш покажа дека е во фантастична форма. Она што нашиот репрезентативен голман го правеше во дресот на репрезентацијата, вечерва го направи и на голот на Потсдам против Рајн Некар Левен во меч од 29.коло во Бундеслигата.

Иако Потсдам на гости загуби од РНЛ со 29:26, македонскиот голман блескаше со 12 одбрани и тој лично долго време на мечот го одржуваше својот тим во игра за добар резултат. Одбрани и еден седмерец, едноставно беше одличен, но и тоа не беше доволно за сензација.

На полувреме беше 11-11, иако во одредени моменти имаше Потсдам и водство. Нешто слично беше и во второто полувреме, имаше водство тимот на Томовски од три гола разлика, сепак на крајот големиот фаворот дојде до победата.

Ракометната репрезенттација на Македонија ќе биде дел од групата Б на Европското првенство во Шведска, Данска и Норвешка, а тоа значи дека нема да менува град во текот на целиот шампионат.

Македонија ќе игра со Данска, Португалија и Романија. Сите мечеви од групата Б се играат во „Јуске Банк Боксен“ во Хернинг, а најдобрите две селекции одат во следната фаза, која исто така се игра во данскиот град Хернинг. Во оваа арена Лазаров и другарите играа на Европското првенство во 2014 година.

Европското првенство во Норвешка, Данска и Шведска ќе се игра од 15 јануари до 1 февруари. Бранител на тронот е Франција која во последното финале ја совлада Данска, а третопласирана беше Шведска.

Ждрепката сакаше Македонија да се најде во групата Б на Европското ракометно првенство, која ќе се игра во Хернинг. Репрезентациите на Данска, Португалија и Романија се нашите ривали во првата фаза.

Веќе е и познат распоредот на натпреварите со тоа што сатниците дополнително ќе бидат одредени.

Турнирот избраниците на Кирил Лазаров ќе го стартуваат на 16 јануари и тоа против фаворитот број еден за европското злато Данска. Потоа на 18 јануари одиме на мегдан со Романците која е селекција со која можеме да се надигруваме и да бараме победа за да на крајот, на 20 јануари, ги одмериме силите со незгодната Португалија.

Македонија во група со Данска, Португалија и Романија на Европското првенство

Македонија ќе биде дел о групата Б каде што ќе игра против селекциите на Данска, Португалија и Романија. Данска важи за една од најмоќните репрезентации во светот, а Португалија и Романија се непредвидливи.

Група А (Хернинг, Данска): Германија, Шпанија, Австрија, Србија
Група Б (Хернинг, Данска): Данска, Португалија, Македонија, Романија
Група Ц (Баерум, Норвешка): Франција, Норвешка, Чешка, Украина
Група Д (Баерум, Норвешка): Словенија, Фарски Острови, Црна Гора, Швајцарија
Група Е (Малме, Шведска): Шведска, Хрватска, Холандија, Грузија
Група Ф (Кристијансанд, Шведска): Унгарија, Исланд, Полска, Италија

ЕП во ракомет е закажано за почетокот на идната година, односно во период од 13 јануари до 1 февруари.

Еурофарм Пелистер,постигна договор со Илија Абутовиќ за продолжување на соработката за уште една година. Тоа значи дека интернационалецот од Србија и во следната сезона 2025/26 ќе го носи дресот на битолчани.

„ Продолжува нашата тенденција шампионите да продолжат да го носат нашиот дрес и во иднина. Ни претставува особено задоволство што постигнавме договор за продопжување на соработката со Илија Абутовиќ. Српскиот интернационалец и во сезоната 2025/26 ќе настапува за Еурофарм Пелистер и со своето искуство и квалитет ќе биде еден од лидерите на нашиот млад тим. Неговата сезона, неговите настапи и победничкиот ген уште еднаш ни потврдуваат дека направивме вистински потег што го доведовме минатото лето.

Илија Абутовиќ дебитираше за Спартак Суботица во 2006 година, а потоа ги носеше дресовите на Партизан и словенечки Слован од Љубљана. Во 2011 година потпиша за Вардар и остана седум години. Потоа го чекаше предизвикот Бундеслига и четири години го носеше дресот на Рајн Некар Левен. Последните две сезони пред да дојде во Битола ги мина настапувајќи за Шартр.

Абутовиќ има европска клупска титула, пет освоени првенства на Македонија, титули од српските шампионати и Куп, како и четири изданија на СЕХА лигата“велат од Пелистер.

Ракометната секција на Барселона конечно го реши голманското прашање за наредната сезона

Изборот на управата на каталонците падна на Барселона, одличниот исландски голман  Виктор Халгримсон кој доаѓа од редовите на Висла Плоцк.

Халгримсон официјално потпиша двогодишен договор со Барса, со што ќе му се приклучи на Данецот Емил Нилсен во голманскиот тандем на најтрофејниот европски ракометен колектив.

Исланѓанецот има одлична сезона, со 36% успешност е најдобар голман во полското првенство, додека во ЛШ имаше 28% успешни интервенции.