Српскиот репрезентативен голман Дејан Милосављев си заминува од редовите на Фуксе Берлин, иако беше еден од клучните играчи во историската сезона во која „лисиците“ стигнаа до првата титула во Бундеслигата.
Договорот е веќе постигнат, а Милосављев ќе му се приклучи на новиот клуб по завршувањето на актуелниот договор со Германците, кој трае до јуни 2026 година.
Милосављев ќе потпише тригодишен договор. Оваа сезона ќе ја мине во Берлин, а потоа без обештетување ќе се пресели во Полска.
Кавадарци домаќин на Суперкупот на Македонија во ракомет
Тимовите на Еурофарм Пелистер и Вардар 1961 на почетокот на септември ќе се борат за првиот трофеј во новата натпреварувачка сезона.
Традиционално ракометните возбудувања во Македонија започнуваат со Суперкупот, кој оваа година ќе се игра во Кавадарци.
Ракометната федерација на Македонија (РФМ) ги извести клубовите за местото каде ќе ја водат новата битка, а салата „Јасмин“ за првпат ќе биде домаќин на еден ваков ракометен спектакл.
Натпреварот е закажан за на трети септември, а РФМ дополнително ќе извести за терминот и судиите кои ќе ја делат правдата на ова дерби.
Скопје домаќин на регионален ракометен турнир
Од 28 до 30 август, спортскиот центар „Борис Трајковски“ ќе биде домаќин на Регионалната ракометна лига, натпреварувачки турнир кој ќе ги обедини ракометните екипи од Македонија, Црна Гора и Србија. Овој уникатен спортски настан има за цел да го поттикне натпреварувачкиот дух, пријателството и регионалната соработка во спортот.
Регионалната ракометна лига се одржува со поддршка на Министерството за спорт, а е во организација на Ракометната федерација на Македонија (РФМ).
„Горди сме што Македонија е домаќин на првото издание на Регионалната ракометна лига. Нашата цел е преку спортот да изградиме мостови меѓу земјите од регионот, да создадеме нови можности за младите ракометари и да им понудиме на љубителите на спортот врвни натпревари. Веруваме дека оваа лига ќе прерасне во традиција и ќе биде двигател за понатамошен развој на ракометот во регионот“, изјавија од РФМ.
На овој турнир во машка конкуренција ќе настапат РК Еурофарм Пелистер, РК Вардар 1961, РК Војводина од Нови Сад и РК Ловќен од Цетиње. Во женска конкуренција силите ќе ги одмерат ЖРК Ѓорче Петров, ЖРК Металург, ЖРК Бор од Бор, ЖРК Будуќност од Подгорица.
Натпреварите ќе се играат во текот на трите дена, а публиката ќе има можност да ужива во квалитетен ракомет, исполнет со енергија, страст и спортски фер-плеј.
Валеро Ривера најави пензија од активното играње ракомет
Валеро Ривера објави дека ја игра последната сезона во својата богата ракометна кариера.
Ривера потекнува од Барселона, а потоа настапуваше за Арагон, Алгесирас, Гвадалахара и Октавио Виго, пред да се пресели во Франција.
За Нант играше од 2010 до 2016, а потоа на две сезони се врати во каталонскиот гигант, додека од 2018 година повторно е дел од Нант и ќе комплетира вкупно 14 сезони во овој клуб.
Со националниот тим на Шпанија освои злато на СП 2013, злато на ЕП 2018, сребро на ЕП 2016 и бронза на ЕП 2014 година.
Нов договор за Калајџиески, ќе го носи зелено-белиот дрес до 2029 година
Во линија на продолжувањето на договорите со браќата Атанасијевиќ, денес ја информираме јавноста за уште еден важен потпис за сегашноста и иднината на нашиот клуб. Мирче Калајџиески се обврза на верност со Еурофарм Пелистер до јуни 2029 година, со што ја прифати подадената „рака“ од клубот да биде дел од следниот проект.
21-годишниот среден бек од Словенија дојде во Битола и веднаш се наметна во една ипол сезона во дресот на Еурофарм Пелистер 2. Од оваа сезона е член на Еурофарм Пелистер и веќе е стандарден член во тимот предводен од Рубен Гарабаја.
Калајџиевски со Еурофарм Пелистер 2 избори промоција во Суперлигата за сезоната 2025/26.
Охрид првпат го освои Меморијалот „Крсте Андоновски“
Еурофарм Пелистер не успеа да го освои својот втор турнир во Охрид, откако во финалето загуби од домашнаѕта екипа со 31-26 (12-10). Пелистерци добро го отворија натпреварот, но по почетното водство од 0-2, влезгоа во серија на грешки што охриѓани максимално ја искористија. Со голови на Ѓукиќ, Кукуловски и Јотиќ, домаќинот дојде до предност која ја одржуваше до крајот.
Иако Еурофарм Пелистер се закани во неколку наврати, охриѓани останаа смирени и со клучни погодоци во финишот го затворија мечот. Дарко Ѓукиќ беше најефикасен со шест гола за Охрид, додека Дејан Манасков постигна седум погодоци за Пелистер.
Организаторите ги соопштија и најдобрите играчи на Меморијалот, а воедно беше прогласен и идеалниот тим. Во ол-стар екипата се најдоа голманот Бојан Блажевски од Охрид, левото крило на Тримо Требње, Марко Мајсторовиќ, бекот на Еурофарм Пелистер, Павле Атанасијевиќ, неговиот соиграч Анджеј Видомски на позицијата денес бек, а најдобар кружен напаѓач е Илија Богдановиќ од екипата на Динамо Панчево.
Проблеми за Лазаров: Јагуриновски сериозно се повреди во Германија
Македонскиот ракометен репрезентативец, Томислав Јагуриноски, доживеа посериозна повреда и ќе мора да отсуствува подолг временски период.
Повредата на Јагуриноски се случила за време на подготовките со неговиот клуб Десау Рослер, а од тамошниот табор соопштија дека повредата е од сериозен карактер и бара подолг период на рехабилитација.
Според прогнозите на лекарите, Јагуриноски ќе отсуствува помеѓу два и три месеци, што значи дека тој ќе има само еден месец за враќање во потребната форма пред настапот на ЕП.
Моќно издание на одбраната и голманите, Еурофарм Пелистер го надигра Вардар
По големата победа во Скопје вредна титула, Еурофарм Пелистер отвори со триумф против вечниот ривал Вардар 1961 и во подготвителниот период за новата сезона, односн на турнирот „Крсте Андоновски“ кој се игра во Охрид. Третиот натпреварувачки ден беше затворен со вечното дерби меѓу најголемите македонски ривали, а после високото темпо од двете екипи на стартот на средбата, тимот од Битола беше оној кој се издвои со подобра игра во одбрана, но и поефикасен напад.
Еурофарм Пелистер на крајот славеше со 28-23, а со самото тоа покажа дека до оваа фаза од подготовките се наоѓа во подобра форма.
Најдобар стрелец кај Еурофарм Пелистер беше Хекберт со седум гола, додека Хориха кај Вардар постигна девет гола. Сепак, натпреварот го одбележаа голманите на битолската екипа – Хаидарирад со петнаесет и Брестовац со пет одбрани,
Во последното трето коло од групната фаза, Еурофарм Пелистер утре ќе се сретне со Динамо Панчево.
Реми на Еурофарм Пелистер и Тримо Требње во драма на турнирот во Охрид
Еурофарм Пелистер со реми стартуваше на турнирот „Крсте Андоновски“ во Охрид откако денес во интересен натпревар одигра нерешено против Тримо Требње 32-32. Првото полувреме помина во израмнета игра на двете страни во која за нијанса подобри беа гостите од Словенија кои по триесет минути игра имаа позитива од 14-15.
Вториот дел се играше гол за гол, а натпреварот влезе во неизвесна завршница. На шест секунди до крајот Видомски стрелаше за 32-32 и дуелот заврши без победник. Радивојевиќ со седум и Павле Атанасијевиќ со шест гола беа најефикасни кај Еурофарм Пелистер, а Јуречиќ со седум и Цингесар со шест гола се истакнаа кај Тримо Требње.
Ракомет
Меморијален турнир „Крсте Андоновски“ – Охрид 2025
Група Б – прво коло
Во второто коло Еурофарм Пелистер утре од 21:00 часот ќе се соочи со Вардар 1961.
Охрид првпат го освои Струшкиот ракометен турнир
Екипата на Охрид за првпат во својата клупска историја го освои традиционалниот струшки турнир, откако во битката за трофејот беше поуспешна од македонскиот ривал Бутел Скопје, победувајќи го со 30-24 (14-11).
На тој начин новиот тренер на охриѓани, Борис Ројевиќ со трофеј ја започна својата мисија покрај езерото, која продолжува со турнирот на домашен терен за неколку дена.
Дарко Ѓукиќ со девет гола беше најдобар стрелец во победничкиот тим, а шест погодоци даде најкористниот играч на турнирот Анте Иванковиќ. Давид Јаневски со седум гола беше најдобар во тимот на Бутел Скопје. Се истакнаа и двајцата голмани Блажески и Трајкоски.
Третото место го освои екипата на Тиквеш, која што во драматичен натпревар по изведувањето на пеналите беше поуспешна од турска Бурса.
