За женското Светско првенство во ракомет, кое ќе се одржи во 2027 година, Германците ги одбраа градовите Трир, Дортмунд и Штутгарт, додека за машкото СП за три години ќе има осум града што ќе бидат домаќини, со оглед на тоа што ќе играат 32 селекции.

Пет од нив веќе беа домаќини на ЕП 2024, а ќе има плус три дополнително.Покрај Берлин со „Мерцедес Бенц Арена“, Манхајм, Хамбург, Келн и Минхен, Германците ги планираат и Хановер, Бремен и Штутгарт за домаќини на најдобрите светски репрезентации во јануари 2027 година.

Легендарниот француски ракометар Седрик Сорaиндо го напушти романскиот Динамо Букурешт и ќе има нов предизвик во кариерата.

Кружниот напаѓач потпиша договор со турскиот Бешикташ и ќе игра во овој клуб најмалку до крајот на сезоната.

Во Бешикташ на линијата настапуваат полскиот интернационалец Матеуш Пиечовски и Алжирецот Хишем Кабеше.

Репрезентацијата на Данска не успеа да го освои златото на Европското првенство во Германија, откако во финалето загуби на продолженија од Франција со 33-31.

Актуелниот светски првак посакуваше европско злато, но „триколорите“ беа за нијанса подобри во продолженијата.

Селекторот на Данска, Николај Јакобсен, по загубната битка со Франција го анализираше поразот и истакна дека не е љубител на среброто.

,Не сум љубител на сребрените медали. Ова беше навистина еден тежок натпревар, се играше на едно високо ниво и двете репрезентации играа многу добро. Клучно е кога имате свои шанси, а не ги искористувате, поради тоа сега сме разочарани и тажни. Денес имавме свои шанси кои не ги искористивме и затоа Франција победи. Француската репрезентација беше малку подобраод нас во последните десет минути, изјави Јакобсен.

Црногорскиот ракометар Вуко Борозан, по настапот на Европското првенство си обезбеди трансфер во Саудиска Арабија и во следните шест месеци ќе го носи дресот на Ал Хада.

Левиот бек на почетокот на оваа сезона беше претставен како големо засилување во црногорскиот шампион Ловќен, но двете страни спогодбено го раскинаа договорот.

Рекордот што го поставија Германците на првиот ден од Европското првенство во Диселдорф и бројката од 53.586 гледачи, најверојатно нема да трае долго време.

Шпанска „Марка“ пишува дека претседателот на тамошната федерација, Франциско Блазкез открил дека планот е финалето на Европското првенство во 2028 што ќе се игра во Швајцарија, Португалија и Шпанија е да се игра на стадион.

Разговараме со шпанската федерација за финалниот викенд наЕП 2028 да се игра во Мадрид и би било убаво ако тоа е стадионот „Сантијаго Бернабеу“. До пред некое време стравувавод идејата за финале на стадион бидејќи секогаш постои ризик нешто да не функционира како што треба. Но сега верувам дека ако постои добраорганизациска подготвеност тоа е сосема реално. Името „Бернабеу“ звучи навистина добро. 2028 е далеку, но интензивно ги разгледуваме сите аспекти заоваа идеја да се реализира, изјави претседателот наЕХФ, Михаел Видерер за германскиот „Билд“.

Станува збор за стадионот „Сантијаго Бернабеу“, кој има капацитет од 83.000 гледачи кога се работи за фудбалски натпревари, но како и да биде адаптиран за ракометен натпревар би имало повеќе гледачи отколку во Диселдорф.

Претходно ЕП 2026 година ќе се игра во Данска, Шведска и Норвешка, но скандинавците веројатно нема да експериментираат со играње ракометни средби на фудбалски стадиони.

Милан Лазаревски ќе остане во Вардар најмалку до 2026 година откако и официјално го продолжи договорот со „црвено-црните“. Повеќекратниот македонски првак и репрезентативецот на Македонија соработуваат две години, а клубот беше задоволен од настапите и двете страни брзо се договорија за продолжување на верноста.

Лазаревски кој за две седмици ќе го прослави својот 24 роденден, сезонава е еден од предводниците во тимот, и со своите игри се наметна и во репрезентацијата на Македонија. Настапи на ЕП што сега се одржува во Германија, а каде Македонија играше во групната фаза.

Одличните игри, и во одбрана и во напад го ставија на пиедесталот како еден од најдобрите пивотмени во Македонија.

„Верувам во овој проект, во клубот во кој сум сега, и драго ми е што ќе останам и понатаму дел од Вардар. Ова е место што овозможува голема индивидуална и колективна надградба на сите играчи. Благодарен сум за довербата и вниманието што го добивам од стручниот штаб и управата на клубот. Овој тим што сега го има Вардар допрва ќе го покаже своето вистинско лице. Мое е задоволството што ќе бидат дел од таа приказна, вели Милан Лазаревски.

Клубот продолжува со задржување на играчите на кои смета и во иднина, со што костурот на тимот и во иднина ќе биде ист. Лазаревски е еден од неколкуте сегашни играчи што го продолжија договорот со Вардар.

“Големо е задоволството што успеавме да го задржиме Милан Лазаревски во нашиот тим, и покрај сите понуди што ги имаше од екипи од Европа. Тој покажа од самиот почеток на сезоната еден континуиран напредок и веќе е играч на кој може сериозно да сметаме, и ние и македонската репрезентација. Драго ми е што тој го препозна она што ние го работиме во клубот, и сигурен сум дека заеднички ќе ги оствариме сите наши зацртани цели за оваа сезона. Можам да потврдам дека 90 осто од играчите имаат догодишни договори, што укажува дека сакаме да бидеме стабилен тим и да го смениме сегашниот начинот на фукционирање на клубовите во Македонија, и Вардар да биде позитивен пример за градење на долгододишни проекти, вели Борко Ристовски, Извршниот директор на Вардар.

Во пролетниот дел од сезоната, во разигрувањето за титулата Вардар ќе стартува со три бода, и пред себе ќе има уште 14 кола, во обид за враќање на титулата, и за здржување на Куп титулата.

Во пресрет на завршното коло од втората рунда на ЕП 2024, кога веќе е познато дека Данска и Шведска ќе играат во полуфиналето, челниците на Европската ракометна федерација (ЕХФ) ги потврдија деталите околу баражот за СП 2025, кое ќе се одигра во Хрватска, Шведска и Данска.

Во пресрет на завршното коло од втората рунда на ЕП 2024, кога веќе е познато дека Данска и Шведска ќе играат во полуфиналето, челниците на Европската ракометна федерација (ЕХФ) ги потврдија деталите околу баражот за СП 2025, кое ќе се одигра во Хрватска, Шведска и Данска.

Како што е веќе објавено, Македонија со победата над Швајцарија во последното коло од прелиминарниот круг на ЕП избори пласман меѓу најдобрите 17 селекции на континенталниот собир, што значи место во првиот барабан при ждрепката за двомечот што ќе одлучи кои селекции ќе играат на следниот Мундијал. Овие натпревари ќе се одиграат во периодот помеѓу 8 и 12 мај, додека противникот ќе го дознаеме на 27 јануари, за кога е закажана ждрепката на двојките.

ЕХФ истовремено објави дека Франција како домаќин и светскиот првак Данска имаат директни визи за ЛОИ 2024 во Париз, додека според пласманот на ланското СП место во олимписките квалификации веќе имаат обезбедено Шпанија, Шведска, Германија, Норвешка и Унгарија. Остануваат уште две места за најдобрите од ЕП 2024 надвор од споменатите селекции, додека Хрватска и Словенија се на листа на чекање од Мундијалот и би влетале во квалификациите во случај една од петте погоре споменати селекции има најдобар пласман во Германија без да се земат в предвид репрезентациите на Франција и на Данска.

МОЖНИ РИВАЛИ НА МАКЕДОНИЈА ВО БАРАЖОТ: Грузија, Србија, Фарски Острови, Швајцарија, Романија, Грција, Босна и Херцеговина, Белгија или Италија, Естонија или Украина, Финска или Литванија, Словачка или Луксембург/Израел.

На Европското првенство во ракомет во Германија, Никола Карабатиќ, репрезентативецот на Франција, има шанса да го достигне рекордот според бројот на постигнати голови.

Карабатиќ на досегашните ЕП има постигна 279 гола и е блиску до Исланѓанецот Гудјон Валур Сигурдсон, кој со 288-те голови е најефикасниот играч на сите времиња.

Никола Карабатиќ со 71 одигран меч на ЕП е рекордер. Тој е и меѓу тројцата играчи во историјата на ЕП кои по двапати биле прогласувани за МВП. Другите двајца се Хрватот Ивано Балиќ и Швеѓанецот Џим Готфридсон.

Најмногу голови на едно ЕП, 2020-та, има дадено Норвежанецот Сандер Сагосен, 65. Хрватска, Франција и Шпанија се трите репрезентации кои играле на сите ЕП од 1994 година па досега.

Шпанија има најмногу медали од ЕП, вкупно девет. Најмногу злата има Шведска, пет. Шест земји имаат освојувано златни медали на 15 првенства, меѓу кои ќе ја нема Русија поради воената ситуација во Украина.

Еден од најдобрите ракометари на швајцарската ракометна репрезентација, Никола Портнер се повреди на дуелот против Германија во првото коло на Европското првенство.

Еден од најдобрите ракометари на швајцарската ракометна репрезентација, Никола Портнер се повреди на дуелот против Германија во првото коло на Европското првенство.

Голманот на Швајцарија не го доигра дуелот против домаќинот на шампионатот, пред крајот на второто полувреме мораше да го напушти теренот, откако незгодно доскокна.

По деталните прегледи и снимање со магнет, од федерацијата на оваа земја беше соопштено дека станува збор за истегнување на лигамент и дека тој ќе продолжи со настапот на ЕП.

Никола Портнер кој е голман на европскиот шампион Магдебург, се очекува да биде на располагање за следните мечеви, најверојатно ќе го чуваат за пресметката со Македонија која е закажана за 16 јануари.

Кружниот напаѓач на Кил, Хендрик Пекелер, официјално ќе стави крај на репрезентативната кариера.

Пекелер нема да игра на претстојното Европско првенство, а ќе се збогува со бундес тимот на вториот пријателски натпревар со Португалија.

Во моментов е член на Кил, а во претходно играше за три бундеслигашки клуба – Бергишер, Лемго и Рајн Некар Левен.

Селекторот Алфред Гисласон на линијата од шест метри ги има на располагање Гола, Колбахер и Фишер.