Една од најдобрите ракометарки на светот, репрезентативката на Романија, Кристина Неагу, можеби нема да игра на Светското првенство 2023, кое ќе започне на 29 ноември.

Неагу на 18 ноември во натпревар од Лигата на шампионите го повреди коленото и не настапи на турнир „Карпати куп“ на кој нејзината репрезентација имаше неколку тест натпревари.

Селекторот на репрезентацијата на Романија, Флорентин Пера, на местото на Неагу веќе ја повикал ракометарката на Слатина, Диана Ликсандроу.

Српската ракометарка Андреа Лекиќ, успеа да ја пробие
магичната граница од 1.000 погодоци во ракометната Лига на
шампионки.
Во убедливиот триумф на нејзиниот ФТЦ Ференцварош на гости
кај Заглебје во Полска, Лекиќ успеа да ја надмине
четирицифрената граница.
Овој момент не мина незапазен, па таа доби овации од верните
навивачи на клубот од Унгарија кој допатуваа на ова гостување.
Лекиќ стана само четврта ракометарка која има повеќе од 1.000
погодоци во елитното натпреварување. Претходно тоа им успеа
на Анита Гербиц, Кристина Неагу и Јованка Радичевиќ.

Шпанската ракометна федерација официјално објави дека е продолжена соработката со Жорди Рибера, кој е еден од селекторите со најдолг стаж. Двете страни се договорија на нова, четиригодишна соработка, па така Рибера на чело на Шпанија ќе биде до 2028 година.

Рибера на кормилото на Шпанија дојде во 2016 година на местото на Маноло Каденас, а претходно ги водеше Бразил и Аргентина. На клупско ниво работеше во неколку шпански клубови –  Арате, Галдар, Бидасоа и Адемар Леон.

Со шпанската репрезентација досега освои шест медали на големите натпреварувања, а ќе има уште две шанси на ЕП 2024 и ОИ 2024.

Данило Брестовац ја продолжи соработката како селектор на клупата на Обединетите Арапски Еримати најмалку до април 2024 година.

Македонскиот стратег неодамна го имаше првиот сериозен тест како селектор на ОАЕ, во квалификациите за Олиписките игри во Париз.

Иако ОАЕ не се пласираше на Олимпијадата, сепак но имаше добри натпревари, кои пак беа доволна препорака за раководството на тамошната федерација да му понуди нова соработка.

Азиското првенство што ќе се игра во јануари е вториот голем предизвик за него како селектор. Од тој шампионат, четири репрезентации ќе обебедат учество на Светското првенство во Хрватска/Норвешка/Данска што ќе се игра во јануари 2025.

Кирил Лазаров последните години од кариерата му ги посвети на Нант и беше испратен како „крал“ од францускиот клуб.

Актуелниот македонски селектор сега се најде и на „ѕидот на легендите“. Нант ги објави имињата на ракометарите кои оставија посебна трага во клубот а Кире заслужено се најде во стартната седморка.

Во неа се уште и Бруно Соуза, Фредрик Дол, Алберто Ентрериос, Махмуд Гарби, Доминик Клајн и Рок Фелијо.

Српскиот ракометен тренер Горан Ѓокиќ, е нов предводник на селекцијата на Катар, која ја очекува настапот на Азиското ракометно првенство.

Некогашниот играч на Пролетер Зрењанин, Динамо Панчево и низа шпански клубови, веќе долго време живее и работи во Катар.

Тој е предводник на Ал Духаил, со кој ги има освоено сите домашни трофеи и е еден од најтрофејните тренери во Катар.

По неуспехот да се пласираат на Олимписките игри, челниците на катарската федерација решија дека е време да ја прекинат десетгодишната соработка со Валеро Ривера.

Европската ракометна федерација (ЕХФ) ги откри првите кандидатури за организација на Европските првенства во 2030 или 2032 година. Како што е објавено на сајтот на ЕХФ, потврдени се досега добиените кандидатури за организација на Европското првенство во 2030 и 2032 година, во двете конкуренции.

Се додава дека сите нови пријави ќе бидат прифатени до први јуни, кога и официјално ќе заврши можноста за испраќање кандидатури.

Кога станува збор за организацијата на женското Европско првенство во 2030 година, досега кандидатура испратиле Србија , Црна Гора, Швајцарија и Турција. Додека за 2032 година поднеле Србија, Данска, Германија Црна Гора, Полска и Швајцарија.

Можно е двете споменати првенства да бидат заеднички организирани од две или повеќе земји, како што е случајот оваа година, кога Македонија беше еден од ко-организаторите.

Што се однесува до Европското првенство во машка конкуренција, кандидати за 2030 година се: Австрија, Хрватска, Чешка Данска, Естонија Франција Германија, Полска и Швајцарија. За ЕП 2032 година, кандидатури поднесоа: Словенија Австрија, Хрватска, Естонија, Франција, Германија, Швајцарија и Турција.

Се додава дека сите нови пријави ќе бидат прифатени до први јуни, кога и официјално ќе заврши можноста за испраќање кандидатури.

Кога станува збор за организацијата на женското Европско првенство во 2030 година, досега кандидатура испратиле Србија , Црна Гора, Швајцарија и Турција. Додека за 2032 година поднеле Србија, Данска,

Еден од легендите на норвешкиот ракомет, кружниот напаѓач Бјарте Мирхол, ќе има нов предизвик во својата кариера.

Искусниот ракометар, кој најголемиот дел од својата кариера го помина во бундеслигашот Рајн Некар и во данскиот суперлигаш Скјерн, од следната сезона ќе биде тренер во својата татковина.

Мирхол од сезона 2024/25 ќе го предводи амбициозниот тим од Норвешка, Рунар. Станува збор за клуб кој што моментално се наоѓа на 5. позиција во норвешкиот шампионат, а во минатата сезона во Европскиот Куп стигна до полуфинале.

41-годишниот Мирхол со раководството на Рунар се договори на тригодишна соработка, па така екс репрезентативецот на Норвешка ќе има полни раце работа.

Управниот одбор на Хрватскиот ракометен сојуз (ХРС) денеска едногласно го разреши Ненад Шоштариќ од селекторската функција на женската сениорска репрезентација, а веднаш за нов селектор го избра Ивица Обрван (57).

Шоштариќ веќе има нова работа и тоа на клупата на Загреб кој игра во ЛШ во иста група со Пелистер, додека на негово место доаѓа поранешен предводник на македонската машка селекција.

Обрван во досегашната кариера предводеше екипи како Метковиќ, Медвешчак, Загреб, Горење Велење и Шамбери, а освен на Македонија беше и селектор на Босна и Херцеговина.

Женската репрезентација на Хрватска за еден месец ја очекува настан на Светското првенство (СП) во Шведска, Данска и Норвешка, па на новиот селектор му останува исклучително кратко време да ја подготви репрезентацијата.

Шпанскиот ракометен гигант Барселона го реши прашањето околу тренерското место, барем за наредните две сезони.

Актуелниот стратег Антонио Ортега реши да ја продолжи соработката со каталонскиот тим до 2026 година.

Тој го презема кормилото на Барса, по заминувањето на Чави Пасквал и ја одработува втората сезона, а сега потпиша нов договор на две сезони.

Минатата сезона Барса го заврши настапот во полуфиналето на Ф4 турнирот, а сезонава има послаб тим на хартија и ќе биде тешко да стигне до титулата во конкуренција на Веспрем, Магдебург, ПСЖ, Келце, Кил…