Бецеки ќе тргне од пол-позиција на ГН на Катар

Марко Бецеки ќе тргне од првата стартна позиција на трката за Големата награда на Катар откако денеска имаше најдобро време во квалификациите на патеката „Лусаил“.

Италијанецот до пол позицијата дојде поставувајќи нов рекорд на патеката со време од 1:50.028 минути. Ова е петта пол-позиција за возачот на Априлија во актуелната сезона.

Бецеки беше за 0,266 секунди побрз од лидерот во шампионатот Марк Маркез, за кого ова значи старт од втората позиција.

Трет е Фабио Ди Џанантоно, а Хорхе Мартин потфрли во овие квалификации и ќе стартува дури од 11. позиција.