Влаховиќ го одбрал Јувентус, трансферот пред реализација

Душан Влаховиќ својата кариера ја продолжува најверојатно во дресот на Јувентус.

Српскиот напаѓач игра фантастично оваа сезона и со своите настапи го привлече вниманието на многу европски клубови. Влаховиќ многу се поврзуваше со Арсенал кој за него беше спремен да плати 70 милиони евра, но напаѓачот порача дека не сака да ја продолжи кариерата во лондонскиот клуб.

Иако се обидуваа да го убедат не успеаа. Од вчера вечер сите најрелевантни италијански медиуми објавуваат дека Влаховиќ е пред потпис со Јувентус. Исто така Влаховиќ од својот опис на профилот го тргна делот дека е играч на Фиорентина и само дополнително ги зголеми најавите.

Информациите од Италија се дека Јувентус ќе го доведе Влаховиќ за сума од 67 милиони евра, пкус бонуси.