Будимир човек на одлука, Хрватска минимално подобра од Панама

Хрватска со 1-0 ја победи Панама, со истиот резултат славеше Колумбија над Конго во ноќните натпревари од Светското првенство.

По поразот од Англија во првото коло, Хрватите дојдоа до првата победа на Мундијалот откако ја совладаа Панама.

Селекторот Златко Далиќ реши да направи измена на стартот од второто полувреме, на местото на Муса во игра го стави Будимир и тоа се покажа како вистински потег.

Во 54. минута Хрватска направи една фантастична акција по десната страна која резултираше со центаршут на Станишиќ и гол на Будимир за водство од 1-0, што на крајот се покажа и како конечен резултат.

Со 1-0 победи и Колумбија во дуелот со Конго и обезбеди место во нокаут фазата од Светското првенство.

Стрелец на единствениот гол беше Муњоз на 15 минути до крајот на натпреварот.