Хани прв во историјата со два автогола на мундијалски турнир

Египетскиот репрезентативец Мохамед Хани стана првиот фудбалер во историјата на светските првенства кој постигнал два автогола на еден мундијалски турнир.

Во 55. минута од осминафиналниот натпревар против Австралија, Хани синоќа несмасно ја зафати топката со глава по слободниот удар на Ајден О’Нил и ја смести во сопствената мрежа за израмнување на резултатот на 1:1.

Само неколку минути претходно, египетскиот дефанзивец остана да лежи на теренот откако се судри со австралискиот играч од средниот ред Конор Меткалф во борба за топката.

Неговите соиграчи веднаш го повикаа медицинскиот тим, кој му пружи помош неколку минути поради сомневање за потрес на мозокот. Иако медицинските лица подготвија носилка, Хани, по прегледот, ја продолжи играта.

Египетскиот репрезентативец го постигна првиот автогол на тековното Светско во натпреварот од групната фаза против Белгија, кој заврши со резултат 1:1.

Египет во осминафиналето ќе игра против актуелниот светски првак Аргентина, на 7 јули во Атланта.