Светот поделен околу фаворитот во борбата Фјури – Џошуа

Долгоочекуваната пресметка меѓу Тајсон Фјури и Ентони Џошуа веќе ги предизвикаа првите сериозни прогнози во боксерскиот свет. Поранешниот светски шампион Џорџ Гроувс смета дека Фјури е јасен фаворит и дека би можел да ја заврши борбата уште во почетните рунди.

Двата британски боксери ќе се соочат на 11 декември во „Принсипалити стадионот“ во Кардиф, во спектакл кој се очекува да привлече околу 80.000 гледачи.

Гроувс верува дека физичката предност на Фјури, неговата висина и тежина ќе бидат пресудни во дуелот со Џошуа.

„Мора да го изберете Фјури како убедлив фаворит. Штом го погоди Џошуа, мислам дека ќе го нокаутира. Ова е борба со огромен притисок и не верувам дека ќе има многу тактизирање. Во моментот кога Џошуа ќе прими чист удар, мислам дека ќе заврши на подот“, смета Гроувс.