Тимо Вернер ќе го напушти Челзи во текот на летото

Англискиот „Телеграф“ пишува дека големи се шансите напаѓачот на Челзи, Тимо Вернер, да го напушти клубот ова лето. За репрезентативецот на Германија, голем интерес покажуваат Баерн Минхен и Борусија Дортмунд.

25-годишниот Вернер, пристигна на Стемфорд Бриџ во летото 2020 година од РБ Лајпциг како огромно засилување, но засега ги нема оправдано големите очекувања од навивачите и тренерот Тухел.

Германскиот репрезентативец оваа сезона одигра 8 натпревари во Премиер лигата на кои има постигнато само еден гол.