Арсенал го посакува Рубен Невес како ново засилување за тимот

Скај Спортс пренесува дека фудбалерот од средниот ред на Вулверхемптон, Рубен Невес е една од главните трансфер цели на Арсенал за летниот преоден рок.

Доведувањето на нов централен играч за врска е еден од приоритетите на „топџиите“ за ова лето, а 25-годишниот играч за врска би бил огромно засилување за тимот на Артета. Според проценките, популарните „Волци“ за португалскиот репрезентативец би барале помеѓу 50 и 60 милиони фунти . Арсенал ќе се соочи со конкуренција и од други гиганти за потписот на Невес, а како главен конкурент се очекува да биде Манчестер Јунајтед.