Дембеле се предомисли и потпиша двегодишен договор со Барса

Осман Дембеле стави потпис на новиот договор со Барселона со кој останува во клубот до 2024 година.

Веќе неколку месеци имаше информации за негова преселба во Челзи и Пари Сен Жермен, но на крај офанзивецот одлучи да ја намали платата и да остане во Шпанија. Тој пристигна во каталонскиот гигант пред пет години од Борусија Дортмунд за 140 милиони евра.

Честите повреди не му дозволија да го покаже својот талент. Чави Хернандез, сепак, му даде доверба и успеа да го убеди да биде дел од проектот, кој треба да ја врати Барселона на врвот на шпанскиот и европскиот фудбал.

Во досегашните настапи во дресот на Барселона во Ла Лига, Дембеле има 19 погодоци и 27 асистенции.