Манчестер Јунајтед пронајде напаѓач кој би го заменил Роналдо

Екипата на Манчестер Јунајтед покажува интерес за ангажман на напаѓачот од Брентфорд Иван Тони, пренесува весникот Мирор.

Тимот од Олд Трафорд засега не планира конкретна понуда за Тони, туку ќе ја почека разврската околу иднината на Кристијано Роналдо, и дали тој планира да остане во Јунајтед и следната сезона.

Иван Тони во дресот на Брентфорд минатата сезона постигна вкупно 14 гола и реализира шест асистенции. За 26-годишниот голгетер интерес пројавуваат Њукасл Јунајтед и Вест Хем.