Галтие најави заминувања од Париз на крајот од преодниот рок

Тренерот на Пари Сен Жермен, Кристоф Галтие, ги објави влезните и појдовните трансфери во преостанатите денови од затворањето на пазарот (1 септември).

Досега клубот платил околу 70 милиони евра за Витиња, Ренато Санчез, Норди Мукиеле и Хуго Екитике, а има сериозен интерес за Фабијан Руиз и Милан Шкриниар.

Во исто време си заминаа многу натпреварувачи како Анхел Ди Марија, Тило Керер, Жоржињо Вајналдум и други.

„Многу работи ќе се променат во следните, последни денови од преодниот рок, бидејќи има многу играчи кои чекаат да си заминат, а исто така и оние кои чекаат да дојдат кај нас“, изјави Галтие.

Тренерот не сакаше да даде детали што се случува со Шкриниар, кој веројатно ќе остане во Интер. Галтие потврди дека Леандро Паредес е во преговори со Јувентус.