Мурињо ги шокира аргентинските фанови – Дибала го пропушта Мундијалот во Катар?

Аргентинскиот фудбалер Паоло Дибала беше стрелец на гол од пенал во победата на Рома против Лече од 2:1 во деветтото коло од Серија А, но набрзо после погодокот тој беше приморан да го напушти теренот поради повреда.

После завршетокот на дуелот, тренерот на Рома Жозе Мурињо изрази стравување дека повредата на Дибала е посериозна од очекуваното, и дека играчот би можел да го пропушти СП во Катар.

„Повредата изгледа многу лошо, а после разговорот со Дибала искрено мислам дека се работи за доста лоша повреда. Тешко дека ќе го видиме повторно на фудбалскиот терен пред 2023 година“, изјави Мурињо.